وداعا ابي ..!!

[!!سكروووب!!]

اصعب احساس انك تبكي علي قبر شخص تعزه وتغليه..!!

اصعب شعور ممكن تحسه اذا تخيلت ان العمر بيمضي بدونه..!!

هذاك ابوي ..الله يرحمه..!!

طبعا الخاطره كتبتها بعد ماقريت لاحد لاحد الاشخاص انه مشتاق يشوف ابوه وكانت الخاطره الحزينه عسا ماتشوفون احزان............

اذا انته لابوك تشتاق
ايا حظك وايا سعدك
يعني ابوك عايش
يعني
ممكن تشوفه
اليوم
بعد شوي
ويمكن يكون بكره
علي كل حال ولو طالت
ابوك عايش ابوك مامات
مشتاق لاحضانه
مشتاق تبوس راسه
مشتاق
ومن الشوق منت قادر
تشوفه بلحظه
وتنثر همومك علي صدره
اااااااااااااااه
صدقني ايا حظك
وايا سعدك
وانا ماني بحاسدك
عسا الله لايفرقكم
عسا ماتفقد الغالي
مثل ماني فقدته
ابوي ياصاحبي مات
دفنته بيديني قبل شهرين
واذا تبغا القصه
انا ببداها من الاول
ابوي ياصاحبي غير
ابوي معني التسامح
ابوي كله علي بعضه خير
اااه يا كنت لابوي اشتاق
مثل منته لابوك تشتاق
يغيب عني ايام
وبعض احيان تصير شهور
وابكي
اي والله ابكي
لامني تذكرته وانا مكسور
قسم بالله تخنقني العبره
مثل ماني
انا مخنوق هاللحظه
ولامني انا شفته
ترجع بي سنين العمر
واحس اني تو مولود
ولاهم ولا احزان لاشفته
تضيع ياصاحبي بلقياه
هذاك ابوي اللي مات
قبل شهرين كانت
اعظم الصدمات في عمري
جاني خبر
الا ياليت ماجاني
تمنيت الموت لحظتها
تخيل او يمكن صعب تتخيل
وانا مابغاك تتخيل
لاجاك الخبر قاسي
واذا تبغاني اشرح لك
انا ياصاحبي بشرح
جاني خبر علي الجوال
يوم الاثنين عشرين عشره
يعني ماكملت شهرين
والخبر كان بالتفصيل
دق الهاتف المحمول
فتحت الخط
ورديت وانا مذهول
شخص اعرفه واعرف اسلوبه
كانت ضحكته تسبق حكاويه
وبصوت تخنقه عبره
حاول ولاكن ماقدر يخفي
ولو انه حاول يخففها
ابوك وضعه صعب
قدر ياصاحبي مكتوب
اليوم صار له حادث
وانا بدون شعور
يعني مات ابي اعرف
طلبتك تكفا تصارحني
ولاكن ماقدر يحكي
وكل اللي قاله ابد طيب
ولاكنه يبي يشوفك
نسيت الكون في لحظه
نسيت امي
نسيت اخواني العشره
نسيت الكل في لحظه
ولاودي غير
اشوفه بس واضمه
مشيت بموتري يمه
وقبل لاصله
جاني الخبر كله
ابوك الله يرحمه مات
مات وهو وده يشوفك
وده يشوفك قبل لايموت
بكيت من القهر علي فرقاه
تصدق كل اللي تمنيته بلحظتها
يحطوني انا وياه في قبره
وبعد موته ضاقت الدنيا
قعدت ايام وانا ابكي
الين في يوم
زارني بالحلم
كتب لي رساله
كلام كثير ولاكني
ماقريت من الكلام غير احلاه
"بعدي ياولدي"
عرفت المغزي ..!!
يعني انا مرتاح ياوليدي
لدامك حي
عيالي بخير
وكانه يوصيني
باخواني العشره
وكانه يوصيني
بامي المريضه لا ازعلها
وهو يعرف اني اموت
ولا اقدر ازعلها
ولاتذكرت وجهه وهو ميت
ارتاح ايه ارتاح
تدري ليش
لان العود كبير السن
ولا اذكر بعمري شفت
احلا من صورته ذاك اليوم
ولاتسالني
ليه اليوم اضحك
ليه مابين
علي الحزن معكم
لاني عرفت
ان الموت حق
ولاكن
عسا ربي
يحسن خواتمنا

اتمني ماكون كدرتكم بس خاطره جا لها مجال ونزلت ..!!

الله يرحمك يابوي ويسكنك فسيح جناته انتقل الي رحمه الله بعد حادث مضي عليه الان اكثر من سنه..!!

[أبومهاوى]

[align=center]اهم ارحم موتانا وموتا المسلمين جميعا

وعلى قولت المثل من خلف مامات [/align]

[AYAWASEL]

الله يرحمه و تعيش و تفتكره ....

يعطيك العافيه على ها الخاطره ....

[وليفي هجرني]

والله الصراحة
إني ماقريت الموضوع بالكامل
لانه حزين
واسال الله
أن يرحم جميع أموات المسلمين
تقبل تحياتي
وليفي هجرني
ووشكراااااااااااااااا

[عزيزة نفس]

الله يرحمه ويغفرله ويسكنه الفردوس الاعلى





خاطره روعه على الرغم من وجود الأ لم في كل حرف من كلماتها





الله يعطيك العافيه

[mύβαřαķ αlsαhli]

يبه وينكـ] × ~



وتمضي رحلـة الدنيـآ بليـآ طلة ع ـيونكـ]×~




ـــــــ


اخي


سلمت على الخـآطرهـ

[National Day]

سكرووب رغم الالم والحزن .......كاعهدي بك مبدك في طرحك لك من اجمل سلام

باياتي

[كلي خفجاويه]

الله يــرحمـه ويغفــر لــه ويــرحم ابـوي ويغفر له ويسكنهـم فسيح جنـاته ويجمعنـا بهـم وامـوات المـسلمين ومن نحـب في اعـالي الجنـان

عـلى كـل سطــر اقــرأ فيهـا كــلمــاتـكـ تحـرقني دمعتــي ,,

ابـدعت اخـي سكــروب ,,

كـلمات احـرقت قلـبي ,,

كــم هـو صعــب فـراااق الاب ,,

اللهـم اجعـلها اخـر الاحـزان يـارب ,,

والله يصـبرك ويصـبرنـا اجمعـين ,,

سلمـت يمنـــاكـ ,,

[غِنَــى !]

آه يآشقيق اليُتم ..
تبكي فقدَ ابآكَ .. تَمآماًكمآ أبكي فقد ابي ..!

آوآه يآ أبي ,, بأي دموعٍ أبكيك ؟
دموع الفقد أم بِدموع الشوق أم دموع الحِرمآن ام دموع الوَجعْ؟!
ثُلآثة سَنوات لمْ أقبل جَبينُك..
ولم أدفِن قلبي بين ثنآيآ حنآيآكْ . ولم أرَى تِلكَ البسمه التيكآنت تزرع السعآده في جنبآتِ روحي
ثلآثة سنوآت.. اتوقٌ بِهآ شوقآ على شوق لِ حنآنكَ يآ أبي ..
أَبيْ ..افتش عن رائحتٌكَ .. وَ أقبل ( سآعتُكَ ) التي بقيت معي ولن تفي ولن تفي ولن تفي !
لَعلي بِهآ أطفئ لهيب الشوق المضطرم..فـ أذوب شوقا ولهاً فقداً .
آهٍ وآشوقآه .. وآشوقآه ..
يا لله،ما أقسى الحزن بداخلي، فليس لي غير صلاتي ودعائي،

~
أبكتني كَلمآتك ورب السمآء
لآ آدري من يواسي من !
آآواسيكَ .,وقلبي مكلوم ,,
أمْ فقط اشآركك البُكآء ...! وَ أدعو~

رَحِم الله والدي ووالدكَ وَ أخي .. وأسكنهم جنة الفردوس الأعلى وجعل قبورهم روضة من ريَآض الجنة ..يآرب وغسلهم بالماء والثلج والبرد ونقِهم من الذنوب كما ينقى الثوب الأبيض مِن الدنس ..
اللهم أغدقهم ِمن نعميك وأجعلهم مستبشرين بِ الجنآن اللهم ولاتُحرمنا لقيآهم في جِنآنك ..



الفآضِل / سكروب لِ حروفكَ وقع على قلوبِنآ ..
أسعد الله روحاً تملكهآ ..

[أبو الوليد]

[align=center].





خاااطرة جميلة .. .. وكلمات رائعة ....!


سلمت .. والله يعطيك العافية


لا حُرمنا من كل جديدكـ المميز ....!



::

وفقك الباري

.. .. ومضـــــــــــــــــــــة .. ..

قال أحد الحكماء :
دواء القلب في خمسة اشياء :
قراءة القران بالتدبر ، وخلاء البطن ، وقيام الليل ، والتضرع عند السحر ، ومجالسة الصالحين .
وقالوا ايضا :أشدّ الأعمال ثلاثة :
إنصاف الناس من نفسك .
ومواساة الإخوان من مالك .
والورع عن المعاصي عند الخلوة عن عيون الناس .
[/align]