قم إنت وياه عن الصدارة .... واتقوا شر الزعيم إذا غضب .... !!!

[أبو فهاد]

ـ
ـ
ـ
ـ
ـ
ـ
ـ
ـ
ـ



بصراحة ... مقالة أعجبتني لأحد زملائي وقلت أنقلها لكم ...






أزعجت مسامعكم وانا أقول بعد كل مباراة: مبرووك الفوز .. مبروك الثلاث نقاط ..

هالمرّة أسمحوا لي أغيّر .. وإن بغيتوا لا تسمحون .. أقول :


مبروووك الصدارة .. ألف تريليوون مبروك على الصدارة .. عدد شعر رؤؤس شعب الصين مبرووك كما قد قلت في بطولة سابقه ..


كل ما سبق .. ضعوه بين قوسين واكتبوا فوقه مدخل ..


---------------------------------

المباراة :-

على طريقة : لا تجس نبضي ولا أجسّك .. افتتح الهلال المباراة هجوم قوي ..

فتّحنا وغمّضنا وإذا بالنتيجه جوز أهدااف ----> صرّف عمرك ياشريطي الحمام تراك في منتدى


هدفين ولا أجمل .. كل واحد يقول للثاني : ياشيخ اقلب وجهك والله اني أزين منك .

ويبدو أن السلقة البرازيليه جلسون لا يعرف يلعب كرة قدم إلا خارج الرياض ..

لا ومن زين الطبايع يفصخ " الدسوس " مسوّي بيخترع حركه جديده .. لكن ما عليه حلوووة ..

الشوط الثاني على نفس حركة الشوط الأول .. هدفين آخرين مباغتين .. ولا أجمل ..

أعجبني ياسر وهو يستفيد من أخطائه السابقه: لم يتفلسف ولكن وضعها عنيفه سمعنا صوتها في الشبكة ونحن في نجد ----> كثر منها ياالنصاب


ثم نزل الجمعان والنمسااوي ( وش رايكم باللقب ) .. وجاء الخامس كأعلى نتيجه هلاليه من أيام الدرك الجيبوتي أعادها الله


هلال لم أشاهده منذ زمن .. هلال هجومي .. هلال يدافع جيدا ويقتل عندما يشن هجمته ..

هلال منظبط .. لعيبه متنااغمه .. خاصه في خط الوسط ..

لا أنسب الفضل لإلكسندر كله .. ولكن أعتقد أنه أبان عن تكتيك جيد ويحتاج صبر كما صبرنا على الداهية الراحل ----> ياشيخ فال الله ولا فالك زيّن كلامك


----------------------------

هلاليات :

** استراح الخصوم من رحيل الفيلسوف العبقري يوسف الثنيان ... لكن لأ أعتقد أن راحتهم طالت..

فالفيلسوف الصغير محمد الشلهوب سيجعل البعض ينتظر عام 1433هـ كي يستريح تماما ..


** التزمت الصمت وأنا أرى بعضنا يطالب بكاندينيو .. من هنا أقول :

إن حضر كاندينو المتشبع بالالقاب فهي أم الكوارث .. هذا الأخ كاندينو فلسفته أكل الدهر عليها وشرب ..

يعتمد على مبدأ : اهجم ثم اهجم ثم اهجم .. والدفاع لا تسألني عنه ..

الكرة الآن تغيّرت .. الدفاع خير وسيلة للألقاب وليس الهجوم فقط ..

إن كان كاندينو هو القادم حقا فأتمنى أن تعطى الفرصه لالكسندر لأني متأكد أنه يفوقه في الفكر الكروي المعاصر ..



** غاب تفاريس فماذا تغيّر؟؟ سؤال وجّهوه لبعض الفرق التي تعتمد على أجانبها ثم أجانبها ثم على المحليين !!



** عبدالله الجمعان والله إني أحبك وأعرف موهبتك .. بس تكفى طلب صغير من أخوك اللي تعزّه ويعزّك :

لا شفت اثنين متلاقطين ويتهاوشون .. اطلع منهااا .. يرحم والديك ابعد عن المشاكل .. ترى فيه ناس قاعده لك على الوحده وتحتري منك الزلّه..

تكفى يا بو عابد لا تردني .. ابعد عن الشر يا ادريانو الهلال وغنّي له ..

طلبتك لا حسّيت انك معصّب وحمقان .. طلّع حرّتك في الشبكة ترى عندك رجل يحسدك عليها روبرتو كارلوس ماشاء الله ..

هاااه وش قلت ؟؟ ايه كذا أبيك.. فديتك والله يا شااطر براافو عليك ----> أمّا ذي جمعان وبرافو ياشاطر


** في الرياض ترسوا السبعين ألف مقعد .. في الدمام ملأوا استاد الشرقيه ..

في حائل سوّوا زحمه بالمدرج .. المدينه تشهد لهم كيف عملوا في مدرجاتها رقم قياسي ..

في الرس جعلوا المنظمين يخشون على المدرج من الانهيار .. والبقيّه تأتي .. هذي جماهير الزعامه..

ثم يأتيك صحفي ملحوس وقاضي ويقول : الفريق الفلاني هو الشعبيه الاولى !!

يا شيخ طييير من مخّي .. الهلال رقم واحد واللي بعده أي وااحد



** أعطوا الحر فرصه .. الكسندر أحس أنه يجي منه .. يكفي أنه تتلمذ على يد باكيتا ,,

هزم النصر بالصغار .. وأوصلهم للنهائي فماذا سيفعل مع الكبار ونجوم الذهب ..

الإجابه متروكه للزمن .. فقط انتظروا ----> أجل ليش تهذر من الصبح


----------------------------------------------------


همسه رومانسيه :
غدا لا تستغربون أن رأيتم ليموزين في العريجاء ينزّل باكيتا ويطلب الكسندر ...

وحساب الليموزين على الاتحاد السعودي لكرة القدم ّ!

أقول لا تستغربوون .. من جد يسوونها الربع عندنا


-----------------------
فـلـقـة :

شبابي كنت أو اتحادي .. أو أهلاوي وإن شئت نصراووي .. لا يهم ..

المهم أن تقوم عن الصدارة .. وترركها لصاحبها ..

كما يفعل الصغار عندما يقومون عن صدر المجلس ويتركونه للشيخ المهيب ..


إحم أحم .. وين العشااء ----> سمع ان فيه عزيمة

آسف للإطاله وهذه ظغطه على نشر الموضوع ..



















يا الحبيب ليش مستعجل .. لحظه .. خذ هذي:

مبرووك الصدارة ..

















الحين أطلع بكيفك



كاتبي المفضل ابو سارة في جميع المنتديات الرياضية

تم تم ..