شباب السعوديه ..وشباب اليابان...موضوع جرئ

[(الغريب)]

[align=center]بسم الله الرحمن الرحيم [/align]


أكتب هذا الموضوع حزنا على شباب الدجة والزحف المتناثرون من الدمام شرقا حتى جدة غربا و من تبوك شمالا حتى

جيزان الحرية جنوبا .. شباب العطالة و البطالة ... المفتونين بالعراوي المعبث .. و بالورع الأحمر .. و فقع البيض على

ابناء الجالية الهندية أنا عارف ان الموضوع جرئ لكن الي موعاجبه يمسك الباااب


@#@ في الوقت الذي نسمع به أن عباد النار البوذيين اليابانيين يخترعون جهازا يكشف لك إذا في حولك أباليس و

جنانوة ( بيمشي سوقه مع السامريات هنا ) مع إنهم ما عندهم هالشغلات .. نشوف أن من أكبر إهتمامات فئة من

الشباب الزاحف هي كيفية العبث بالعراوي و الموستنق والكومارو . و أحسن واحد إللي يكتب جملة (NOS) .. و أقوى

واحد إللي مظلل السيارة كلها .. و أخلع واحد إللي فاك اللوح ... .. معليه ياشباب انا اتكلم من جد و مب جالس أستخف

دمي .. بالله عليكم ... وش هالفضاوة ذي!.. يعني بدل كل هالزحف والمسخرة!... يفكر كيف يخدم بلده!.. لا يخدم بلده!..

يفكر كيف يخدم نفسه في عصر الوظايف فيه صارت ما تعطي وجه!.. عسى مايصير الإشراف بفلوس بس @#@




@#@ في الوقت الذي نسمع به أن اليابان ماعندهم ولا برميل بترول ولكنهم اخترعو قطار يمشي على الكهرب و بدون

بنزين كأنهم يقولون لي بركوا البعارين على بترولكم .... وفي نفس الوقت وللأسف نرى أن من أهم إهتمامات هذه

الفئة من الشباب المهتمة بتعبيث العراوي و تركيع الصدامات

هذا كله من المدارس عندنا .... يكفخون الطلاب علشان يصلون .. أهم شي

الصلاة و يقصر ثوبه وإلا ما يعطون الواحد وجه!.. المفروض يقنعون الطلاب بأشياء أساسية في الحياة بالإقناع وليس

عن طريق التكفيخ اللي يخلي الطالب يعيش حياتين .. حياة المدرسة النموذجية خوفا من (الإرهاب) .. و حياة الشارع و

الزحف الميداني @#@






@#@ في الوقت الذي نرى و نسمع فيه أن اليابانيين لما يجيهم واحد شكله غريب عربي و إلا أوربي يكرمونه و

يعزمونه و يقدمون له السمك (صحيح انهم ما يطبخون) بس سنافية .. راعيين كرم ... ماعندهم حاتم الطائي ... شيم سوم

سينق قونق ناكاتا .. بس يعجبونك بالفلوس .. (ناس شايفين خير ) ... نرى أن متعة بعض الشباب هنا هي تفقيع البيض

في جبهات و على زجاجات سيارات الهنود!... يعني تخيلو معنا دكتور في الجامعة هندي يقول أنا رحت الدمام

أتمشى .... ما وعيت إلا واحد فتح قزازته و قام يحذف علي بيض ويضحك!.. وصخ السيارة وفشلني قدام المدام وولدي

الصغير! .. ليه ليه ليه ... الحين هذا لما يروح بلده والناس يقولون ياحظك كنت في السعودية البلد المحافظ و الأمان ..

بيقول لهم إلا بلد إرهاب العمالة!... يعني على فكرة الإرهاب ماهو جديد على الجالية الهندية!.. .. يعني أنا إللي هو أنا

شفت بعيني ولد عمره 11 سنة ... مع إن الوالد والوالدة فلسو و دخلوه مدرسة خاصة لكن ما في فايدة ... إكتشف إن

جيراننا في العمارة باكستانيين ... ماتجي 8 بالليل إلا طفى عليهم الكهرب !.. و إذا في دريشة مفتوحة حذف عليهم

حصى!... خخخخخخخخخخخخخخ والله ياجماعة الباكستانيين حطو على درايشهم خشب و صكو البلكونات و قرروا

مايشمون الهوا بسبة هالزاحفين هذول!...@#@





@#@ هذا إللي أشوفه في الشرقية .. مادري عن الغير لكن أنا أحس إن الشعب السعودي يمتلك نفس العادات تقريبا ..

يعني نوعية الشباب ذول معروفة مراحلهم ... حياة العبث والعراوي و فك اللوح و التظليل.. والله يعين @#@..

--------




يا بشر ياعااالم كلامي صحيح...؟؟

ولا أنا غلطاااان...!!

عطوني رايكم..؟؟

أخوكم


الغريب