كل رمضان وانتو بخير ((طعم الحلاوة مع قيمتو))

[(ملاذ الطير)]

السلاموووو عليكموووو

وشلونكم يالطماطيس فديت خششكم من اطلق شنب كالعادة لأصغر شباصة زهريه شاربه فمتو

الا على طاري الفمتو يالربع هما شفتوا العالم منلحسة بهالاسواق وكل(ن) معبي له سله فيها 45 علبة فمتو والله لو انا على مشارف مجاعة وش ذالمهبل الله لا يبلانا قبل اسبوع فضحتنا الجرايد علبة الفمتو باربعة ريال إلا ثلاثة قروش <<وشلون نصرفها ذي

لا والادهى والامر سوبرماركت كبير يقول بإعلانه اذا اشتريت ب200 ريال راح تاخذ الفمتو بهلله وربي هذا الاعلان يعني بهلله يالظالم وتصلخني في الرز ب350 ريال والحليب بـ100 ريال

الوكاد اني بدور شجرة الفمتو هذي همن ازرعها في محميات وابيع على المساكين السنه الجايه حبتين يامسلم قصدي حبتين بريال والقاروره اللي تطلع من هالشجرة ابجيبها بالسوق ثمن اسويلها مشتل صغير والفمتو طازج يوميا من هالشجرة لبطنك اللي بليته برمضان من المصايب اللي تترسه من صلاة المغرب الييييمن الفجر

لدرجة يا اخوان تقول إننننا في التراويح سكارى من غراش هالفمتو والعالم ما ياخذ الواحد ركعتين الا وهو منسدح بآخر المسجد تقول طالعين من حصة لياقة

لا وازيدك من الشعر بيت البلاوي اللي برمضان شهر التوبة والغفران تطلع لي احد القنوات بإعلان ((عما قريب مسلسل تركي جديد فيه حب(ن) يقطع القلب وضمضمه تحبها قلوبكم وكلامن يقوطر عسل ))

لاحول ولا قوة الا بالله

ياناس اتقو الله وخلونا نعيش رمضان مثل اول اتقو الله فينا ولا تحملون اوزاركم واوزارنا على الاقل في هالشهرالكريم بس واذ انتهى رمضان تصرفوا لو تحطون .........!!!!

هذي دعوة للتجار اللي ما يخافون الله حسبنا الله عليكم حتى في هالشهر الكريم

الناس تخلص عملها لله وانتم مثل المنشار لا بارك الله فيكم ولا في جشعكم.
عموماً..

هذي المشاركة على عُجالة من أمري << والله وصرت أرطن عربي مضبوط !

بعد شوي طالع من النت وبروح لي مشوار قريب .. ثم باشخف لي أسواق قريبة من البيت .. بضف لي كم سنبوسه وثلاث أطباق بيض !يعني حسابيا يبي لي عشان هالاغراض 700 ريال هذا اذا لحقت قبل يرفعونها

العلم ومافيه ..

البارح تفرّغت للعباده .. وقلت ماعني وعن صلاة التراويح ... جانا إمام جديد في الحي وصوته " يهببببل " .. يخلي الواحد يخشع ويبتسّي الواحد غصب ...

دخلت المسجد .. تسننت .. كبّرنا لصلاة العشا .. ثم كبّرنا للتراويح .. عاد أنا ديني دين " البزر " إذا صلّى جنبي .. !
يجيني الهم والغم ... والقولون يرتفع عندي " نسبه " << حسبي الله على هالأسهم اللي لعبت في عقولنا .. !

ويوم انتصفنا في صلاة التراويح .. وكان البزر لابس عقال .. طاح عقاله ورى رجولي .. قام يتلفّت .. طل من تحت رجلي .. خذ العقال .. طاح ثانيه .. شوي إلا ويلفخني بشماغه اللي واصل لين رجليه ( عندي إحساس أن شماغه هذا حق جدّه السابع عشر .. طوله ثلاث مرّات ) !

أنا ماسك نفسي .. وودي أصمخه على رقبته لين أشوفه تحت رجلين الإمام .. بس قلت ياولد ( أبلع العافيه ) وصلْ زي المسلمين .. واركد وكمّل صلاتك وتعوّذ من الشيطان !

ويوم طرّفنا على القنوت إلا ويدلّي يحك ظهره في رجلي اليسار .. ياربييه .. هو أني أعطيه وحده على ظهره بركبتي .. والا أني أتقدم عن الصف لين أشوفه " متسلدحن " على ظهره ! - كل هالأفكار جتني وانا أصلّي الله يتوب علي - !
صليت والتفت عليه .. حط البزر عينه في عيني .. وقال لي بِكُل براءة وعلى باله ما أشغلني في صلاتي " تبغى مسواك زي هذا .. ترى بابا معطيني ثنين " !
وانا يدور بي راسي عما يعمي العدو .. أشغلتني عن الصلاة والهيتني عن العباده .. وابوك مبسوط وجالس لي في الصف الأول !
ياأولياء أمور هؤلاء " المبزره " .. خافوا الله فينا .. وانتبهوا لعيالكم .. خلوّهم حولكم ... تراهم أشغلونا ! ترا والله معنا عيال ونحبهم اكثر منكم
سلام ..

يالتفافيح
وكل عام وانتم بخير

[mύβαřαķ αlsαhli]

كح كح كح



الحمدلله ماحب الفيمـتو

متري وشلون تشربونه انتوا :s

[اسـبـانـي]

هههههههههههههههههههههههههههههههههه

ايه والله