الغزل والبراري

[غريب الدار]

السلاام عليكم ورحمة الله وبركاته

الحمدلله والصلاة والسلام على اشرف الانبياء والمرسلين سيدنا محمد وعلى اله وصحبه اجمعين ....

اما بعد........

هذا سلمكم الله كان بخااطري اكتب موضوع من هالموااضيع اللي يستفيد منها الجميع لكن بيني وبينكم قلبت يمين

وقلبت يساار ماطلع معي الا الدجه لكن بعد مشاورات بيني وبين نفسي قررت اخربهااا ولاحقين على الثقاافه

هذي قصه في منتهى الروعه تذكرتهاا وحبيت اقولهاا لكم .

المكاان : حايل ساامع ياااا؟؟؟؟؟؟

الزماان : فصل الربيع <<<<< ياحظهم انا بالشرقيه ماعرف الا فصلين صيف وشتااا:(

يكثر في فياض حايل الإبل لكبر المساحه وحسن المرعى وكثرة الربيع وقت الأمطار وايضا وجود الدحول ( الدحول : جمع دحل . وهي الحفر العميقه الملتوبه في الارض وتكون اماكن منخفضه من الأرض وتنحدر السيول فيها اثناء موسم الامطار ) .
كان فيه بحايل إبل ومن هذي الابل حاشي مراهق ممشوق القوائم ابيض اللون كثيف الشعر على الرقبه
والحلق والرأس وذروة السنام

يمشي متبخترا بجماله ( ولا رامي عياش ) كل همه يتندح بين هالنياق الصغار خاصه ( البكار ) .. مرت الايام وهو على عالحال همه اكل وشرب وغزل في هالنياق .. يوم جا ذاك اليوم على عادته الى هالناقه واردة الماء وتبي تشرب وما درت قال هذي فرصتك وقم وافتح لها حنفيه الوايت كلها قال .. اشربي العن ابو الفقر لاتروحين للدحل وانا فيه على غير اهلها ماتجيب راس مالها شربت الين رويت ومسحت شفايفها بمنديل عشان مايتلعوط الروج وقالت الله يعطيك العافيه توني زمله من نزلت هالدحل !! وعلى هالخف الكعب يزلق .

قال الحاشي :
علشانك تحملت الصعايب *** اذوق المر لأجل رضاك حالي

- ابتسمت الناقه وصكته بذيك النضرة اللي بغت تجيب اجله .

- تنهد وقال :
الله اكير كيف يجرحن العيون ** كيف مايبري صويب العين ابد
احسب ان الرمش لا سلهم حنون ** واثر رمش العين ماياوي لأحد
يوم روح لي نظر عينه بهون ** فزله قلبي وصفق وارتعد


- ضحكت الناقه ودرت انها لعبت في قلبه .. عطته وراها ومشت على هونها وهي تومي بذيلها .. يمنه ويسرة يمنه ويسرة .. وقلبه يروح يمين ويسار .
- قال : آه .
وانعطف هاك الشعر المتون ** وانثنى عودة وقفى وابتعد .

طال الليل على خوينا الحاشي متى يجي الصبح ؟؟ .. كل شوي يطالع في ساعته ماصدق انه يسمع الراعي يأذن .. طمر من محله وراح يدور عن الشبك وهو يطقق خفوقه .. ويروح ويجي الين جا النور وجا الراعي وفتحلهم .. ماصدق خبر وراح لم الوايت يحتريها تشرب إللا جا الراعي .

قال الراعي : خير انشالله شجايبك انت وخشمك كل هذا ضما ؟؟
قال الحاشي : هاه لا ابد مافيه شي بس طاح الكبك امس هنا وجيت ادور عليه .
قال الراعي : اقووووول بلا استهبال كبك وانت عليك ثوب ساده وبعد ماغيرته من يوم ماجابتك امك . يالله ضف وجهج مع البعارين لا احطك على صحن العيد .


لقط خوينا وجهه وراح .
قال الحاشي : زين انها ماسمعت كلام الراعي لو سمعت كان ماتعطيني وجهه .

المهم وهو يكلم نفسه اللا هذي رفيقته قابلته وجه بوجه شهق( اما بعير يشهق كثرلي منها )


وقال : كفاني عذاب الله يجازيك بأفعالك ** جرحت الضمير ولا طرالك تداويني

- ضحكت الناقه ذيك الضحكه اللي شغلت قلبه ( جوال ماهو قلب ) وقالت :

ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لاشك ماطاع ** ماطاع يدله والليالي تلوعه
أثر المولع دمعته تجرح القاع ** واللي ذكر مافات هلت دموعه

ايييييييييييييييه .. الحين تأكد الحاشي انها تبادله نفس الشعور .. ارتاح خاطرة واسفهل وماعاد خذته الدنيا .. مرت الايام وكبروا وكبر حبهم معهم وفي يوم من الايام وهو قاعدين على الطعس ذيك الناقه العفرا .. طير عيونه رفيقنا مشبهه عليها.. مهوب قصده شي انتبهت له الناقه خويته قالت : خلها تنفعك الله يمليك بركتها . وقال : وقفي اشرحلك الموضوع .. التفتت عليه وقالت :

مدام قلبي لك شفوق وميلاف ** وراك ياخلي قليل المروفه
قلي عسا مابه على الخاطر خلاف** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجر العين وقاف ** لا انت بماسكها ولاهي ذروفه

- تحسف ابو الشباب وقال :
لك حق تزعل ثم لك حق نرضيك ** مااقوى زعل حبيب قلبي وعيني
مادام قلبي ياريش العين مغليك ** اطلب ولك روحي وما في يديني
يوم الله احسن صورتك خصني فيك ** فيك الجمال وصادق الحب فيني


وقفت وتبسمت .. وارتاح خاطرها .. وهو تنهد قال هاه طاح الحطب ؟ قالت آه ياااااني لو كنت أأدر أسيبك (شويكار مهيب بناقه ) وعاشوا في سبات وثبات وخلفوا حواشي ونياق .

:love :love :love

انشالله تكون اعجبتكم

غصب عليكم تعجبكم ماتدروون من وين مشلح هالديواان اللي ناقل منه الاشعاار

[عبد الله بن شنار]

دامك بتغصبنا عشان تعجبنا


امري لله اجل اعجبتني

لا امزح معاك فعلا اعجبتني

اخوك عبد الله

[حنين]

يعطيك العوافي غريب خانم



ولو كيف ما بتعجبنا خيوووووو




تسلم هالانامل و نبي وحده ثانيه


<<<<<< ما تنعطى وجه

[أبو رائد]

الله يعطيك العافية يا غريب الدار



فعلا سوالف رائع رائع


تسلم يا الغالي ...


تحياتي لك ،،


<< تم نقل الموضوع لقسم السوالف والتعاليل >>




...

[اسير الوله]

الاخ العزيز/ غريب الدار

قصه ولا اروع

واتوقع انك كتبت في النهايه راح تعجبكم غصب لانك متاكد انها


راح تعجبنا

بس احسن جمله (
قال الراعي : خير انشالله شجايبك انت وخشمك كل هذا ضما ؟؟
قال الحاشي : هاه لا ابد مافيه شي بس طاح الكبك امس هنا وجيت ادور عليه .
قال الراعي : اقووووول بلا استهبال كبك وانت عليك ثوب ساده وبعد ماغيرته من يوم ماجابتك امك . يالله ضف وجهج مع البعارين لا احطك على صحن العيد . )


وتقبل تحياتي



:ty: :ty:

[مدلول]

اقتباس ياعل قلب ماشكا الحب والتاع ** تنهار من فوقه محاني ضلوعه ياما نهيت القلب لاشك ماطاع ** ماطاع يدله والليالي تلوعه أثر المولع دمعته تجرح القاع ** واللي ذكر مافات هلت دموعه

[align=center][poem=font="Simplified Arabic,5,black,normal,normal" bkcolor="transparent" bkimage="backgrounds/23.gif" border="outset,5,black" type=1 line=0 align=center use=ex num="0,black"]
الطيب مـا يشـرى ولا يمكـن يباع=الطيب مـن ربـي وفيكـم طبيعه
المدح بك يحلى لك الشعر بنصاع=يكتب لجل تـرضى وحنا نطيعه
مهمـا كتبـنا فيــك يـا طـايل الباع=نهدي زهور الشعر وانتم ربيعه[/poem][/align]

[ال شــــــ وووق]

يعطيك العافــــــــــيه اخ غريب الــدار
فعلا القصه في منتهى الرووووووووووووووووووووعه
ولا افلام السينما ههههه:ty: :ty: :ty: