السلام عليكم ورحمة الله وبركاته
قصيدة متميزة للشاعر / حمود بن نايف العنزي
شاعر أبدع في شعره وإلقاءه قطف من ثمر القصيد وأعذبه نهل من اقوى المعاني وأسماها ( ( لكل نجاح ضريبة ) )
أشوف خلفي قـوم بدقـون واشنـاب ******** متعصبيـن... يحاولـون اجتيـاحـي
تجمعـوا حاسـد، وحاقـد ، وكـذاب ******* فعـل الـردى متوشحينـه وشاحـي
ناسٍ تعاديني بـلا ذنـب ، واسبـاب ******* ليه اني اكسب مـن نتيجـة كفاحـي
صيتي تبين للمـلا ،،وصيتهـم غـاب ******* شربوا هماج الماء وشربـي قراحـي
يوم اشرقت شمسي على ثلجهـم ذاب ******* ضاقت عليهم مـن جميـع النواحـي
ضدي تصافوا بالخفى وصاروا أحزاب ******* وانا اعتبـر هـذا ضريبـة نجاحـي
لوالزوابع من سمع صوتهـا ارتـاب ******* كان الجبال اقفـت عليهـا الرياحـي
والله مااحسب للعدو قـدر واحسـاب ******* دام الثقـه كنـزي ودينـي سلاحـي
واقول لـه مايرفـع المـدح الاذنـاب ******* والـذم مايطمـن مـقـام الشنـاحـي
امايتـوب ويغفـر الله لمـن تــاب ******* ولايعيـش بليـل مـالـه صبـاحـي
اعجبتني ونقلتها لكم من اخبارية حائل ((((((صحيفة الكترونية متميزة )))))))
المواضيع المتشابهه
العرض العادي
