[align=center]
[/align]
[align=center]قصه حصلت لي من ساعه, أبي رأيكم, ولو كنت مكاني كيف كنت بتتصرف ؟!!!!
السالفه و ما فيها يا طويلين الأعمار إنه: [/align]
[align=center]جالس زهقــــــــــــــــــــان في مكتبي, و من الزهق طرا على بالي كوفي (< American Coffe ) قمت ورحت غرفة القهوة, وقعدت أسوي لي كوفي << خذا مني دقيقه إذا مو أقل [/align]
[align=center]رجعت للمكتب << شي أكيد يعني
والتلفون كان يرن, قلت ألحق أرد قبل لا يقفل, رديت بسرعه قبل لا أشوف مين اللي يدق وجرت هذي المحادثه: [/align]
[align=center]قيصر: مرجان أو.... << الرد اللي أقوله دايم
المتصل: ياخي ساعه عشان ترد علينا ؟ 
قيصر: أخلص وش عندك و لا تكثر هرج
المتصل: أوف أوف أوف 
قيصر: بتتكلم ولا أسمعك صوت القطار ؟!!! << مسوي قوي أنا وراسي
المتصل: كيف كيف يعني, وش تقول ؟
قيصر: يعني أسكر السماعه في وجهك !!
المتصل: لين هنا وصلت المواصيل ؟!!!!
قيصر: ( بضحكات كذا ساخره ) و أزود بعد
المتصل(< بعد ماوصلت معاه مررره ) : عموماً الحمد لله على السلامه, and welcom back
هنا أنا خلاص تغيرت ملامح وجهي, طبعاً أكيد تقولون وش هالأسلوب اللي رايح فيها, بس من أول ما رديت على الرجال, على طول فكرته واحد من أخوياي اللي دايم كنا نتكلم مع بعض بهالأسلوب عن طريق المزح طبعاً << يعني عادي نسفل في بعض من باب الضحك for fun only المهم نرجع للحوار . . .
قيصر: يوسف؟؟ مو يوسف أنت ؟؟؟
المتصل: لا يا شيخ, أجل يوسف, يعني رقمي مو طالع عندك ؟!!!
هو قال كذا ولا ما قال, أنا خلاص وجهي قلب ألوان 
وعلى طول أطالع في التلفون وأدقق في الرقم, وشفت الرقم اللي تمنيت إني ماشفته 
قيصر: أبو علي, هلا والله وغلا, المعذره المعذره, وربي قسماً بالله كنت أفكرك واحد من أخوياي
المتصل: it's ok <<< حسيت إنها بدون نفس
قيصر: قسماً بالله يا بوعلي ما دريت, رديت بدون ما أشوف الرقم والله العظيم, آسف آسف المعذره يا بوعلي
أبو علي: لا ماعليك, أنت من بعد ما رجعت من الإجازه وإنت منت مضبوط
و قعد يسولف معي ويضحك, و وين قضيت إجازتك ومن هالكلام, وأنا و ربي مني بحوله, وجهي تلون بألوان الطيف, وعيوني أحس إنها مدمعه من الإحراج اللي أنا فيه
المهم, سألني عن واحد و جاوبته, وقالي يالله مع السلامه
قيصر: المعذرة والله يا بو علي وبحفظ الله
أبو علي: قلت لك معليه عادي 
<< وهو يضحك هالمره
قفلت الخط وأنتهت المكالمه
على طول سويت لوك للجهاز, وطرت على المبنى اللي هم فيه, ودخلت عليه مكتبه وأعتذرت منه مره ثانيه, وقعد يضحك علي ويحط علي شوي, لين حسيت إن الوضع أوكي 
و أستأذنت منه و رجعت, وأنا لا زال وجهي ملون
الحمد لله عدت على خير, و توبه أرد قبل لا أشوف رقم التلفون وأعرف اللي متصل زين 
أبي آرائكم, وكيف كنتم بتتصرفون ؟!!!!
طبعاً أبو علي << هذا الينت سوبر فايزر << كان معنا بنفس الدائرة ونقل لداشره ثانيه, رجال محترم لأبعد الحدود, و ماشفت منه إلا كل خير, لا وله جمايل ما أنساها
يوسف << هذا واحد جاته دعوه قويه مني, مع العلم إنه مايدري بالسالفه وماله دخل !! و يوم قلت له السالفه مات من الضحك
إحترامي [/align]
المواضيع المتشابهه
~ موقف محرج حصلي !! ~ << الله لا يعيده
العرض العادي
