أخيراً..... رقم وااحد حصل وظيفة

[رقم _ واحد]

أخيراً،،، رقم واحد اتوظف

اس .. اس .. اس .. السلام عليكم

آآآه يا مقلعين ،، صراحة كنت مشتاااق لكم شوق البيبسي للمريندا ،، شوق التفاااح للفراولة ،، شوق الفرنسيين للمغاااربة ،، شوق الإنجليز للمضاااربة ،، شوق ستيف أوستن للمصاارعة ،، ((ما ودك تفكنا انت وجبهتك شبه القياااس والمساااحة))

تررى الموضووع طووويل ،، يعني اللي عنده شغل أطلق من هذاا يشوووف شغله أحسن ((تررى محد بيجلس لك يا الخبل ،، انت مصدق نفسك إنه فيه أحد بيقرأه))

و بقولكم على بلااااطة ،، هذااا الموضوع أخذ أحسن موضوع في التياااسة ،، والخيااسة ،، لدرجة إنه واحد قرأ الموضوع ،، وبعده ما رضي جهازه ينفتح أبداً،، وصار الشخص هذا نباتي لأنه صاار متيووس ،، وشركة الإنترنت المشترك بها أعلنت إفلااااسهااا وقفلت ،، يعي إذا صار شي لكم لااااا تقولووون إني ما خبررتكم ،، وقد أعذر من أنذر ((تحسون إني من جد تيس يوم أحذر))

وأخيراً يا شبااب وبعد معاناة .... توظفت ،، إييه توظفت !! لا تستغربوا!!! يعني الحمير ما يتوظفون؟؟ ،، ناظروا نص الحمير الحين يشتغلون في المزاارع ((أقول تلايط انت وجبهتك ،، انت لو تشتغل خرامة في مكتب ما شغلتك عندي))

صحيح إن وظيفتي الحالية ما توصل لطموحي ،، لكن في الأخير توظفت ،، وأنا أقول لكم قصة توظيفي

يووم من الليالي ،، كنت جاالس لوحدي وأيادي قاعدة تعاكس في خشمي وتآذيه ،، وشوي إلا وهي ساطية على خشمي ودخلت جواا ،، وجاالسة تنغف فيه ،، حــتـى خرجت لوحة ملونة بالأخضر ،،، وشوي صفااار ومكتوب عليه عمل الطالب فيصل بإشراف مدرس التربية الفنية (( اللي مسوي فيهاا حساااس ومؤدب يذلف وجهه برة الموضووع)) ،، لكـــن طبعاً لااازم الحين أصرف المواد الملوونة اللي طلعت ،، ومالقيت غير فلينتي هي الوحيدة اللي تستقبل مثل هذه المواااد ،،، ومن كثرر هذه المواااد صااارت فلينتي كأنهااا لووحة من لوووحااات شكسبير ((أقول يا تكتب زين أو اطلع برة اللعبة ،، من متى شكسبير عنده لوحااات))

الوكاااد إني استجمعت كاامل قواااي العقلية وقررت إني أصير مواطن سعودي صالح بدل النغف في الخشم ،، ولاااازم أحصل على وظيفة ((هذا وانت بكامل قواك العقلية؟؟)) ،، لكن قلت وش هو المجال اللي يستحق موهبة فذة مثلي ((في التياسة نعترف إنك موهبة)) ،، في البداااية قلت خلني أستشير الوالد ،، رحت لأبووي وقلت لأبوووي ،، يبى أبي أتوظف!!،، صرخ فيني وقاال نااظر في نفسك في أحد في هالدنيا يقبلك،، قلت له يا يبى كبر عقلك شوي ((تحسونه يكلم ولد الجيران مو بأبوه)) ،، أنا رايح أتوظف مو أتزوج ،، لأنه فيه فرق بين الإثنين ،، قال كل تبن انت وجبهتك كأنها ملعب كورة ،، أصلاً الحين الوظيفة أصعب من الزواج،، يالله عطني مقفاااك ورووح على مكتبك .....

تدرون وش اللي صاير؟؟ ،، الحين ابوي يحسب إني قلت له وظفني عندك ،، عشان كذا قال رووح على مكتبك..

الوكاااد إني تركت أبووي وقررت إني أتوظف في مكان محتررم يعطي روااتب زينة ،، وصرااحة ما لقيت مثل مجلس الشورى ،، لأني مثل ماتعرفون إنسان مثقف وعندي أفكار زينة (( ياخوي تلعب علينا انت؟؟ وش مثقف!!؟؟ وجاي تكتب مع المقلعين)) رحت لمجلس الشورى ((قالوا وش درااك إنهااا نصبة؟؟ قلت من شكل صااحبهاا،، وقالوا وش كماان؟؟ قلت من كبرر النصبة ،، قالوا وين راايح ؟؟ قلت برووح اشم هوااا ،، قالوا كمـــل موضووع لا نلعن ابليسك)) ،، الوكااد وصلت لمجلس الشورى ، وقلت لهم بتوظف عندكم ،، كلهم استغربوا!! لكن قااالوا لااازم تجيب لنا شجرة العائلة عشان نعرف جدك السابع سعودي ولا هندي ،، قلت الله يهديكم ،، مسوين حق مجلس شورى وكلاااام ،، الحين وش شجرته انت وهو؟؟ ... يعني لااازم كل عائلة تزرع شجرة عشاان توظفوا الناااس ،، أول أمس أبوي قطع الشجرة اللي قدام بيتنا عشااان السياراات تقدر توقف ،، والحين من وين أجيب لكم شجرة؟؟


الوكاااد أنا مامداااني أخلص كلاااامي إلا وهم يسحبووني وأنا أثبت رجلي على الأرض ،، وهم يسحبوا فيني ،، حتى صاارت الأرض فيها خطين من رجلي ،، وبعد مدة ممكن يستغلوا هالخطين ويسوون سكك حديدية ،، الوكااد وهم يسحبوني قلت لهم تررى عندي أفكااار زينة!! لا تطلعووني !! وش راايكم لو ترجعوا الرصاص للبنزين ،، وهم اللي ما يعطوني أي اعتبار ،، قلت لهم وش رايكم تزودون الرواااتب ،، نفس الحاالة ، قاعدين يسحبون فيني ،، في الأخيرر قلت وش راايكم تغيرون الشوااارع ،، هم ما أعطووني أي اعتباار و شاتوووني بررة المجلس ،، وقالوا يا الغبي لا تررجع مررة ثااانية

أنا عرفت بعد هذا الموقف إني صحيح إنسان ما عندي سالفة ((ما عندك سالفة متفقين عليها ،،، لكن إنسااان؟؟ هذي شوي صعبة)) قلت الحين لااازم أدوور مكااان ابن كلب أتوظف فيه غير الشورى ،، فكرت شوي وتوجهت لشركة من شركااات الحاااسب الآلي ،، دخلت الشركة وألقاها من جوا فخمة ،، وش فخااامة ،، نعن أبوووهم ولا كأنه البيت الأبيض ،، رحت لموظف الاستقبال ،، وصراحة الموظف هذا شخص وسيم بالمرررة ،، نعن ابليسه تلقى بيته كله كريمااات منعمة ومبيضة ،، سألني وقال أي خدمة؟؟ ،، قلت أبي غرفة لشخصين!! ((الأخ نسي نفسه يوم شاف الموظف)) قال: إيش قلت لو سمحت؟؟ ،، قلت أبي الرقم ((الأخ ناوي عليه الليلة)) قال وش رقمه ياسيد؟؟ أنا هنا صحيت شوي واستوعبت الموقف ،،

قلت أبي رقم غرفة السيد تومسون ((صررفهااا في اللحظة الأخيررة)) قال انت متأكد إنه يشتغل عندنااا؟؟؟ قلت لااااا لالالا ،، صراحة أنا جيت هنااا أبغى أتوظف ،، قال اطلع لمدير القسم وهو اللي يوظفك ،، قلت له أنا ودي إني اجلس معك ((الأخ معجب بالمرررة)) قااال لااا المدير بنفسه يقدر يوظفك ،، قلت وين مكتبه؟؟ قااال في الدوور السااادس ،، قلت يلعن أم المشووااار يااخي وشلوون أطلع له ،، قال استخدم المصعد ،، قلت في نفسي يلعن أم التطوور ،، لأن بيتنا دوور واااحد وفي حيااتي ما شفت مصعد ،،

دخلت المصعد ،، وشوي إلا ينقفل الباااب ،، أنا صررخت فكووووني وررب الكعبة ما سويت شي،، والله مظلوووم ،، تررى ولد عمي هو الحرااامي مو أنااا ،، وأخبط البااااب ،، وشوي إلا ينفتح الباااب ،، وأشوف عاامل النظاافة ينااظر فيني وهو مستغررب ويقول إيس فيه انتا دقو بااب ؟؟ مافي يلعب زي بزورة ،، انتا في البيت يلعب مافي أحد كلم ،، هنا مافي يلعب ، بعدين مشكل كتيرر ((نعن ابليسه ،، حتى الهندي يذب علي))

قمت سحبته للمصعد ،، وانقفل الباااب مررة ثااانية ،، قلت له الحين أنا وانت لحااالنااا وأنا راااح ألعن ابليسك ،، نعن شيطانك تذب علي قدااام الخلق ،، وعطيته أبكااس ورفساااات ،، والمنحووس ضغط زر فتح الباااب ،، وصاار يصيح هزا في يضررب أناااا هزااا مافي كووويس ،، ويتجمعوا النااس علي ،، خير ياالأخو ،، قلت سلامتكم بس ودي أطلع للمديرر كنت أبغى من هذا الهندي إنه يوصلني له ،، خلااااص حصل خيرر كل واااحد يرووح شغله ،،

دخلت المصعد ومعي الهندي ،، قلت له الحين وصلني لمديرركم ،، قاام ضغط زر عليه رقم -6- وأحس بحركة خفيفة ،، وشوي إلا ينفتح الباااب ،، أنا يووم انفتح الباااب شفت الدنياا تغيررت مو مثل ما كنا قبل ما ينقفل الباااب ،، والهندي وده يخررج ،، قلت له نعن ابليسك وين راايح؟؟ تعاال علمني وش اللي صااار؟؟ الهندي يوم شاافني مافهمت شي سوى فيها إنه عبقري ،، قااال سوف بابا هذا سلاااه حقي أناا ،، انتا مافي كويس أنا في ودي انتا مكان تاني ،،


قلت له تلااايط انت وخشتك أصلاً من يووم ما شفتك وأنا عررفت إن هذا المكااان مسكووون ،، قلت له وين مكتب مديرركم؟؟ أشر ناحية الممر وقااال امشي على طوووول


مشيت على طوول ،، دقيت الباااب ،، ودخلت للسكرتير ،، قلت ابغى المدير ،، قال عنده اجتمااع ،، قلت أفااا وماتعزموووني ؟؟؟ قاال وش عزيمته يااأخ؟؟ عنده اجتمااع ،، مو عزيمة؟؟ قلت طيب وش اسوووي ؟؟ قاال انتظر شووي حتى ينتهي الاجتمااع ،، جلست جنبه ،، وانتظررت سااعة ،، وشوي أشووف يدي تتجوول في أنحاااء جسمي ،، وتتوجه نااحية الخشم –الأنف- وبدأت تمااارس عمليتها الغير شررعية في التنغيف ،، وشوي يقول السكرتير يا أخ !! احترم هذا المكااان ،، تررى هذه الحركة قذرة ،، وما نبي مثل هذه الأوساااخ ((اللي مسوين فيهاا حساااسين ومتقرفين مثل هذا الشخص خلهم يطلعوا))


الوكاااد جلست انتظرر سااعة ثااانية ،، أنا يووم شفت الوضع تأخر شكيت ،، وقلت للسكرتيرر تررى العملية غير طبيعية أبداً ،، خلنا ندخل عليهم ممكن تلقااهم في وضع غير طيب ،، السكرتيرر رماااني بطفااية السجاااير على جبهتي ،، وصااارت علاااامة في جبهتي مثل علااامة بيبسي ،،

وشوي ينطفي النووور الأحمررر الموجود فوق الباااب ،، قلت للسكرتير هاا بشرر ولد ولا بنت ؟؟ قال وش ولد وش بنت؟؟ قلت هذاا النوور الأحمرر مثل غررفة الولاااادة اللي في المستشفى ،، شفته انطفأ والحين بسألك ولد ولا بنت؟؟ قااال ياولدي هذااا مهو بلمبة المستشفى ،، هذه لمبة الاجتماعااات ،، قالت إييه!! يعني الاجتمااع خلص؟؟ قاال إييه خلــص ،، قلت طيب الحين ودي اقاابل المديرر،، قااال لحظة ،،، وقاام دخل غررفة المديرر وبعد دقيقة طلع وقاال تفضل ((يا زين الاحتراام))

دخلت للمكتب ،، وش مكتب ؟؟ هذا صالوون مهو بمكتب ،، مثل بيتنا خمس مرااات ،، أنا صراااحة تعبت حتى وصلت للكرسي حتى أجلس عليه ،، سألني المديرر وش مشكلتك؟؟ قلت والله يا أستااذ ما سويت شي!! هذاا يووسف هو اللي رمى الطبااشيرر ((ترى الأخ مضيع ،، خـبل!! لخبط بين مدير المدرسة ومدير الشركة)) قال وش طباشيره يابو الشبااب ،، قلت معليش معليش ،، أنا تلخبطت بين مدير المدرسة ومدير الشركة ،،


قاال اخلص وقوول وش تبي ؟؟ قلت صرااحة مثل ما تعررف الدنياا مالهااا امااان ،، وإن الدنيا قسمة ونصيب ،، وأنا هناا جيت أطلب يد بنتك ((ويييه ترى الحمااار مررة مضيع،،)) قااال وشو؟؟ قلت آآآآآسف آآسف ،، اقصد أنا هنااا جيت ابغى وظيـــفة ،، قاال لكن نحن ما عندنا وظاائف ،،، قلت واللي يررحم واالديك وظفني أي شي؟؟ لو حتى طراااار ،، ((كل تبــن ،، أصلاً انت حتى لو حمااارر ما تنفع))


قااال وش مؤهلااااتك؟؟،، أنا استغرربت وما فهمت شيء ،، أوول مررة أسمع مثل هذي الكلمة ،، قلت وش هي المؤهلاااات؟؟ قاال يا حمااار أناا اللي أسالك مو انت اللي تسألني؟؟ ((طلع حتى المديرر حماار ،، يحسبني أسأله وش مؤهلاته هو)) قلت أنا ما فهمت وش معنى كلمة مؤهلاااات؟؟ يعني قصدك أهــلي ؟؟ قاال يا تبن ، وش شهاداتك؟؟؟ ،،!!!! ويييه يااادي المصيبة ،، وش اقووله الحين؟؟ أقوووول إني حماااار وما قدرت أنجح من صف ثااني ابتداائي ،، المهم أنا صررفتهاااا وقلت شهاادة ثاانوية عااامة ((أقوول يالأخو،، ودك تصرفهاا ،، صرفها عــدل وش صف ثاني ابتداائي وثاانوية عاامة))
:p


الوكااااد قااال الحين انت معطلني ،، وتبي تقااابلني ،، ومسوي صجة ،، وفي الأخيررر ثانوية عاامة ،، يالغبي حنا يجوناا نااس بكالوريوس هندسة حاسب ،، وما نقبلهم ، والحين برقعة وجهك تقوول ثانوية عامة ؟؟ ،،، قلت وش دخل روبرتو كارلوس في الموضوع ،، أقول بتوظف وتقول روبرتو كارلوس ،، قاال يا حمااار ، اسمه بكالوريوس ،، مو روبرتو كاارلوس ،،، قلت له طيب أوكي هذا وين يلعب البكاروس؟؟

قااال لااا يكثر هرجك ،، وعطني مقفاك وعلى برة ،، قلت طيب ،، يصير خير!! اليوم ورقة الطلاااق بتووصل بيتكم!!! ،، وهو اللي ينادى الحارس ويطلعني برة ،،، لكن هالمرة ما ركبت المصعد ،، لأنه رمااني زي الكلب من الدوور الساادس ،، لكن الحمدلله ماصار فيني شيء ((إييه ، لأنك ثوور ،، والثوور ما يأثر فيه))

أنا خرجت من الشركة المنحوسة ،، وقلت بتوظف في أي مكان يعني بتوظف !! ((لاااا ،، انت منحوس ،، لو تقول بتوظف يعني ماراح تتوظف ،، وإذا قلت مابي أتوظف راح تتوظف غصباً عنك))

رجعت للبيت وأنا أجر أذيال الهزيمة ((جاالس نص ساااعة عشاان أفكر بهاللفظ)) وقاابلت أبووي في الطرريق ،، قاال هااا بشر؟؟ ،، قلت للأسف!! ،، قاال أفاااا !! ما لحقت الصلااااة؟؟ ((أبووي في صوووب وأنا في صووب ثااني))،، قلت له لا لالا لحقت الصلاااة والحمدلله،، لكن ما لقيت وظيفة ،، قاال يا ولدي حراام عليك ، لاتعذب بنااات النااس،، من هي اللي تقبل تااخذ ثووور مثلك؟؟ ((أبووي يووم يهسترر يعجبكم)) ،، قلت يا يبه لا تكسر بخااطررري ،، الحين وش دخل الزوااج في الوظيفة؟؟ وكماان هالكلاااام مو وقته الحين ((الأخ تيس في كل شي ،، حتى مشااعره ما يعررف يطلعهااا من التيااسة))

جلست في غررفتي أنااظر السااعة ،، لاااحظت إن البطاارية خلصت ،، قمت أخذت السااعة ،، وأخذت البطااارية عشااان أرميهااا ،،، لكن اتخلبطت شووي ،، ورميت السااعة واحتفظت بالبطااارية ((نعن أبو الدلاخة اللي مثل كذاا))

أناا يووم شفت السااعة ،، تذكررت محلاااات الهمبرجر ،، لأني دووم أشتري منهم لأهلي ،، وطبعاً أشتري كمياات كبييرة ،، يعني أجلس ساعة أو ساعتين أنتظر ،، وصرت حاافظ شكل ساعتهم من كثر ما أنااظر فيها ،، عشاان كذااا تذكرررت سااعة محلااات الهمبررجر ((نعن أبو الاستنتاااج،، هذا من الدلااااخة اللي فيك)) ،، وقلت خلني أرووح أشتغل في محلاااات الهمبررجرر ،، ممكن يقبلووني عندهم ((أصلاً انت من يشغلك عنده ،، انت ممكن تصلح يذبحوونك ويسوون همبرجر من لحمك ،، ومن قال إن هذا الحل بينجح ،، لأنه لحمك خاايس وأكيد بتصيرر حالاااات تسمم ،، يعني ماالك أمــل أبداً تشتغل هنااك))

رحت لمحل الهمبرجر ،، وقلت أبغى أقابل مدير الفندق ((ترى مضيع بالمررة ،، ما فرقت بين الفندق والمطعم)) ،، العاامل قااال المدير في مكتبه ،، دخلت للمكتب ،، ولقيت المدير جااالس وصااك عيووونه ،، وفقاااقيع تطلع من خشمه ،، ويطلع صوووت غرريب في البداااية حسبته يحضرر جـــن ،، لكن في الأخير اكتشفت إنه نااائم ((الدليل إنه دلخ ،، جلـــس نص ساااعة يدووور ويين مصدر الصوووت قبل ما يكتشف إنه ناائم))


المهم إني دقيت عليه باااب الغرررفة ((وش غررفته ياابو الشباااب؟؟ الحين مو تقول دخلت المكتب وشفته)) ،، وصحا هالمدير الكسوول ،، قلت له قم يا كسووول ،، ما عندك بيت تناام فيه ،، ولا أكيد سهرااان على القنوات الفضائية ((أحب أطبق اللي أسمعه في المدرسة))

المدير طلع شامي ،، وقاال لك شو بدك حبيبي أي خدمة بدك إياها أنا بنفز لك هيا !!! ،، قلت أبغى أتوظف عندكم ،، قال شو هالحكي؟؟ انت سعودي وبدك تتوظف هوون ؟؟ قلت لاااا ،، حطني بياع – طباخ – أي شي،، لكن لا تحطني - هوون – هذي ،، لأني ما عمرري سمعت بهااا ولا أعرف اشتغل هوون ((مــثل ما قلت لكم إن ثقاافتي يوناانية ،، يعني مالي في الإنجليزي شي))

قال يا حبيب ألبي ((انعن أم الغـزل ، ما أقدر على كذاا ،، أنا أرووح شرربة)) ، ولك أنا ما بئدر أشغل أي حدا هوون ،، قلت الحمدلله ، لأني ما ودي أشتغل – هوون- ،، قال طب وين بدك تشتغل؟؟ قلت أنا بشتغل عندكم!! قال طيب انت بتئوول إنك ما بدك تشتغل هوون ،، قلت إييه أنا ما أبغى أشتغل – هوون – ،، ((أقوول،، شكلك ما ودك تخلص ،، انت حمااار وعرفناااك ،، طيب وش صاار بعدين؟؟))

الوكااد إنه فهمني إني لااازم ارووح لكفيله ،، وهو اللي يقدر يشغلني،، ررحت لكفيله ،، قلت له يا الأخو ودي أشتغل عندك بالمحل ،،،!!! قاال كـــل تــبن أنا ماودي سعوديين أنا أبغى أجااانب ،، لأنكم يا السعوديين ،، ما تبغوون غير روااتب عاالية ،، وأنا ما عندي ،، يالله ضف رقعة وجهك ،، وعلى بررة ولا تجي مررة ثااانية


--- مشكلة السعوديين إنهم ما يفهمون حتى لو جبت مترجم إنجليزي ،، هذا الخبل ما يدري إني بغيت أشتغل عنده بأقل رااتب ،، أنا احلف إنه لو ما عطاااني شي ،، ما أزعــل ،، لكن أهم شي أصير موظف وعندي شغل ،، وكمان آكل من المحل ومو لاااازم الراااتب----

الوكاااد ،، جــلست لوحدي على قااارعة الطرريق ((شوفوا المصطلحاات واتعلموا ،،أنا يوم قلت هذي الكلمة جاااني أنواااع الإسهاال والشد العصبي من صعووبتهاا)) ،، وأنا في هذه الحاالة الفركتووزية –هذي الحاالة تصيب الإنسااان في فترة ما بعد النضج ويصااحبهااا حااالة تعاااسة شديدة من شدة الأكل الكثيررر- --- جااني تكرووني راااسه صغييير وجسمه كبيررر ،، أناا يووم شفته حسبته عــلـــبة فيري ،، لأن رااس الفيري صغير والعلبة كبيررة ،، وحسبته مسوي دعاااية لهم ،، الوكااد وصل عندي وقاال أنتا أكيد ما حصل شغل ،، قلت إييه ،، قاال طيب شوف أنا قول شي ختير (خطير) ،، يووم سمعته يقوول خطير قلت له أنا من يووم شفتك وأنا اقول اعوذ بالله من الشيطان الرجيم ،، يا أخووي أنا مااالي في السيااسة دخـــل

وهو اللي يستغرررب ويقوول أنا ما فهمتوا ولا شي ،، قلت إييه انتا ما فهمتوا ،، إنتا فــيمــتو ((مسوي دعااية لهم)) قلت يا الحبيب الحين انت تتكلم كلاااام خطيرر ،، وأخااف يمسكووووني ،، أنا ما أبي هذا الشي،، أنا اخاااف بالحييل ،،

قااال لااا ، أنا مافي تكلم عن حكومة ،، أنا تكلم عن شغل ((يقطع وجهه ،، حتى التكااارنة يفهموون إن السياسة ممنووعة)) قلت يعني تبغى توظفني عندك؟؟ ،،، قااال أيواا أبووياا، شوف أنا يوم وااحد طلع فلوووس كتيررر ،، قلت له نعن ابليسهم موظفينك بوظيفة بنت كلب ،، وأنا ما يبون يوظفوووني ،، كأني ولــد الشغااالة ،، ولا كأني سعوودي؟؟


الوكاااد إنه مافهم وقااال أسمع بابا ،، أنا وقف هنا أستنى سيارة ،، هو يجي يوقف انا يحط خرقة ، وموية ، وفيري ،، يوووم قاال فيري ضحكت ،، لأني الحين اكتشفت إنه مسوي دعااية لهم ،، المهم ،، هو قاال وبعدين غــسل سيارة في تلاتة دقيقة ،، هو يعطيني عشرة ريال ، وممكن خمسطعش ريااال

قلت أفااا يالمنحووس ،، تبيني أغــســل سيارااات ،، قال يا أبويا الشغل مافي عيب ،، انتا يقعد في البيت زي الحرمة هدا عيب ،، قلت لااا والله طلعت ذيب يا بن الكلب ،، ((ذيب ،، وابن كلب ،، صعبة هذي)) ،، قلت له أنا عطيك مئة ريااال وتعلمني أغــســل سيااارااات ،، قال مافي مشلكة ابويا


وتعلمت منه وشلووون اغسل سيارااات ،، وصررت أغـــســل سيارااات ،، الين صررت مشهوور عند كل العااالم بأني أحسن مغسل للسيارااات ،، والعااالم يأتووني من كل حدب وصووب ،، وحتى صاارت طلبياااات دولية لغسيل السياااارااات ،، وتطوور الأمر حتى....... ((اقووول بلا نصب كثيرر،، هااات الزبدة))


وشووفووا النهااية السعيدة لكل من جد ووجد ،،

ورجعت لغرفتي ،، بعد ما تعلمت إن الحياااة أكبر من إني أنغف في خشمي وأطلع الأوسااخ ،، وتعلمت بأن الحياااة صعبة ،، وصعب ترتااح فيهااا ،، واللي مرتااح الحين ،، حاااله ما يدووم له أبداً ،،
وأوصي الآبااء إنهم يعلمووون أبناااءهم الحرف اليدوية المهمة في الحياااة ،، ولا يعتمدوون على الخدااامة أو السوااق ،، لأنهم ما يدوموون له ،، ولا يدووم لهم ،،

وأشكر كل من قرأ الموضووع من اووله لآااخره ،، واتمنى أن يكووون قد حاااز على رضااكم ،، لأني ما كتبت هالموضوع إلا عشااان تنبسطوون ،، وإن شاااء الله تكونوا استفدتم (( اقووول لا يكثرر ، الظاااهر إنك مصدق نفسك ،، من يستفيد منك يالخبل؟؟ انت موضووعاااتك خاايسة من اوول لكن ما ودك تكتشف هالشي))

و إ شاء يكوون عجبكم الموضووع ((لااا تجااملووونه ،، تراااه مصدق نفسه ،، والحين يقعد يلبشنااا في موضوووعاااته التاافهة))

وانتظرووني في الموضووعااات الجديدة ((لاااااا أرجووووك ،، لاتنزل موضوووع ،، تكفى واللي يرحم واالديك ،، لا تنزل موضووع))



وأعتذر على الإطااالة

=============
ودمتم سالمين

[الجوووري]

تكــــــــــــفا وشلون اقراها هذي يبي يخلص الاشتراك وانا

ما قريتها

لي رجعه انشاء الله اقراها


الجـــــــوووري

[احسـ العالم ـاس]

((لاااااا أرجووووك ،، لاتنزل موضوووع ،، تكفى واللي يرحم واالديك ،، لا تنزل موضووع))

كلامك ماجبت شي من عندي

[رقم _ واحد]

شكلكم من النااس اللي يبحون الألعاااب

مثل

لعبة السجن

لعبة اللي ما يحب مااما

لعبة اللي يحب بابا


ممكن مكاني هنا غلط