بكره لا هملوك النآس تذكرني

[سـَمآ ♪]

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غزى القلـب وتملكنـي
قطعـت كـل العـلاقـات وطواريـهـا



اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا



انت آخر انسـان هاقـي منـه يصدمنـي.
والظاهـر ان هقوتـي بانـت مواريـهـا



لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا



ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا



من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا



تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا



تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا



بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟



مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا



يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا



اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا



واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا



صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا



مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا



لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا



ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا



فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا



مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا



اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا



نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا



تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا



مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا



اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا





|| ممآ رآق لي ||

[حنين]

تسلمين ياشذو على هالاختيار



الله يعطيك العافيه

[سـَمآ ♪]

اقتباس المشاركة الأصلية كتبت بواسطة حنين تسلمين ياشذو على هالاختيار الله يعطيك العافيه

تسلمين ع المرور
الف شكر,,,,

[أبو رائد]

رااائع .. يا شذى الأيام


سلمت على هذه القصيدة


وهذا الاختيار المميز

[الدووووخي]

اقتباس انت آخر انسـان هاقـي منـه يصدمنـي. والظاهـر ان هقوتـي بانـت مواريـهـا لـو الوصايـا ليـا احتديـت ! تنفعنـي ياكثـر نـاس ٍ علـى ذودي بوصيـهـا

صح لسااانك شذى واختياااار راائع كعادتك ..

[سـَمآ ♪]

اقتباس المشاركة الأصلية كتبت بواسطة أبو رائد رااائع .. يا شذى الأيام سلمت على هذه القصيدة وهذا الاختيار المميز

تسلم ع التواااجد

الف شكر لك

[سـَمآ ♪]

اقتباس المشاركة الأصلية كتبت بواسطة الدووووخي صح لسااانك شذى واختياااار راائع كعادتك ..

تسلم ع التواااجد

الف شكر لك

[شموخ ^عزي]

[align=center]يعطيك العافيه.. على النقل الرائع



وسلمت يداكِ


تحياتي[/align]

[سـَمآ ♪]

اقتباس المشاركة الأصلية كتبت بواسطة شموخ ^عزي [align=center]يعطيك العافيه.. على النقل الرائع[/align][align=center] وسلمت يداكِ تحياتي[/align]

شـكــ وبارك الله فيك ـــرا لك ... لك مني أجمل تحية .

[شمس الرائدية]

صح لسان شاعرها
وتسلملي يمين اللي لطشتها
يعطيكِ العافية يالغلا
لاعدمناكِ
ودي..~