الجمعيه الخيريه

[نايف مهدي]

إهـــداء بعد طول الغيــــاب


[poem=font=",6,,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]

ياالله ترزق قبلها قولو آمين=عزيز فقره غارس بحاله أنياب
راضي بمقسومه و لا مد الأيدين=لو تذبحه ماراح للناس طلاب
ما جى على جمعية البر كل حين=يحس وجهه لا لفا بابها ذاب
والشارع اللي فيه ما مره سنين=لا يظن من شافه ونظراته عتاب
لو كان قلبه يشبه أقصى فلسطين=في وجه غيره يبتسم خاطره طاب
غريب بعض الناس يملك ملايين=وما في أمل به شرهة ن عنها غاب
ما ابغاه يعطي من حلاله يتيمين=أبغاه مايداحم على وقفة الباب
والمشكله تدرون ياهم كثيرين=لا نافع ن حاله و لا نافع اقراب
ينسون وش يامر تعاليمه الدين=لو كان شايب للطمع ينقلب شاب
ما اقول للمحتاج انا انسان مسكين=أقول للي ما ملت عينه تراب
متى يجينا وقت نصبح رحومين=فينا الغني بالبرد للفقر حطاب
كاالنحل يجمع من رحيق البساتين=وبارد مبرد للبشر هالعسل جاب
الدين ما قصر وضع لك قوانين=لا تقول مكتوبه ترى الدنيا اسباب
زكاة بعض الناس تقلب موازين=تفرح فقيرن من زمن جار غلاب
يا شين من هو مات بقلوب حيين=مايذكره لا مات صادق وكذاب
واقول للي غرته دنيته وين=ترى انخلقنا اغراب ونموت اغراب
أقسم قسم يا الدين من طبقه زين=مايعيش في حاجه و لايشوف أرهاب
[/poem]



نايف مهدي