[poem=font=",6,,bold,normal" bkcolor="transparent" bkimage="" border="solid,4,black" type=2 line=0 align=center use=ex num="0,black""]
ياجاهلين العلم صفوا .. له .. صفوف=العلم جاكم وانشري ياصحايف
موقوف ومفعل مفعل وموقوف=موقوف واقدامي على راس نايف
اللي نذر مرفوض نذره ومنسوف=عليّهْ كفّاره وذنبه ردايف
صوره وعضويه وموضوع محذوف=غصب ٍ على شارب كلام المهايف
ماهو كفو تطبيق تهديد واحلوف=وين انسحابه عقب ماصار شايف
فعله مثل وجهه وللناس مكشوف=منبوذ وانساقوا وراه الهدايف
كبيرهم يرجف من الذل والخوف=مابين نار وغار شايف وعايف
مثل الطويّْر اللي من الريش منتوف=الموت قدامه ومن خلف حايف
من فضل ربي جاني العلم مقطوف=بانت حقايق معترين الوصايف
ومسبب الفتنه على الصيت ملهوف=ومكسراته ماعليهن لحايف
مايميّز اللبس المعرى من الصوف=متساوي ٍ في بردها والمصايف
النصر ما اعلنته على حيلة (ا)ضعوف=مايعلن الا في حروب وكلايف
والجاه جاه اللي ورى كل معروف=من نسل منّهم محتمين العطايف
شيخ ٍ ماينّقل مشلحه نقلة كتوف=له منصب ٍ ماهوب منّصب وظايف
وانا سيوفي في مواجيبها سيوف=ماهي نتايف عاشقين النتايف
مريت في دنياي باافراح وظروف=طبعي ثقيل وماحسبّتْ الخفايف
اسمي وفعلي مع هل الجود معروف=ماجيت للشهره ملفّقْ وُزايف
مارحت مع غيري اعلاقه ومردوف=حر ٍ طليق وفوق روس النوايف
الشعر اقوله سيرة ابداع معزوف=وليّا هجيت .. (ا)بيوت شعري قذايف
ربعي بني خالد من عنك للجوف=الجوف جوف مكبرين المضايف
اللي حموا بيض الحباري من الحوف=في حكمهم كم ناوي الصيد خايف
لاصاح صيّاح الضحى هم ستر نوف=في مجدهم تسقط جموع وحلايف
ماهوب مجد اللي على (النت) مكتوف=مجده في ركن (القايده) مع (هنايف)
ان جيتهم محشوم وان جوني ضيوف=افرش لهـم بالصـدر ورد وقطايـف
والا (سفا بنْ مختفا)مشها وطوف=افراقهم ربحي ماعده حسايف[/poem]
المواضيع المتشابهه
العرض العادي
