أقلط تقهوى .. يا عساها هنيه

[شموخيے غير]

أبعد عن المنقود وأبعد عن الشين
وأبعد عن دروب الـردى والخطـيَّه

ما عندي الا مرحباً فيك وأهلين
أقلط تقهوى يا عسـاها هنـيَّه

إن جيت حطيتك على الراس والعين
يا مرحبا براعي الوفـا والـحمـيَّه

حط الثلاث ابيات هذي عناوين
تضوي ظلام الليله الـسرمديَّه

تآخذني الذكرى على قايد الزين
اللي لها ذكرى معي نرجـسيَّه

اللي تحب تشوف زرع البساتين
وتموت في شوف الورود النـديَّه

قفت وخلتني مع الهم والـبين
شوفوا عيوني من بعدها شقيَّه

الحب يعكس لك جميع الموازين
ويصير مثل النـار والنـار حيـَّه

قد قال ابن علوش وسط الدواوين
شطرٍ حفظته ما سمعنا حلـيَّه

((الحب ما يعرف قبيله ولا دين))
ولا يعرف أهل الرمك والمطـيَّه

والحب ما يعرف قلوب السلاطين
والعشق يذبح لعنبو حـي حيَّه

حتى وأنا في البيت بين البزارين
يفز قلبي لا طروا لـي سمـيَّه

ويثور في صدري لهيب البراكين
لا من ذكرت عيونه الناعسـيَّه

ويلاه يا حظي موجه على وين.؟؟
تمشي مع همومك تقود السريَّه

ويا عين أنآ طالبك دمعك تصونين
مرت ثمان سنين أرقـب مجيـَّه

ويا طير ياللي ترتفع بالجناحين
قله ترى حالـة حبـيبك رديـَّه

في غيبتك قله عرف بس شيين
سهران ودموعه تسابق هميَّه

سلم عليه وذكره برد تشـرين
يوم يتلحف في ظلوعي ويديَّه

بوسه على خده وبوسه على العين
وقـله ترانـي أذكـره بالعشيـَّه

وقله ترى كل ما ذكر عام الالفين
ضَيَع حروف اللهجـه الأبـجديَّه

وقله ترى غيرك كثير المزايـين
وأنت الوحيد اللي لـك الأولويَّه

وقله ترى عاشق همومه ملايين
والهم قرب له حـدود المنـيَّه

وقله عيونه تذرف الجرح جرحين
ما شاف لحظه في حياته هنيَّه

في عام ألف أربعميه ثنين وعشرين
أول لقـآء بيني وبيـن الوفيـَّه

وأنآ فقدته عام خمسه وعشرين
وأسميت ذاك العام عام الخطيَّه

توي عرفت أهل المحبه مساكين
من بعد ما ذقت الطعـون القويَّه

من وين ما وجهت ما به عناوين
كني غريبٍ ضـاع وبـلا هـويَّه..!!

وقفت أنا في شارعٍ(ن) فيه خطين
طريق مظلم والليالي عصـيَّه

أسلك طريق الحب ماشي ثمانين
وأرجع مع الـدوار درب الأسيـَّه

صحيح قول أهل المحبه مجانين
وأكبر مثـال أني أمـثل ضحيـَّه

إن جيت مرحب فيك أهلاً وسهلين
بعاملك حسبـة خـوي وخويـَّه

بقلطك صدري وبفرش لك العين
وإن ما كفاك أعطيك روحي هديَّه

في مسمعي غنوا شيوخ الشياطين
جــروا لـي المـسحُوب والسَآمرِيَّه

في عيني اليمنى ورود وبساتين
وفي عيني اليسرى دموعٍ(ن) شقيَّه

بوآجـه القبـله وأبـمد كفيـن
وأقول يا ربي تشوف البـليَّه

رحتي مع دروب الخطآ والمقفين
يكره يدور الـوقت..وتـذوق كَيَّه

[دانة الكون]

روووووووووووووعه روووووووووووووعه
صح لسان الشاعر
سلمتِ ع الانتقاء المميز

[سليمان الفليج]

اقتباس المشاركة الأصلية كتبت بواسطة دانه الكون روووووووووووووعه روووووووووووووعه صح لسان الشاعر سلمتِ ع الانتقاء المميز

نفس الرد ايضااا ..

[لحظات]

كلماااات رائعة يسعدك ربي ع الانتقاااء الجميل

[الدووووخي]

روووووعة

صح لساااااانكــ

[شموخيے غير]

يعطيكم العافيه ع المرور

[بشاش]

سلمت على الاختيار



الله يعطيك العافية

[شمس الرائدية]

[align=right]



’


آنتقآء جميل ..
لآعدمنا ذآئقتك آلشعرية ..
آطيب الإمنيآت ..’’
[/align]

[شمس الرائدية]

[align=right]



’


تشكرآتي على جمال آلإنتقآء
جُل آلتقدير ..’’
[/align]

[انا الغلا]

قصيدة رائعه
آحسّـآسّ يًــفوَق وَآقــعّ آلِحيًآة
آقـدِم لک آحتِرٍآميً لِقلمک آلِمميًز
آلِذيً يًرٍسّم لِنآ دِآئمآً آرٍوَعّ آلِکلِمآتِ
سّلِمت يًمنآک وَدِمت عّلِى آلآبـدِآعّ
لِرٍوَحک آنفآسّ آلِوَرٍدِ