حكايتي مع الشعر اسمعوها واستفيدو@@@

[فاعلة خير]

حبايبي (الناس اللي بيهتمو بالشعر الفصيح والعامي )

أيام مراهقتي في سن الشباب كانت لي محاولات شعرية انا اشوفها انها جميلة وكان كل الجماعة حولي يشجعوني عليها حتى الفت ديوان في كل فنون الشعر وبعد كل قصيدة اكتبها يصفقولي اخواتي واخواني وزميلاتي لما بيسمعوها وكنت ابدع ابداعات رائعة ولما وصلت الجامعة كان معانا دكتورة محاضرة وكنت احبها كثير وهيا متخصصة بالأدب والشعر وكنت اعرض عليها قصايدي وحدة ورا وحدة وكانت كل ماتشوف قصيدة تهز راسها بقوة وتنطط براطمها وتغمض عيونها بشدة وتقول (حرام عليك ياشيخة ايش هذا 000 الله يرحم الشعر ) ومع هذا كنت مصرة ومستمرة آخذ رايها في كل قصيدة اكتبها وهي تقولي نفس الكلام الله يذكرها بالخير والله حطمتني تحطيم قوي وبعدين قصدت فيها قصيدة قوية وانتقدتها فيها وكان مطلعها
(حرام عليك ياشيخة حرمت عيشتك يادكتورة
حرام عليك ياشيخة قتلت الشعر يامجنونة )

ثلاثين بيت قصيد كله نقد وفيه طرفه0000000

ولما جبتلها القصيدة ضحكت لما طلعت ضروسها الأخيرة وهي تقصد بصوت عالي وتقول ( حرام عليك ياشيخة قتلت الشعر يامجنونة )
والتموا البنات عليها ويرددو وراها ( حرام عليك ياشيخة قتلت الشعر يامجنونة ) وخرجت من القاعةوانا امشي وراهم واصيح وابكي وهي تضحك وتغني قصيدتي وتقولي يامجنونة0000000 بعد كدا جننتني صحيح وحرمت على نفسي اقول القصيد والشعر 000
عارفين ايش اخرت السالفة مابي اطول عليكم في حفل التخرج فاجأوني وهم حطاين فقرة بعنوان (قصيدة قاتلت الشعر للشاعرة المجنونة ) بصراحةاعجبني العنوان ولما بدت الفقرة وإلا الجماعة يغنو قصيدتي كاملة لحنوها وغنوها ويرقصو عليها وانا زي الاطرش بالزفة000 وبعد القصيدة المغناه بدل مايصفقو البنات صاروا يضحكو بشكل هستيري وكانت مفاجأة لكنها لي حزينة@@
اتمنى اسمع تعليقكم وانتقاداتكم ومشاركاتكم