تحذير من طريقه جديده لاقتناص البنات في الأسواق

[سحابة نجد]

خبر وصلني بالايمييل لا اعلم مصداقيته

لاخذ الحذر

ببدا لكم بالحادثه وهي صارت بالمنطقه اللي أنا ساكنه فيها ..)الطايف ( وهو حدث في إحدى الأسواق التجاريه الكبيره عندنا..

طلعت بنت مع أمها للسوق والبنت في العشرينات من عمرها ومو من البنات اللي مو متستره عشان نقول يستاهل مايجيها أو ملفته للنظر..

المهم كانوا بالدور الثاني ولقوا عند الكراسي حرمه كبيره بسنها لدرجه إنها كانت على عكاز ونادت البنت وأمها وقالت إنها تعبانه وماتقدر تنزل مع الدرج وماتعرف تستخدم الليفت (الأصنصير ( وقالت لهم ياليت تفتحونه لي قامت الأم وقالت لبنتها أفتحيه لها ودخليها فيه راحت البنت وفتحته للعجوز_ الله يحرقها بها اليوم _ وقالت العجوز بس أنا ماأعرف لانزلت إنيأفتحه .

قالت الأم خلاص بنتي تنزلك وتطلع لي.. قامت البنت ونزلت هالعجوز _الله ينتقم منها _

المهم الأم تنتظر بنتها ترجع ومارجعت إلى إن مرمن الوقت ساعه وأكثر وراحت تدور عليها ومالقتها قامت الأم تصيح في السوووق وجو رجال الأمن اللي متواجدين على الأبواب وسألوها وش فيها قالت لهم بنتي نزلت مع عجوز كبيره بالسن بالليفت توصلها تقول إنها ماتعرف تستخدمه ومارجعت ..

قالوا لها حنا جتنا عجوز كبيره بسنها وفاتحه الليفت وتصيح تقول بنتي أغمى عليها وتعالوا ساعدوني الله يخليكم وصلوها معي السياره وشلناها وطلعناها ووقفت سياره عند الباب فيها اثنين شباب وساعدونا وراحوا..

الأم قامت تصيح وتقول هذي بنتي..

وجت الشرطه بس بعد مافات الأوان طلعت العجوز وحده ماتخاف ربي متجرده من الإنسانيه وماعندها ضمير وتتاجر بأعراض الناس والعياذ بالله كانت تصيد البنات وتجيبهم للشباب وهالبنت ضحيه بعد ماركبت معها الليفت رشت العجوز عليها حاجه خلتها تدوخ وتفقد الوعي ..
والله العالم بحال البنت ألحين وإلا وين أراضيها .. والأم الله يلطف بحالها بالعنايه المركزه..

تكفووون يابنات أنتبهوا وياأمهااات أحرصوا على بناتكم وعلى أنفسكم حتى المحلات إذا دخلتوها لاتدخلون لأخر المحل إلا إذا كان في المحل زباين كثير شفتوا كيف كان مخططهم من كان يتوقع هالعجوز إنها تتاجر بأعراض البنات جت المسكينه تكسب فيها خير مادرت إنها تكسب في نفسها الهلاك..

الله يرد البنت لأهلها ويشفي أمها ..

الله ياواحد ياقادر على كل شي إنك تكشف هالعصابه وتفضحهم وترجع هالمسكينه لأهلها وتنتقم على هالعجوز وتوقعها بشر أعمالها يارب إنك قادر على كل شي يارب من أراد بنا سوء أو بأحد من المسلمين إنك ترد كيده في نحره يارب تسلط عليهم من يكشف عنهم ويوقع بهم يارب إنك القادر على كل شي ياحافظ إحفظ لنا بناتنا وأبنائنا من كل شر..آآآآميـن يااااااااارب..

تكفووون أدعوا عليهم بكل وقت وأدعوا للمسكينه ولأهلها وحاولوا تنشرونها بالقروبات وبالمنتديات وتناقلوها عشان الناس تاخذ حذرها والبنات وأمهاتهم ينتبهون..

[فتى الرائدية]

[align=center]

ياالله سترك يااارب
[/align]

[فتى التحفيظ]

يالله وش هالعجووووووووووووز .,.,.,

[ضرمان العجمي]

الحمدلله وحده والصلاة والسلام على من لانبي بعده وبعد
أختي الفاضلة الكريمة(سحابة نجد) يعطيك العافية على هذا الموضوع وهذا التحذير دليل غيرتك ودليل خوفك على بنات المسلمين وفقك الله لكل خير 000
وحسبنا الله ونعم الوكيل على هذه العجوز الخبيثة وستقع بإذن الله في يد السلطات الرسمية وتنال العقاب الرادع المناسب الله يفضحها هي وعصابتها عاجلا غير آجل 000
كما ينبغي على الفتيات وأولياء أمورهن الحذر الشديد من مثل هذه المواقف فالحذر واجب مطلوب 0 00 أسأل الله أن يعيد الفتاة لأهلها سالمة000 أكرر شكري وتقدير لك على هذا الخبر والتنبيه000 محبكم00

[الخفجي81]

الله يستر
وتسلمي ياسحابت نجد على الخبر

[السكرتي]

الله ينتقم منها

[طليفيح]

الله يستر على بنات المسلمين

الله يجزاتس خير

[الجوووري]

لاحول ولاقوة الا بالله


البنت المفروض ماتركتها امها لحالها
المفرووض نازله معاها..

الله يرجعها سالمه لـ اهلها

[Empro]

لا حول و لا قوة الى بالله

الله يستر يارب

الحذر واجب وفعل الخير هالايام لازم يكون بحذر
يعني عجوز وبالسوق لحالها وين اهلها عنها ..؟؟

[حنين]

ياساتر


الله يحمينا يارب

وينتقم من هالعجوز