| الطريقه والمقادير مع بعض | :
للقاعدة :
نطحن بسكوت - طحنت دايجستف -
ونضيف عليه زبدة مذوبه .
* ذوبي إصبع زبده وأضيفي نص المقدار على البسكوت وحركيه ,
إذا كان الخليط متماسك حلو , لو لا زيدي عليه من الزبدة لين يوصل لهالقوام :
بعد كذا جيبي صينية التشيز كيك وحطي الخليط بالقاعده وإضغطي عليها لين يصير مثل كذا :
وندخله الفرن 5-10 دقايق ونطلعه .
.
.
الحين نحضر خلطة التشيز ,
نجيب مقدار 600 جرام جبن فيلادلفيا ( يعني علبتين من اللي فيهم 300 جرام )
ونحركه بملعقة لما ينخلطون مع بعض .
الحين نضيف عليه نص علبة زبادي ونحركه شوي شوي لما يتجانس .
بعدها نضيف 3 حبات بيض .
نضيف حبه ونحرك وبعدين الثانيه وكذا ..
بعدين نضيف الفانيلا - تقريباً ملعقة صغيره - ,
أنا عن نفسي أخلط كل بيضه مع شوي فانيلا بعدين أضيفها على خليط الجبن .
ونحرك .. ونضيف عليها سكر مقدار 3/2 كأس .
لو تحبين حلاها أقل ضيفي نص كاس .
ونحركه بالملعقه لما نحس إن السكر ذاب ,
ويصير قوامها كذا :
الحين نصب الخليط في صينية التشيز كيك على طبقة البسكوت ونساوي السطح ,
ونغلفها من برا بقصدير عشان لما نسوي لها حمام مائي مايدخل الماي لداخل .
الحين نجيب صينية فرن أكبر من صينية التشيز كيك ونصب فيها ماي مغلي .
ونحط صينية التشيز كيك داخلها مثل كذا :
وندخلهم فرن مشغل مسبقاً على درجة حرارة 360 .
ونخليها لما تستوي .. نعرف هالشي لما نلمس السطح ونحسه متماسك وتكون فيه طبقه عازلة سميكه .
خذت معاي ساعه تقريباً .. يختلف هالشي حسب الفرن والكميه وحجم الصينية .
بعد كذا نسكر الفرن ونخلي الصينية داخل مانطلعها تقريباً نص ساعه ,
تكمل سوا , وتبرد على مهل .
لأن لو طلعتيها برا تبرد ممكن تتشقق ,
فخليها تبرد على مهل مع الفرن .
وبعدها دخليها الثلاجه .. الأفضل تقعد وقت طويل بالثلاجة .
سويتها الفجر عشان تاخذ وقتها بالثلاجه لين الليل .
بعد ما تاخذ وقتها بالثلاجه نقطع الفراوله للتزيين + نسوي صوص الفراوله .
صوص الفراوله سهل جداً وماياخذ وقت :
نخلط :
- نص كاس ماء
- 5 ملاعق كبيره مليانه مربى فراوله
- ملعقة صغيره نشا
- قطرات من ملون طعام أحمر - اختياري -
ونحطهم على النار لما يثقلون شوي بس .
نصب الصوص على التشيز كيك ونصف الفراوله المقطعه عليه .
أنا عن نفسي ماصبيته فوق التشيز كيك لأن مو الكل يرغب فيه .
فصبيته بصحن التقديم وحطيت قطعة التشيز كيك فوقه مثل كذا :
.
.
م/ن
المواضيع المتشابهه
العرض العادي
