مطلق النومسي يوجه قصيدة لخلف المشعان وعنزه............!!!!!!!!!!!!!

[عبدالله الثابت]

القصيدة الرائعة للشاعر الكبير مطلق النومسي..والتي يساند

بها أخيه وصديقه المقرب خلف المشعان والذي سيبدأ هذا اليوم المرحلة الثانيه من شاعر المليون...


.




وإليكم قصيدة شاعرنا المتألق ابوفهد...
.





ما هو عشان يقال مطلق قال من عرض القصيد

ولا هو عشان الفشخرة والجعجعـة ومـاورا

ولا هو عشان اشوف ضحكة زيد وخية عبيـد

ولا هو عشان ادخل بلعبـة بيـع والا مشتـرا

الا عشان الـدم والنخـوات والعهـد السديـد

ادروبهـا واللـي درا يعلـم اللـي مــادرا

ابوي رباني على الفزعـة وانـا تـوي وليـد

يقول ابن عمك ذراك وصـر لبـن عمـك ذرا

واليوم يالويلان خلونـا نتكاتـف مـن جديـد

لـو ان جـرح قلوبنـا تـوه جديـد ومابـرا

لعيون ابو موسى نبي نضرب بكفٍ من حديـد

وحنا بضرب القوم معنا عرف طيـب وخبـرا

نبي نزلزل شاطئ الراحـة وداره مـن بعيـد

ونخـلـي الـعـالـم ورا ورا ورا ورا ورا

حنا هل البيرق وبيت الحرب والصيت المجيـد

اقولها والعين تنظر فـوق والصـوت جهـرا

قوموا عسا يفداكم الرعديـد ابـو عقـل بليـد

هذي مداحم روس ماهي بس لجنـة وشعـرا

يوم انها بمصادم الفرسـان مـا عشنـا عبيـد

عشنا ملوك وفـرق مـا بيـن الثريـا والثـرا

والحين بس رسالة الجـوال والمبلـغ زهيـد

ليا التزم كـل عنـزي والـدم بعروقـه جـرا

وانا ادري ان عيال وايل ذخر لليـوم الشديـد

ابشر بعزك يا خلف مشعـان وعيونـك تـرا

شوف عنزه لجلك لها شهريـن عيـت لاتهيـد

وتقول حنا معك بين النصر والمـوت اخشـرا

فلا تضايق لا عدمتك واشعل الساحـة قصيـد

اترك لنا التصويت والجوال ما يمسـك سـرا

وانا خويك محزمك درعك عضيدك يالعضيـد

ما غيب عنك وتدري ان مطلق خلي من المرا

ذي لحيتي لعيون نوت وشاربي موسـه بعيـد

واللحيـه اللـي مـا تعـزا اشنابـهـا (.......)






مطلق النومسي


تحياتي

[داعــ العين ــج]

هــلا بك


عبدالله الثـآبــت



صـح لسـآن الشـآعـر / مطلق النـومسي



قصــيدة رائــعــة



والله يعـطيك العـآفية

[عواد العنزي]

صح لسان مطلق

ولاهنت على النقل ياعبدالله

إحترااااااااااااااااااامي

[ظنا وايل]

عبدالله الثابت




كل الشكر لك



على هذا الطرح الحماسي


كيف لا وهو مطلق وهي عنزه






شكرا مرة أخرى

أبـــو بـــارووود, أبو عبدالعزيز, أبو فهاد, محمد البجيدي, أحمـــد, لـــيـــه؟؟؟, مكسرات, الرويشد, الزعبي, الزنكلوني, النورس*, ابو خالد111, برشا برشا, بنـ السعودية ـت, ح ـــــيرتني, داعــ العين ــج, leeds boy, msk_200, سلام عليكم, سامي الشمري, صقروووري, عاشق المادة, عبدالله الثابت, عيسى بن راكب, عشق الشمال, عشقي الخفجي, عواد العنزي, نايف, ناصر الشمري, ^-^ كوول


اشكر كل من مر من هنا

[ابو رغــد]

الله يوفق ابو موسى ...



وصح الله لسان ابو فهد ولسانك يالثابت ...



مع اني غير مقتنع بمصداقية هالبرنامج ....

[موسى الشمري]

والنعم من الويلان كلهم

وصح لسانك يامطلق

وخلف شاعر قبل وبعد المليون
يكفي انه حاز على اعجاب الجماهير

اما شاعر المليون فهي لو بالتصويت كانت بسيطة
لكنها والله لعبة ومسرحية هزيلة
تعاد بعد ان تمت البروفة في الخفاء

شكرا لك
ودمت بخير

[المنصف]

خوش قصيدة .

[ماجد منيف]

قوموا عسا يفداكم الرعديـد ابـو عقـل بليـد

هذي مداحم روس ماهي بس لجنـة وشعـرا

يوم انها بمصادم الفرسـان مـا عشنـا عبيـد

عشنا ملوك وفـرق مـا بيـن الثريـا والثـرا



انا اشهد انه صادق ولله درهـ على هذه الجزله
والتي تبث الحميه في النفس


وانا عتيبي مسكت جوالي وانا اقرا القصيدهـ
ويستاهل خلف
وتستاهل عنزه كلها



مشكور على النقل يالغالي