ما كل من يآقف بجنبي من أصحابي .. جديد الشاعر : خلف المشعان ..

[الدووووخي]

:
:
:



يامالك القلب لازم .. تحرق اعصابي
.,.......................... فدوتك لو تحرق اعصابي وتتلفها


لاصرت تعرف غلاي وتعرف اعجابي
......................... والحاجه اللي جهلها الناس .. تعرفها


ليه اتـّنرفز اذا غيركـ ،، تغـــنابي
......................... وترجع لاغاني زمان اول .. وتعزفها


تـِهْزا بمنهو يقرّب لي ، وتهزابي
............................. والنغزه اللي تبط الكبد .. تحذفها


وشلون لو مانت اعز الناس وادرابي
............................ مسيرتي بالحياه .. اخاف تنســفها


مادمت تزعل ليامن كثرو احبابي
........................... معناتها اعداي .. لو تكثر توالفـها


ماكل من ياقف بجنبي من اصحابي
....................... بعض الاصاحيب ، مدري كيف اوصفها


لاتعطي اللي يبي المضراب مضرابي
.................................. خل الرديه رديه .. لاتخــطفها


لوشفت غيرك .. فـ غيرك .. ماتهنابي
........................ من يوم شفتك ... وكل الناس شاطفـها


لاتشقي النفس .. ليه الناس تشقابي
........................ كلمتك هذي دخيلك وين ابصرفها ...؟؟؟


مااقدر عن الريح اسكر يالغلا بابي
............................. مايكسب الناس من حاول ، يخالفها


الطيّب اللي يجيني ، ياخذ ثيابي
............................... واهل السوالف كفانا الله سوالفـها


انا ادري انك تحب اللعب باعصابي
............................ فدوتك .. لو تحرق اعصابي وتتلفها




الشاعر : خلف المشعان ..

[سـَمآ ♪]

اقتباس ماكل من ياقف بجنبي من اصحابي

++تسلم ع الاختيار الف شكر..++

[عاشق القمم]

سلمت على الانتقاء الجميل ..

[صانع الإبداع]

الله يعطيك العافية
على الانتقاء الرائع

[الدووووخي]

شكرا لتوااجدكم ..

[شمس الرائدية]

إنتقآءثري وطرحٌ مميز
ننتظر المزيد من جمال أطروحاتك
تقبل إحترامي وخالص تقديري

[الدووووخي]

كارليس شكرا لتوااجدك ..

[آخر العنقــود]

سلمت اخوي على هالقصيده

[بنت الشيوخ]

صح لسانك

قصيده في قمة الروعه

[حنين]

تسلم على هالاختيار يالدووخي