السلام عليكم ورحمة الله وبركاته ،،،،،،،،،،،
قمّة الإبداع .. من شاعر يعرف لغة التميز والإبداع ..
قصيدة ولا أروع .. اعجبتني .. وحبيت انقلها لكم ..
[align=right]
حزين اي والله ان قلبي حزين وخاطري مكسور
...........................مثل ماقال بن قضعان مره يابحر جده
انا اشهد والله اللي يعلم المكشوف والمستور
...................... إلين الحزن مابين الحنايا بالغ حده
حزين ولاني اللي تحزنه غيدا سواة الحور
…………… ومن يحزن لفرقا الغيد الا لارحم ابو جده
انا حزني على بذر الجمايل بالقلوب البور
.................... وهي جرد وعرايا احساس لاهاته ولا وده
مداهيل النفاق وحاويات للرداء والزور
……………. واساس العنجهيه والعبث واللهو والرده
تحركهم مصالحم كما تحريك باب الدور
………………….. ليا خف الهوا وقف ولا هب الهوا لده
على العادة لهم مبدا يعدونه لهم دستور
.............................. اذا منته مع الواحد اكيد انك مع ضده
انا حزني على موت الضماير في زمان الجور
…………………. وعلى بيع الذمم في ساحة اللي تاجده مده
وعلى قصر الوفا اللي كان باول شامخ معمور
…………………….. مراويده رجال يمسكون السيف من حده
لكنه صار في هالوقت قصر بالي مهجور
……………مايرتاده سواء ناس مقاريد ومنحده
احد يدخل مع بابه واحد قفز جدار السور
…………… واحد يرتاح في ظله ولامن جا المسا هده
الى هالحد ياقصر الوفا ماعاد غورك غور
............................. الى هالحد غورك يسبره منقال له يده
الى هالحد مظلمة دروبك عقب هاك النور
................... اجل ماهي غريبه تنهدم هيبتك في مده
واذا باكر لقيت العرف داخل ساحتك منحور
.............. لاتستغرب وقل من هان تسهل عنده الشده
انا ياوين ابلقا لي خوي للوفا دكتور
...................يشاركني عنا سدي ويطلعني على سده
خوي مايتغير لو يمر دهور عقب دهور
...................... ليامن قفت الدنيا ولامن جات مرتده
على النوبات والا الضايقه والا على الميسور
................ يجي ثوبه على قدي وأنا ثوبي على قده
ولامن عقدت الاشوار يفتلها صليب الشور
................. بشور تنتهي عنده الأمور وينهي الصده
هذا والله مكانه من وراء عالي حنايا الزور
.............. عسى عمره طويل وجعل حزني فيه ماعده
وأنا ماجرني للحزن والا الحزن بي محفور
……………. سوى فقد الرفيق اللي بلاي اغليه واوده
ولا خلاك يادمع الشقا متحدر منثور
...........................سوى دمعة يتيم شفتها تنثر على خده
أبصبر والمعين الله ياصبر ايوب يالمذكور
.................ياصبر ايوب صبرك صبر لامثله ولا نده
تصبر غصب ياقلبي ترى سعي الصبر مشكور
................وباب ينفتح لك منه حزن بالصبر سده[/align]
الشاعر : ناصر علي الحارثي (( هداج ))
المواضيع المتشابهه
العرض العادي
