عافك الخاطر

[عاشق الجبيل]

عافك الخاطر

عافك الخاطر بعد ذيك الحكاية
والنفس عافت ذكراك وطاريك
لا تظن اني بدونك انكتب لعمري نهاية
انا يا خلي بدونك نسيت حاضرك وماضيك
انولد لي في بعادك عمر(ن) جديد(ن) وسط افراح وهدايا
كل من حولي يبارك ويقول " أنا شاريك "
حسايف انخدعت في خل(ن) كنت اظنه لجروحي دوايا
انا قللي شللي يميزك .. واللا شنهي الزيادة فيك؟؟
الناس من حولي ودهم في قربي .. تتمنى رضايا
احتار قلبي من غلاهم والكل ينده " لبيك "
ماهو بعيب لا خطيت باختياري فيك وانا صافي النوايا
بس اتضح لي ان العيب راكبك من راسك لين رجليك
غريبة حال هالزمن .. كثر ماتوفي وتعطي من قلبك عطايا
كثر ماتعمل خير وهو بالشر يجازيك
صار هذا شي عادي في دنيا تساوى فيها الخاين مع كثير الوفايا
صعبة كثير لاجيت بتفرق بين اللي يحبك وبين اللي يغدر فيك
هذا حالي من يوم شفتك واسكنتك بروحي والحنايا
بس لحظة .. لاتظن ان لك في دنيتي رجعة واللا في خفوقي بخليك
ماعاد لك وسط قلبي بيت(ن) ولا حتى بالزوايا
ماعاد لك في حياتي مكان(ن) ولا ذكرى تناجيك
انتهى حبك وانتهت احلامك معايا
انتهى وجودك من حياتي وخل الحزن في حياتك يخاويك
انا يا خلي من بعدك لقيت من رد لدنيتي هنايا
وانت ربي يوفقك .. شوف منهو في بعادي يسليك!!
هذي نهاية قصتي معك وانا اعتبرها بداية
لدنيا بقضي ايامها من غير ذكراك .. من غير طاريك
خسرتني وخسرت ايام حبي وغرامي وهوايا
واللا ماني بخسران .. اصلا ماكنت ربحان فيك



وسلامتكم

وبالنهاية اقول

يقولون لو راح غالي ما يجي بعده غالي
بس الغالي لقيته ورموش عيني حاملينه

[ملكة الاحساس]

اقتباس المشاركة الأصلية كتبت بواسطة عاشق الجبيل عافك الخاطر عافك الخاطر بعد ذيك الحكاية والنفس عافت ذكراك وطاريك لا تظن اني بدونك انكتب لعمري نهاية انا يا خلي بدونك نسيت حاضرك وماضيك انولد لي في بعادك عمر(ن) جديد(ن) وسط افراح وهدايا كل من حولي يبارك ويقول " أنا شاريك " حسايف انخدعت في خل(ن) كنت اظنه لجروحي دوايا انا قللي شللي يميزك .. واللا شنهي الزيادة فيك؟؟ الناس من حولي ودهم في قربي .. تتمنى رضايا احتار قلبي من غلاهم والكل ينده " لبيك " ماهو بعيب لا خطيت باختياري فيك وانا صافي النوايا بس اتضح لي ان العيب راكبك من راسك لين رجليك غريبة حال هالزمن .. كثر ماتوفي وتعطي من قلبك عطايا كثر ماتعمل خير وهو بالشر يجازيك صار هذا شي عادي في دنيا تساوى فيها الخاين مع كثير الوفايا صعبة كثير لاجيت بتفرق بين اللي يحبك وبين اللي يغدر فيك هذا حالي من يوم شفتك واسكنتك بروحي والحنايا بس لحظة .. لاتظن ان لك في دنيتي رجعة واللا في خفوقي بخليك ماعاد لك وسط قلبي بيت(ن) ولا حتى بالزوايا ماعاد لك في حياتي مكان(ن) ولا ذكرى تناجيك انتهى حبك وانتهت احلامك معايا انتهى وجودك من حياتي وخل الحزن في حياتك يخاويك انا يا خلي من بعدك لقيت من رد لدنيتي هنايا وانت ربي يوفقك .. شوف منهو في بعادي يسليك!! هذي نهاية قصتي معك وانا اعتبرها بداية لدنيا بقضي ايامها من غير ذكراك .. من غير طاريك خسرتني وخسرت ايام حبي وغرامي وهوايا واللا ماني بخسران .. اصلا ماكنت ربحان فيك

كلام قوي فيه حزن
بس تسلم على الخاطره

[شوق الغلا]

عزيزي عاشق الجبيل

لقد غبت لفتره طويلة.. وانتظرنا بشغف خواطرك وحروفك..

وعدت إلينا ومعاك أحلى الخواطر .. فلا تحرمنا ما هو جميل لديك..

لقد اجاد قلمك اسر الحروف .. وبعثرتها بين ايدينا ..

لتنسجها مشاعرك المرهفه كخاطرة من اروع الخواطر التي قرأتها ..

فكم اتمنى ان يدوم نبض قلمك ..

لنستمتع دائماً بكل جديد من تحت اناملك الذهبيه ..


دمت لنا يالغلا

[نجم]

يقولون لو راح غالي ما يجي بعده غالي
بس الغالي لقيته ورموش عيني حاملينه

والله عافك الخاطر يعطيك العافيه عاشق الجبيل

[سبيعي الخفجي]

اخوي عاشق الجبيل


تسلم عالخاطره الرائعه

حزينة جدا


لك احترامي!

[الحاااتميه]

كلام جميل يسلم القائل ويسلم الناقل

[عاشق الجبيل]

تسلمون والف الف شكر على ردودكم الجميلة

[خفايا نفس]

[move=left]الصراحه جميله هذه الخاطره [/move]
[blink]و الله يرزقك بوحده تقولك لبــــــــــــــــــــــــــــــــــــــــــــــــ ـــــــــيه [/blink]

[همسـ مشاعر ـة]

[grade="FF1493 800080 FF7F50 4B0082 FF1493"]هلا وغلا
عاشق الجبيل

كلماتـ ح ــزينهـ .. مليئهـ بالأعترافـ ..
للنفسـ .. قبلـ الغير ..!!
لتتمكنـ .. منـ صياغة .. مشاعركـ ..
بأحرفـ .. رائعهـ .. راقيهـ ..

سلمـ قلمكـ .. جميلا ً.. سعيدا ً..
وسلمـ قلبكـ .. نابضا ً.. محبا ً..

ودمتـ لمنـ تحبـ ..

وتقبلوا همساتي المعطره بالمشاعر [/grade]