عاش بندر بن سرور و الملقب بمتنبي قبيلة عتيبة حياة بائسة في صغره حيث مات ابوه و هو رضيع و تزوجت امه من رجل آخر لم يحسن معاملة ولدها و لكن هذا لم يمنع بندر من الأعتزاز بالنفس فهو لا يرضى لنفسه ان يذله أي احد و هذا سبب المشكلة التي حدثت بينه و احد الأمراء و التي سافر على اثرها الى دولة الأمارات يقول بندر:
أنا الذي ما ابدي على الناس سـرّي ***** من خوف سودان الوجيه تحكي بـه
أصبر على ظيم الدهـر و التعـرّي ***** من شان من يرضى علـيّ الغليبـة
و ابعد مجالي عن عيـال التـزرّي ***** من لا هـوى قلبـي دواه المغيبـة
واخاف لي من مجلسٍ مـا يـذرّي ***** في جانبـه بـومٍ حساسـه صليبـه
و سوالفٍ مابين بحـث و تحـرّي ***** يجرح فـؤادي عيّـه و ابتلـي بـه
يرضيني المقسوم خيري و شـري ***** سبحان من لا تعلـم النـاس غيبـه
أحدٍ علـى ربعـه يحـب التحـري ***** للشـر بـلاس و خيـره بجيـبـه
هذاك يالربـع انـا منـه متبـرّي ***** لو عضّني ناب الدهر ما انتخي بـه
من خوف يضحك لي و هو يستغرّي ***** يفتل حبال السّـوْ مـا ينـدري بـه
يفـرح علـيّ بكـل شـيٍّ يمـرّي ***** و ان شاف يمّي خير عنّـي نهيبـه
درس بندر الابتدائية , و قالوا انه اخذ المتوسطة , ثم بدا بالبحث عن وظيفة , و لقى
وظيفة في الجيش السعودي و توظف فيها, و أرسلوه للكويت على أيام حصار عبدالكريم قاسم
لها , و تدرج في الرتب لين وصل لرتبة رقيب في الجيش الكويتي
و لكنه حن الى نجد ففصل من الجيش الكويتي و عاد الى الدوادمي مسقط رأسه و حصلت له مشكلة مع أحد الأمراء بسبب الوشاة فصار لغط بينهم و نظم بندر قصيدة يعتز فيها بنفسه و يزدري الأمير و مجلسه :
ماني وانا بنـدر بـراعٍ ولـد راع ***** انا الحصان اللـي طـوالٍ حبالـه
إبن سلايل خير من شالـت القـاع ***** المصطفى الهادي وديـع الرسالـة
مانـي وانـا بنـدر ببيّـاع دمـه ***** يقطعك يا بيـاع دمـه و مهفيـه
اللـي يبيّـع لابسـات الأزمــه ***** ثور يبي بيض العماهيـج تغنيـه
ماني وانا بندر بهيسن ولـد هيـس ***** هيسٍ يدنع عنـد حرمـة قصيـره
ليا بغيت اجلس ترى لي مجاليـس ***** وليا بغيت انهج دروبـي عسيـرة
ماني وانا بندر بهيتٍ ولـد هيـت ***** هيـت مقابـل خمّـةٍ يكرهـونـه
من كثر ما جرّبت وأقبلت و أقفيت ***** قولة هلا مـن لا يـودّك مهونـة
ماني وانا بندر على درب الأنجاس ***** اللـي قريـبٍ تفلهـا مـن لحاهـا
أنا بدرب الصيرمي عدم الأجنـاس ***** زيزوم روق ليا تنصّـت عداهـا
ماني وانا بنـدر بنصّـاي جابـان ***** شوخ الجموس مناقريـن الحليلـة
ليا صار لي لازم نصيت ابو فيحان ***** شيـخ الشيـوخ مكمّليـن الجميلـة
و بعدما سمع ذلك الأمير القصيدة اهدر دم بندر بن سرور مما حدا ببندر الى الخروج من نجد متجها صوب الشرقية الى مدينة الجبيل بالتحديد و منها خرج الى دولة الأمارات يرافقه منير العتيبي ( ابن خال والد هوى العز ) يقول بندر مخاطبا منير :
شـي بقلبـي واهجـه مستـمـري ***** لولا أزرق الدخـان يطفـي لهيبـه
سلّط على الدخان لو هـو مضـرّي ***** له حـزّةٍ عنـد احتكـام المصيبـة
يا منير عمّر لي من التتـن معمـار ***** يبري الغليل اللي على الكبـد كالـي
والا رفعت الصوت و أبديت ما صار ***** من شان تدري ويش ولّـى بحالـي
أشرب من ابو بـس و أنسهـا نـس ***** نس المهرب مع خطـوط الجزيـرة
و بعدما وصلا الى دولة الأمارات قال بندر بن سرور قصيدته المشهورة في مدح الشيخ زايد رحمه الله و التي صار يتغنى بها الكثيرون :
بديت ذكر اللي بسط سبع باوتاد ***** واللي رفع سبع ٍ بليا عمدها
والكار للي صار غيثٍٍ لـلأجواد ***** لا قبلها صارت ولا من بعدها
زايد على كل العرب بالوفى زاد ***** ساق المراجل لين وقٌف عددها
حلحيـل حلو ٍمرٌ زراع حصـــاد ***** كبدٍٍ يداويهــا وكبدٍ لهدهـــــا
حتى العجوز اللي ورى شط بغداد ***** سمٌت على الشيب الفلاحي ولدها
تبغاه يطلع مثل زايد ولا فاد ***** ولا كل من هاز الطويله صعدها
يا شيخ انا جيتك على غير ميعاد ***** من خوف روحي لا يجيها وعدها
بديت ذكر اللي بسط سبع باوتاد ***** واللي رفع سبع ٍ بليا عمدها
و احسن أكرامه الشيخ زايد كما هي عادته رحمه الله
توفي بندر بن سرور عام 1986 و هو في طريقه الى نجران
و هذة قصيدة من اروع ما قال بندر بن سرور رحمه الله :
البر دجتـه و البحـر رحـت يمّـه ***** أدرج سبب حظ علـى الله مساعيـه
يوم إن ولد اللاش رزقه علـى أمـه ***** رزقي على اللي ميّت القشـع يحييـه
مانـي وانـا بنـدر ببيـاع دمــه ***** يقطعك يـا بيّـاع دمّـه و مهفيـه
اللـي يبيّـع لابـسـات الأزمــه ***** ثور يبي بيـض العماهيـج تغنيـه
يزعل ليا جـت ليلـة الـدول يمّـه ***** يرضى بسوق المال بأخيـه و أبيـه
خطو البخيـل اللـي يكبّـر معمـه ***** يقرا الكتـاب و واجـب الله مخليـه
أما هـرج لـه فـي رفيقـه بنمّـه ***** والا عطا و أمـه تضيّـع هقاويـه
يا مل قلـب كـل مـا مـات همّـه ***** دارت دواليب الدهـر ليـن تحييـه
فـرّاق شمـل النـاس عيّـا يلمـه ***** وقتن يشيب الراس من شايـة فيـه
أحدن ينـام و حـط راسـه بكمـه ***** و أحد تخم النـوم عينـه و تخطيـه
و أحدن يحاول بالردى بنـت عمـه ***** و أحدن يحاول ستر عـذرا عوانيـه
تخالـف الأنظـار شرقـن و يمّـه ***** كلٍ هدف رايه من النـاس مرضيـه
أنشـدك ياللـي كـل شـي تتـمـه ***** تقرا الكتاب كـل فـرض تصليّـه
ويش القليـب اللـي عميـق مجمّـه ***** ما سرّ غرسه ماه عطشـى سوانيـه
سم السبب يا عارفـن عنـه سمـه ***** سم السبب يا عارفـه قبـل اسميـه
والله يـا لا لا كلمـة قيـل ذلّيـت ***** لاترك مقاصى اللاش نقص و مهونة
لا شك ضرّاب المثـل بـه تقدّيـت ***** من حرّك المجنـون ناطـح جنونـه
تقبلوا تحيات اخوكم / هوى العز و أسفين على الأطالة
المواضيع المتشابهه
العرض المتطور
