نص مداخلة الأمير محمد بن فيصل على أوربت .... إدخل ... لا تفوتك ....

[القادم بقوة]

المقدم ... سمو الأمير القضية الأبرز قضية اللاعب جواد الزايري والأخذ والرد وأيضاً البيان الذي كان للإدارة الهلالية يوم أمس يعني يبدو أن لغة البيان كانت قاسية . حبذا لو تكشفون بعض الأمور تلك التي تتجاوز ما جاء في البيان ؟؟؟

أولا:ً أمسي عليكم كلكم وأمسي على الجمهور وأقولهم كل عام وأنتم بخير .
يمكن فيه أشياء ما كانت واضحة للجميع .. بيان نادي الهلال كان متعلق في أمور غير اللاعب كان متعلق بأمور من ضمنها الي كان في جريدة الرياضية اللي بكل أمانة واجهنا إنتقادات شديدة من كثير كلهم على حق إنتقادهم لاكن كنا نرى مصلحة الكرة السعودية و مصلحة المنتخب السعودي .

المقدم .. لماذا انتقدوا ولماذا هم على حق في انتقادهم ؟

الأمير .. لأن الأفعال تشهد على مر التاريخ فيه أشياء يمكن ما يكون لها إثباتات أوراق وأي شي مثبت، لاكن في أفعال وفيه أشياء واضحة للعيان

المقدم... مثل ؟؟

الأمير .. ما أحب أتطرق للماضي حنا نتكلم عن مشكلة اللاعب حنا تكلمنا ووضحنا أكثر من مرة حنا مشكلتنا ما هي مع نادي الاتحاد .. يعني فيه بعض الناس يربطونها مع قضية بشار عبدالله ومشكلتنا مع نادي النصر هذيك كانت منافسة بين ناديين على لاعب، صحيح إنه لاعب غير سعودي ولاكن فيه مزايدة من الناديين نجح أحد الناديين في كسب هذة الصفقة .

المقدم .. وأيضا قضية ياسر القحطاني

الأمير ... قضية ياسر وصلت لــ 50 مليون وأيضاً المفتي كان له تعليق على هذا الموضوع ولكن لم يكن هناك تعليق من نادي الهلال، أيضاً لو راح للإتحاد بنبارك لهم .. أيضاً أحمد الدوخي إنتقل من الهلال إلى الإتحاد وخميس العويران وكلها بطرق نظامية وهذا إحتراف .. نحن ما نتكلم عن المزايدة حنا واثقين إن نادي يماطل بنادي الهلال .. يعني أنت لم تفاوض أي لاعب يكون فيه مفاوضات انا موافقين وأرسلوا لنا خطاب أرسلنا لهم الخطاب ننتظر رد اللاعب .. فاكان فيه مماطلة طالما أن اللاعب وقع في 11 يناير وناديه أرسل نفس الموافقة لنادي الاتحاد في 10 يناير وحنا من يوم 8 يناير ونحن نفاوض نادي سوشو لم يتطرق لنادي الاتحاد أبداً ولو أنه من مصلحته أن يتطرق لعرض نادي الاتحاد حتى يكون فيه مزايدة حقيقة وتكون من طرفين إذا كان فيها مزايدة يعني حنا ما كنا على علم بمفاوضات نادي الاتحاد .. حنا كان عندنا بدائل المفروض يعلن يوم 11 يناير ان الاتحاد أنهى الصفقة أو على الأقل نادي سوشو يعتذر لنادي الهلال يقولون إن اللاعب وقع مع نادي الاتحاد .. بنكون أول ناس نبارك لنادي الاتحاد وهذا حق مشروع .. عندنا لاعبين آخريين نسجلهم وفي المنافسات تكون بينا وبين الكل واللي بيوفقه رب العالمين وهو اللي بيحصد البطولات .

المقدم ... هل تريد أن تقول سمو الأمير أن مماطلات نادي سوشو كانت بإيعاز من نادي الاتحاد لكي لا يتسنى للهلال تسجيل لاعبين في فترة التسجيل ؟؟

الامير... والله شوف ياماجد أنا ما أستطيع اني أتهم شخص بدون دليل ولكن فيه مؤشرات حنا نتساءل عنها يعني .. لما يكن توقيع النادي في 10 يناير وتوقيع اللاعب في 11 يناير هذي الأوراق من لجنة الاحتراف في الاتحاد السعودي .. لماذا ( والكلام لسمو الامير ) لماذا اعلان صفقة اللاعب ووضع عقود في تاريخ 12 يناير في جريدة الرياضية هنا السؤال !
لما تطلع للجميع ولـ الرأي العام توقيع عقود في تاريخ 12 يناير مع انه العقود الاصلية في 10 يناير وعقد في 11 يناير هنا السؤال.!

المقدم ... إذاً كنتم بدأتم في المفاوضات قبل نادي الاتحاد سمو الامير؟؟

الامير... من بدا المفاوضات من كسب اللاعب هذي مزايدة وهذي منافسة حنا ما نقول فيها شي لازم نكون واضحين لأن في بعض الصحف تناولتها من ناحية ان الهلال اعترض على المزايدة .. بالعكس حنا قد كسبنا صفقات بالمزايدة وقد خسرنا .. اذا كان توقيع الاتحاد في 12 يناير بالعكس كان هذي مزايدة ينجح فيها الاتحاد ويسقط فيها الهلال .. ولكن حنا كلامنا طالما انتهى اللاعب من التوقيع نهائيا في 11 يناير ليه هالتكتيم على اللاعب واعلان انه تعاقدنا مع لاعب اخر وكانوا فعليا يقدرون يتعاقدون مع لاعب اخر لكن ليه هذا التكتيم حتى المظرف اللي رفع للاتحاد السعودي كان مغلق آخر الدوام واليوم اللي بعده تطلع بالرياضية عقود بتاريخ 12 يناير مخالفة تماما للعقود اللي رفعت للاتحاد السعودي فيه مماطلة من لاعب صحيح ان اللاعب ما وقع لنا بالموافقة لانه موقع مع نادي اخر هذا لاعب اوربي كيف يوقع مع ناديين هو ان موقع مع الاتحاد لكن ماطل الهلال وبعد ناديه ماطل الهلال نحن نبحث عن حقوق نادي الهلال .

المقدم ... الهلال ما كان سريع بالحسم لأنه تلقى موافقة وبدأ في المفاوضات من فترة طويلة

الامير.... أخ ماجد الهلال كان يفاوض لاعب موقع يعني لو اعلن ان اللاعب انتقل لنادي الاتحاد وخطف اللاعب من الهلال وانتهت الفترة والهلال ما سجل لاعب في هذي الفترة تلام ادارة الهلال لكن ادارة الهلال كان عندها اكثر من لاعب وجاهزيين من ناحية الامور المادية ما هي عائق .. حنا مشكلتنا كنا نفاوض لاعب موقع يعني في 12 يناير كان اتصالنا مع وكيل اعمال اللاعب عن طريق الاستاذ أحمد القرون كان يقول ان اللاعب في المعسكر مايقدر يطلع يوقع اليوم نخليه يا في الليل والا بكرة الصبح بعدين نتفاجا انه موقع مع نادي آخر .. حنا كلامنا ليه المماطلة طالما ان اللاعب وقع وانتهى ليه هالمماطلة إلى انتهاء الفترة ؟ حنا كلنا اندية سعودية ما نتشرف بوجود هذا اللاعب اللي تلاعب بأندية سعودية. بكرة السماسرة بيستغلون منافسة اندية الهلال والنصر والاتحاد والاهلي وبيستغلونها في اشياء في نفسهم هذا حال الكرة السعودية ما هو نادي الهلال .. خلنا نتكلم بمنطق نادي الهلال ما هو خسران ان اللاعب ياتي لنادي الهلال او لاء .. حنا اعتراضنا مو إن الاعب انتقل للاتحاد حنا اعتراضنا لماذا المماطلة وليه ما يكون نادي الاتحاد واضح في عقوده اللي طلعت في جريدة الرياضية .

المقدم ... تصريح نقل على لسانك في صحيفة الرياض اليوم يقول رفع الايقاف عن المولد غير نظامي ونطالب باستثنائه ؟؟

الامير..لا حنا لازم نكون اكثر وضوح اسامة المولد الشي اللي فعله مثل ما صار لأكثر من لاعب وهلالي ايضاً فعل فعله عليها عقوبة النظام يحتم عقوبة عليه واقل شي وقفة شهرين او ثلاث او سنة على حسب ما يراه الاتحاد السعودي. الاتحاد السعودي طبق عليه النظام ولكن احياناً فيه امور اكبر من النظام مثل ان يكون نادي يمثلنا عالمياً لما يكون هذا لاعب محلي ومهم للمنتخب السعودي صحيح انه غلط غلطة ولاكن فيه احياناً امور نراها غير النظام يرى ان الموافقة والسماح له بالمشاركة هذا شي فيه فائدة للكرة السعودية وكان فيه فايدة لنادي يشارك خارجياً ويمثل الوطن خارجيا لابد من الكل ان يدعم هذا اللي كنا نقصده.

المقدم... بالنسبة للاستثناء الذي تتطلبون به؟؟

الامير... نادي الهلال الان نادي يمثل الوطن في نادي اسيا الصحيح النظام ان اللاعب موقع لنادي الاتحاد حنا ما قلنا شي حنا ما نعترض على توقيعة مع نادي الاتحاد حنا نعترض طالما انه وقع مع نادي الاتحاد في 11 يناير ليه المماطلة من نادي سوشو واللاعب إلى انتهاء الفترة وانا نادي امثل المملكة في بطولة اسيا انّا واخوانا في نادي الشباب لنا فرصة اننا نتأهل لكاس العالم.

المقدم ... جميل اذاً أردتها قياس ياسمو الامير

الامير ... نعم حنا قلنا في ان النظام عقوبة اسامة المولد ولاكن احياناً نرى الى ابعاد أخرى وهذا كان قرار صحيح لان النادي كان يشارك خارجيا ولاعب سعودي ايضاً يفيدني في المنتخب السعودي بالعكس هذا طلع من النظام لهدف اكبر .. انا نادي اشارك خارجيا انا حرمت من لاعب بي مؤامرة من نادي سوشو واللاعب نحتاج تحيقيق في الموضوع هذا بعد كذا تظهر امور كثيرة .

المقدم ... هل أنت نادم سمو الامير على مبادرة الرياضية في إذابة الجليد بينك وبين منصور البلوي ؟؟

الامير.... والله شوف خلنا نكون صادقين ما كنت اتوقعها ابدا كنت متاكد مئة بالمئة اننا بمجرد ما نخرج من مقر الرياضية ترجع الامور مثل ما كانت اول ويمكن اشين وهذا اللي صار انا ما اقدر اقول أخطأت فإذا الناس تعتبر إني أخطأت فأنا أعتذر للجمهور الهلالي ولكن كان لنا هدف هو المنتخب السعودي وان تكون بين الجماهير وفاق وتكاتف وهذا اللي أهلنا لكاس العالم. لو لاحظنا تصفياتنا في كاس العالم كان من الجميع تكاتف من لاعبين وروابط الاندية ومن رؤساء الاندية والحمد الله وصل المنتخب. كان فيه حماس وكان فيه روح والحمد الله النتائج كانت غير مسبوقة على مستوى التصفيات هو في أن نتأهل بدون اي هزيمة... هذا اللي كنا ننظرله لكن للأسف اذا كانت المنافسة بتكون بهذه الطريقة حنا أيضاً نستطيع ان ننافس بهذه الطريقة.

طلب المقدم من سمو الأمير البقاء والإستماع لوجهة نظر منصور البلوي ولكنه أغلق الخط