بتال يقول : والله مايسوى

[بتال]

والله مايسوى

نعم الدنيا ماتسوى شي فلقد مررة في جميع المواقف الصعبه وسهله .. فبعض الاخوه يكبر الموضوع
بطول والعرض .. وفي الاخير تحدث المشكله .. فاذكر مره .. كانت السالفه عن الكوره .. وكل يوم نتحدث عن نفس الموضوع الى ان اشتدى الصراع بيننا الى ان حل الزعل بين الاصدقاء .. والسبه (كوره) ... وكل السالفه صارت اعناد بعناد ... وكنت في ذالك الوقت اضحك من السالفه ..
فقال لي صديقي :وش عندك تضحك ..
قلت : العقل نعمه .. وشي اذا زاد عن حده قلب ضده .. والسالفه كوره ماتسوى شي ..

هذا صحيح وبكل صراحه ماودك اطول الموضوع وسبب ان بعض الناس يكبر الموضوع وهو مايسوى هالموضوع ..
وبعض الاخوه للاسف الشديد عندهم عقل فضيع جدا .. يحب ان يسمع كلام الناس .. فلقد حدث معي هذا الشي .. لقد كنت امشي مع احد الاصدقاء ايام وسنين .. وفجاءه اتصل علي ..

يقول: لاتماشيني ..
فقلت له : ابشر الله يستر عليك وعلينا ..
فسالني صديقي : وش عند افلان متغير ..
قلتله : مدري .. قالي كذا وكذا .. قلتله ابشر..
فذهب صديقي .. ليساله فقال له : بتال .. فيه كذا وكذا وعنده كذا ..
فضحك صديقي وقاله : كل هذا موجود بتال ..
قال : كل هذا ..
فقال له صديقي : وكل هذا اكيد .. بتال .. انت متاكد ..
قال : متاكد ميه فالميه ..
فقال : سبحان مغير الاحوال اول كنت مع .. بتال ..واليوم هالعيوب طالعه ..

نعم هذا صحيح فالاخوه يسمعون كلام فلان .. وعلان .. ولا يميزون ان هذا صح الكلام .. او .. خطاء .. والحقيقة صعب احد يقولها فالكل يهمه نفسه ومصالحه .. ولا احد يستطيع ان يثق بنفسه ..

وبعض الاخوه تشوفه فجاءه شايف نفسه ماعليه من احد ويسوي اللي يبي يسويه .. فاذكر ان احد الاصدقاء نفخ نفسه علي .. وصار يرد عليه بعد ان توظف .. وهو من اول طيب واخلاق ..
فقالوا له الشباب : وشفيك على بتال ..
قال : مغرور يحسب نفسه رئيس على الشله ..
فقالوا له : قال كلمه خطاء .. سبك .. تكلام عليك بكلام ماهو زين .. عمره قالك .. لا .. كم مره فزعلك .. عمره قال سالفه ماهي زينه .. كل سوالفه تضحك ..
فكانت كل اجاباته : .. لا ..
فقالوا له : زين وش فيك عليه ..
فلم يستطع ان يتكلم فطردوه الاصدقاء من الشله..

يعالم تكفون الله خلقنا بعقول .. يعني خلاص توظفت .. محد قدك .. تنفخ على ايش ياحسره .. والله عجب يادنيا عجب ..

العقل نعمه من الله فبعض الاخوه لايفكر بما حوله وتشاهده يقذف بالكلمات اللي مالها داعي فاذكر مره كنا جالسين في احد مجالس الاصدقاء فاذا بصديق لنا يتمازح مع احد الاصدقاء .. وشويه قاموا بقذف بعض الكلمات التي لاتجوز ذكرها .. وشوي ويمتد الكلام الى الحقد وكل واحد يقول هو اللي بدا .. فصدقوني بعض المزح لايليق باعمارنا ولا يجوز اطلاقا ولا توجد أي اسباب لهذه التصرفات .. افلان متزاعل مع افلان والسبب كذا وكذا .. وانا اذكر مره اني تشاجرة مع احد الاصدقاء بسبة اني لم اوفي له بوعدي .. والحقييقه انه لو عاتبني افضل من ان اتشاجر معه ..

فنحن نشاهد هذه الايام امور غريبه افلان تشاجر مع فلان والسبب كذا وكذا .. وفلان زعل من كلمه .. وفلان مايبي يكلم افلان .. وهاكذا تدور الارض بنا .. والصراحه كل الاسباب التي تذكر ليس لها قيمه ابد .. فسالفه كلها اعناد .. او حسد .. او غيره .. او كلمة حق اذا قالها احد يزعل .. او نميمه .. كل ماذكرته موجود في الاحاديث النبوية فاين .. المسلم الحقيقي .. اذا كنا مسلمين .. فاذكر ان اثنين لايكلمان بعضهما فتره طويل .. والحقيقه ان كل واحد يبي يبديها بس كيف مايدري .. وتفرقاء والحال كما هو الى ان توفى واحد منهم فبكى عليه الثاني والسبب انه لم يكلمه ..
فكل ماذكرته هو سيره من ايامي والمواقف التى لاتنتهي لواذكرها .. فكل مااقوله ان الدنيا ماتسوى زعل .. والعاقل من حاكم عقله .. صحيح ان الدنيا حلوه فيها .. الزين والشين .. لكن الامور كلها عقل .. وليس خبال .. وفي النهاية ستدفن في حفره الحالك ماعندك احد .. كل امورك اللي سويتها سيحاسبك الله عليها ومثل .. ماتدين تدان ..

قد كتبت لكم عدة مواضيع .. مشابهه للهذا الموضوع .. لكن ماكتبته الا .. لتذكير ..
.. ذكر فان الذكرى تنفع المؤمنين ..

اصدقائي انتبهوا من شر اعمالكم ..