الطير والمقناص

[محمد الرويضان]

[align=center][align=center]بسم الله الرحمن الرحيم

الطير والمقناص

[bimg]http://toraath.jeeran.com/equ04.JPG[/bimg]

[bimg]http://toraath.jeeran.com/00sqr.jpg[/bimg]

[color=#0000FF]
طبعي هواوي واعشق القنص والصيد === واطرب ليا فاح النفل من عباتي
واجلس مع القمرى بليل التساهيد ==== واشب ناري ثم ألوح عصاتي
واقرب دلالي على النار من حيد === دلال أبويه دايمٍ من سواتي
واترجم أحساسي على صفحه البيد === وأرتب بيوتي بكيفي وذاتي
واجيب سامر وألعب الشعر وأعيد === ولا حان وقت الفرض أصلي صلاتي
وأستغفر الله وطلبه كل ما أريد === راحت ضميري والصبر والثباتي
طبعي هواوي واعشق القنص والصيد === من خلقتي وهذي مسيرة حياتي
الشاعر محمد الفريدي


القنص بالصقور
تعتبر هواية القنص والصيد بالصقور من الهوايات المحببة لدى الكثيرين من أبناء جزيرة العرب قديما وحديثا وقد شغف بحبها الكثير منهم فأصبحوا خبراء في هذه الهواية، وقد قيل الكثير من الأشعار والقصائد الدالة على مدى محبتهم لهذه الهواية ومدى حبهم للصقر الذي وصف بقوته وجرأته فحول الرجال في قصائد المديح وشبّهن الجميلات من النساء بلونه وجمال عينيه في قصائد الغزل، وقد ازدهرت تجارة الصقور وأصبح لها العديد من الأسواق والمزادات الخاصة بها نظرا للإقبال الشديد على هذه الهواية خصوصا من الأغنياء والأمراء والشخصيات الكبيرة، وتعتمد أسعار الصقور بشكل رئيسي على مواصفات الصقر من حيث النوع واللون والحجم ويصل البعض منها لأسعار خيالية خصوصا إذا كان (وحش) أي غير مستأنس


موسم القنص
يعتبر موسم القنص والصيد بالصقور من المواسم التي ينتظرها هواتها بفارغ الصبر حيث يتم قبلها عمليات تجهيز وتدريب الطير للقنص والصيد وهو ما يسمى (نقلة الطير) أو (شلة الطير) وتكون في فصل (الصفري) حيث يتم فحص الطير بعرضه على الطبيب المختص أو من خلال وزنه للتأكد من سلامته وعدم تعرضه للأمراض أثناء ربطه أو شبكه وينصح أن يتم تجويعه تدريجيا كي لا يفقد وزنه ويكون عرضة للإصابة بالأمراض

ويبدأ موسم القنص بالطير من شهر أكتوبر ويمتد إلى نهاية شهر أبريل أي من بداية الوسم وحتى نهاية فصل الربيع وهي فترة عبور الطيور المهاجرة فوق الجزيرة العربية خصوصا طيور الحباري والكراوين، ومع نهاية موسم الصيد والقنص يتم ربط الطير أو شبكه ثانية ويستمر ربطه إلى ما يقارب الستة شهور وهي فترة (القرنسة) أي عملية إستبدال الريش عند الصقور حيث أنه في هذه الفترة يبدأ الطير بتبديل ريشه وهو ما يطلق عليه مسمى (يقرنس الطير) ومن المستحسن أن يظل الطير مبرقعا طوال الوقت ولا ينزع عنه البرقع إلا على يد صاحبه ويجب الحرص على عدم تعرضه للبرودة الزائدة كما يجب الحرص على طعام الطير وخلوه من العظام الدقيقة وفصل رأس الحمامة ورقبتها قبل إطعامها للطير لأنهما مسببان رئيسيان لمرض الصرع الذي يصيب الطيور، كذلك يجب المحافظة على نظافة الدس وسطح الوكر


أنواع الصقور
للصقور سلالات وأنواع عديدة وتختلف أنواعها باختلاف سلالاتها وهناك ما يقارب السبعة عشر سلالة تختلف كثيرا فيما بينها من حيث الحجم واللون والقدرات، ولكل فصيلة منها هناك (نادر ولزيز ومحقور وتبع) والفارق بينهم ضئيل جدا ولكن الصقارة يستطيعون تمييزها والتفريق بينها وذلك من خلال حجم الرأس أوالأيدي أو المنقار، وغالبا ما تبيض أنثى الصقر أربع بيضات
وهناك فرق بين الحرار والشياهين فالحر الأصيل صافي العينين بدون مدامع وظهره صافي غير منقط ويعتبر تدريبه صعبا جدا خصوصا النوادر منها ولكنه يمتاز بأنه أكثر تحملا للظروف الشاقة وتقلبات الجو وأقوى مقاومة للأمراض والجوع من الشاهين كما أن ريشه أقوى من ريش الشاهين الذي يعتبر ريشه رقيقا مما قد يسبب له مشاكل صحية في الريش أثناء فترة تبديل الريش القرنسة فتجعله غير صالح للصيد، ولكن الشاهين يمتاز بالسرعة الفائقة والخفة الكبيرة وتدريبه لا يحتاج لوقت طويل كما أن سعره أقل من سعر الحر

والحرار تتفرع إلى أنواع رئيسية منها
الحر الصافي وهو الذي يكون خاليا من السواد (الدعوج) في الوجه وخاليا من النقط في الظهر والذيل (الشليل) وهو الأفضل نوعا والأغلى سعرا
الحر الفارسي ويفرق عن الصافي بوجود نقط في الذيل (الشليل) أكبر نوعا ما من الصافي
الحر الشامي ويفرق عن الصافي والشامي بوجود رش نقط خفيفة في أسفل الظهر، والشامي والفارسي متساويان في الأفضلية والسعر تقريبا
الحر الجرودي يحمل نقطا واضحة على الظهر ويخلو من السواد أو الدعوج في الوجه
الحر السنجاري وهو الذي يميل لونه إلى السواد
الحر الوكري يميل لون رأسه إلى اللون الأحمر وصدره يميل إلى البياض وظهره أسود
الجير وهو موكر يتميز بالسرعة الفائقة وأصبح يهجن مع الشياهين لانتاج صقور سريعة جدا
الشمالي وهو لا يصنف مع الحرار ويقال له وكري شمال وهو كثير السواد أو الدعوج في الوجه ويحمل نقطا كثيرة في الظهر

والألوان الرئيسية للحرار هي
الأشقر والأشعل والأحمر الصافي والأحمر المجهم
وأحجامها ثلاثة أحجام هي : وافي ومثلوث وتبع

أما الشياهين والتي غالبا ما يرمز لها باسم مؤنث (شيهانه) وذلك لصغر حجمها مقارنة بالحر ومنها الفارسية والتركية والمصرية وتعتبر الفارسية الأفضل

والشياهين بشكل عام تنقسم إلى نوعين
بحرية وهي غامقة اللون ولا تحمل نقطا في الظهر أو الذيل الشليل
جبلية وهي التي يكون لون رأسها وصدرها أحمر والصقارة غالبا ما يفضلون البحرية على الجبلية
وأحجام الشياهين ثلاثة أحجام هي: وافية ومثلوثة وتبعه

[bimg]http://toraath.jeeran.com/0sqr.jpg[/bimg]

[bimg]http://toraath.jeeran.com/2930.jpg[/bimg]

[bimg]http://toraath.jeeran.com/fal32.JPG[/bimg]

[bimg]http://toraath.jeeran.com/12.jpg[/bimg]

هجرة الصقور
للصقور هجرة شأنها شأن بقية الطيور فهي تمر عبر وسط وشمال جزيرة العرب ومن جنوب شرق سوريا والعراق والكويت وشمال المملكة العربية السعودية قادمة من روسيا وشرق أوروبا حيث يبدأ عبورها في رحلة الذهاب من أواخر شهر سبتمبر ولغاية أوائل شهر ديسمبر متجهة إلى أفريقيا ثم تعود في رحلة الاياب التي تبدأ من أواخر شهر فبراير ولغاية نهاية شهر أبريل ويتخلف منها الكثير في مناطق العبور، كما أن للرياح تأثيراً كبيراً في تغيير مسار عبورها، وتعتبر الصقور التي تمر بمنطقة الجزيرة العربية من أجمل وأفخر أنواع الصقور


الصفات والطباع الطيبة للطير
الصفات والطباع التي يفضلها الصقارة في الطير الانتباه والحذر الشديدين والطلع الصحيح على الصيد، والركود وعدم الكفخ بكثرة، وعدم الحوم، وقلة الصياح، وسهولة إلباسه البرقع


المستلزمات الخاصة بالصقر
المستلزمات التي يحتاجها الصقارة وأهل القنص هي الدس والوكر والسبوق والبرقع والجرير والنقل والملواح والمرسل والشبكة


أنواع الصيد
أنواع الصيد التي يبحث عنها أهل القنص فهي الطيور البرية ومنها الحباري والكراوين والقطا والحمام المطوّق والحجل الرملي والدجاج الحبشي والسمن والبط البري وغيرها من الطيور والأرانب والغزلان


=============

المصادر بتصرف

بعض الأصدقاء من الصقارة
مقالات منشورة في موقع النداوي الشعبي
بأقلام الأساتذة
عبدالله ماجد المنصوري
ناصر بن عبيد المري
فهد رفاعي
[bimg]http://toraath.jeeran.com/sayd12.jpg[/bimg]

[bimg]http://toraath.jeeran.com/0302.jpg[/bimg]

[bimg]http://toraath.jeeran.com/56.jpg[/bimg]

قصائد الطير والمقناص
مقتطفات من أشعار القنص

دار الشمال وسرني يوم داره === بعد البطا وانا اتحرا لها دوم
عقب الرطوبه والندا والحراره === هب البراد وبشر الوسم بغيوم
في موسم نرجي بشاير اخباره === نفرح ليا جتنا مكاتيب وعلوم
الشاعر الشيخ عبدالعزيز سعود الصباح


بكره ليا ذعذع براد الصفاري === القيض راح وقربت هدة الطير
قرب هداد مصخرات الحباري === اللي لهن عند اهل الصنف توقير
بأتلى شهر عشره وذيك المحاري === يا كثرهم دوار برق الدواغير
الشاعر شبيب المطيري

يا مرحبا بسهيل جتنا لياليه === عسى علينا كل عام يعود
وقت نحبه والصقاقير ترجيه === ونعد له في كل يوم اعدودي
الشاعر سمير الهرشاني


يا زين هد الطير في وسط غابه === اما طلوع الشمس والا الطفيليل
ان شاف له جول تدراج عثابه === جايع وشفقان على شوفهن حيل
الشاعر سمير الهرشاني

وهذه الأبيات تعبر عن وقت الصيد حاليا واوضاع الصقاقير
يا بو خليفه خل عنك الجماهير === درب الصقاره والقنص سد ريعه
يا دعيج مافي البر كود الخواضير === هن وام سالم قوعهن قطيعه
الشاعر مرشد البذال


اليوم قل الصيد من كل الاوطان === زود على قل الطيور وغلاها
آخر زمان ناقل الطير تعبان === يبحث خفايا صيدة ما لقاها
الشاعر سمير الهرشاني


يا بو سعد يوم المقانيص والصيد === رحنا وجينا والمقانيص حلوات
واليوم منع وقل الصيد وتلايد === قد قلت في ما فات مامن طهامات
الشاعر عايش الجويسري

[bimg]http://toraath.jeeran.com/111455.jpg[/bimg]

[bimg]http://toraath.jeeran.com/111477.jpg[/bimg]

الطلح
شاعر المقناص الشاعر العذب حمد السعيد يناجي في هذه القصيدة شجرة الطلح علها تساعده في العثور على طيره الذي فقده اثناء المقناص ويتضح من خلال هذه المناجاة مدى الحب والعلاقة الوطيدة بين الصقار وطيره

قال حمد
يالطلح ما مرك مع الصبح صافي === طير غدالي امس والشمس حيه
اتلا العهد به راح يطرد مقافي ==== خابريبه اومى في جناحه هنيه
رد الطلح
لا والله إلا مرنا العصر وافي === كنه غلام مستغيرن بهيه
اقبل علينا ثم اخذ بإنحرافي === يوم الحباري وقعن له سويه

قال حمد
يالطلح قلي عل مابه خلافي === البارحه برد وشمال قويه
كانه تعشا قلت عله عوافي === والحي يجمعه الولي مع خويه
رد الطلح
لا والله ألا صاد خربٍ امتعافي === واخذ عليه من الثنادي شويه
لا مفلسٍ مره ولا قال كافي === يوم اخلفنه عن عشاه احقبيه
قال حمد
خابره والله قاطعٍ ما يخافي === دايم على الصيده تجيله حميه
انشدك باللي منبتك بالسوافي === عساه في خيرٍ ولا فيه سيه
رد الطلح
خبري به اقرش في سبوقه خلافي === مابه بلا وامرح على هالحصيه
والفجر شخّص بالنواظر وشافي === طلعه بعيد ويمته ساحليه
قال حمد
يالطلح ذا حبه ولاهوب خافي === متعادلٍ حبه بحب البنيه
بعض الطيور ان راح قلنا عوافي === لاشك هذا وين ابلقى حليه
رد الطلح
اتعب عليه وعادة الحر يافي === اضرب سهلها والوعر والشغيه
يجيبه اللي رازقٍ هلعجافي === بهايمٍ تمشي على غير نيه
قال حمد
يالطلح لك مني يابو غصن ضافي === لا جابه الله وكل نيه مطيه
لاجيك انا في موتر القش هافي === واسقيك هاللي باقي بتانكيه
واطى على رملة سوافيك حافي === وكلٍ على ما قيل يذكر خويه


هدية السامر
شاعرنا حمد السعيد لم يعثر على طيره وحزن كثيراً لفقدانه وكان كل مايتمناه هو أن يكون ذلك الطير في حالة طيبة وغير جائع ولم يؤثرفيه البرد فانتشرت قصيدة الطلح انتشارا واسعا وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر حيث يقول

يالبازعي طيري طلع مثل راعيه === زولٍ وفعلٍ والمواري تشابه
بالطلع موقف ما لقي من يماريه === عساه يسلم سيدي يوم جابه
له ماكرٍ في بر فارس محاريه === كني اشوفه يوم خاطوا قطابه
صفاة وجهه مع شدوده توديه === ضمن الحرار ولا وراها طلابه
النادر اللي يوم عزمت اسميه === سميته السامر واشوفه زهابه
ليا قفيته شفت دقٍ محنيه === وليا نطحته من عيونه تهابه
كن الثريا في قواطي مواميه === ابيض نحر كنه يشع الضوا به
هجرٍ قصيرالساق جبره ثناديه === وله عاتقٍ يعطي شموخ ومهابه
ليا مسح وجهه ونهض مواطيه === يطري علي اللي عزيزٍ جنابه
به من طبوعه مشبع اللي حواليه === وماخذ من طبوعه ليان بصلابه
وجهه ليامن صاد يشبه محاليه === لا بشر بضيـفٍ وردد هلا به
لا تل سبقه قلت يا طير لبيه === واقفى وكني كاسبٍ به ثوابه
وجاهن وهو كن المنايا تباريه === زيزوم قوم وفزعوه القرابه
اللي معه بالطلع ما عاد يمديه === ياصل مطاليعه وهو ما درى به
من عادته برق الدواغر مداميه === في صيدته الطير غمقٍ صوابه
ليا ضرب ما وافق الضرب يفريه === كن بيمينه من سيوف الصحابه
ينقى كبير العرف ما هـو يخليه === من خيشة قدمه نهبها نهابه
يا سعد عين اللي قنص عانيٍ فيه === طيرٍ وماخذ من طبوع الذيابه
لا صارت الدعوى عناد ومشاريه === إخذه وكنك ماخـذٍ معك لابه
الطير احبه حيل من حب راعيه === عبد العزيز اللي عزيزٍ جنابه


الشيح
هذه قصيدة أخى لشاعر المقناص حمد السعيد وهي بعنوان الشيح ، والشيح نبات ربيعي له رائحة زكية ينبت في السهول والفياض ويستعمل لعلاج بعض الأمراض ويشرب مع الشاي أو يشرب لوحده، وهاهو شاعرنا العذب يناجي هذه النبتة بأسلوب رائع وجميل في لحظات وداع عند نهاية فترة المقناص والعودة للديار

يقول حمد
ماجيت منك وخاطري فيك يالشيح === ما جيت منك الا وانا خالصٍ منك
طرت على قلبي طواري المراويح === للديره اللي شوفها يعوضني عنك

قال الشيح
الله اكبر كن مالك مساريح === بفياضنا ذي جرتك ذا تفننك
ماكن مريتوا قنوصٍ مصابيح === من كثر صيدي عقب الامحال مسمنك
قال حمد
ودعت بك ربعٍ كرامٍ مفاليح === بعيونهم عشقٍ قديم لمواطنك
وانا دموعي مثل دمع التماسيح === يا موطني يالله عسى الخير يسكنك
قال الشيح
يرزقني اللي منشي السحب والريح === وبلٍ يخلي كل روضٍ يجننك
واللي قعدوا عندي عساهم مرابيح === فقعٍ وصيدٍ وانت يالعجل ما أرعنك
قال حمد
يالشيح دوك ايدي شهبٍ مجاريح === من قو بردك نشعلك ثم ندفنك
ولالقيت بك الدفا وهبة الريح === كم ليلةٍ ازرت ظلوعي تزبنك
قال الشيح
مثلك يبي رمثٍ وبيضٍ صحاصيح === ياذا المسافر تو بينت معدنك
روح وباكر لا لفيتوا مشافـيح === والله لادسس كل ما تشتهي عنك
قال حمد
يالشيح ما قصدي ملل يوم انا اصيح === يالشيح شوق لديرتي وانت ما ازينك
يطري علي (خالد)عقب وقفة الريح === واهل دمعٍ لو تحسه يحزنك
انا اتحضن وهم وافز واطيح === وانت السحاب وكل نجمه تحضنك
[bimg]http://toraath.jeeran.com/abdulaa.jpg[/bimg]

[bimg]http://toraath.jeeran.com/meqnas1.jpg[/bimg]

ملتاع
ما لملتاع في فعله ووصفه نظير === آخذٍ كل ميزة بالوفا والتمام
لو بغيت آصفه الموصف يحير === منوة اللي بقلبه للصقارة غرام
لا صغير ولا بالوصف عبج كبير === كنه مفصلٍ بالزين تفصيل خام
أفدعٍ محدبٍ متسندٍ مستدير === وافي الطول واف العَرض جبر العظام
وارد الوجه وكراعه جلالٍ قصير === واخذاتٍ كفوفه من كفوف الغلام
والسراويل كاسياتٍ اسبوق الحرير === افجحٍ كنه اللقاي وزن المقام
في قحوفه سنا عينه سنا نار كير === فاصلاتٍ بياض الراس مثل الوشام
ولاش ظني مثل بوزه ولا بوز طير === والمناكب تزايمها الثنادي زيام
مكتسٍ من دقاق الريش شين يسير === خُف ريش القطا بالوصف وألا الحمام
والظهر يطرد به مثل موج الغدير === والنحر بترةٍ مطليةٍ بالرخام
وغير الوصاف له فعلٍ يشوق النظير === لا درع فالذهيب اللي عليه الكلام
لا قنص به طلوع الشمس وألا العصير === وشاف بيض الدواغر في بطون المحام
لا خذوا عنه ثم حقق وشن المغير === ثم تنكس عليهن في مذار الثمام
صب مره على عود يقب الهدير === لا اعترض في حياله جندله بالحسام
يضربه ضربة القرم النشيط الشطير === ضربةٍ عقبها ما يستطيع المقام
وكان خصمه ليا شافه تلقى الفرير === يوم شاف الصمايل طق طقة ادهام
جاه يوم عبوس قمطرير === جاه من فوقه كنه من صواريخ سام
ولا حصل عن أسباب المنايا منير === لين تروى المخاليب الظمايا الحيام
طاح من فعلهن طيحة مدقٍ ببير === ميّت قاضٍ فالجو ماضٍ قوام
وشاعرٍ ما فعل ملتاع له ما يثير === عقب حافه وشافه يغتشيه الملام
واكتفيت بقليلٍ موجزٍ من كثير === والعذر والسموحة والسلام اختام
الشاعر غازي بن عون

عساف
البارحه جفني بحلو الكرى عاف === ودموع عيني مثل وبل الشخاتير
انحاس بالي يوم ضيعت عساف === اللي غدا يطرد صفوق المغاتير
اقفت به الربدا على الحد بأطراف === شمالي البترا بعرق المظاهير
قمت اجدع الملواح في كل مشراف === باح العزا مني ولاجاني الطير
وانا على طيري كثير التحساف === اللي يصخر هارب الربد تصخير
ومن سو حظي ضاع في وقت الأنكاف === ولا عاد من فرصه نرد المداوير
الشاعر سلمان بن دغيم

شقر الحرار
يا زين جمعتنا على شبة النار === نارٍ سناها لدلال المباهير
امكرمات وسطهن بن وبهار === وسوالفٍ تطرب سموع المناعير
ناخذ لنا فالوقت سجة ومشوار === بين الفياض اللي زهتها النواوير
أرضٍ خلا ما داجها كل دوار === غير الحباري واشقح الريم ماذير
تلقى جرايرهن مع الروض عبار === زرق الغلب برق الظهور المخامير
هي منوة الي بالصقارة لهم كار === تشفق ضمايرهم على تلة السير
لا حولوا في فيضة كنها الطار === وتكافخن بيض الدواغر مياسير
ردوا على كن وجه ليا دار === وجه الغضيب اللي على علم وصغير
ليا انطلق ما كنه الى يبي ثار === يسوق في سوق الخصيم التباشير
أفحج سراويله على الكف نشار === عينه كما وصف الشمالي سناكير
يهوي عليهن مثل قصاف الاعمار === دابان ما عنده مراود وتأخير
إلى انطلق ما كنه ألا يبي ثار === يسوق في شوف الخصيم التباشير
شقر الحرار اللي لها أفعال واذكار === من ساس فارس وافياتٍ مغاتير
الشاعر مشعل عوض العتيبي

عند نايف
له سبوع سهيل كل عين تشوفه === جاك حل البراد وراح وقت السمايم
من يخف الكلايف شايفين معروفه === أشقر الريش جاء وقته وقلبي مهايم
مولع الطير والله ما يطاوع ظروفه === دوم قلبه وعينه يم نجم النعايم
يذكر الاشقر اللي عايزات وصوفه === ومن ذكر ذاك ما اطاوع كثير اللوايم
صافي الريش سرواله مغطي كفوفه === أصبح الوجه صافي الريش ماله وقايم
كن جوهر عيونه في محاجر قحوفه === فضة فصها أسود من حجار كرايم
لا قفيته تشوف الريش شعل حروفه === ذاك عوق الخريش اللي تحب الهزايم
عند نايف اللي الفى فارق حيل نوفه === ذاك هبي بشوفه ياهبوب النسايم
الشاعر عبدالرحمن العطاوي

هب البراد
الصبح تلقى للحباري مماشي === ومقيضاتٍ ماثعـوهن صقاقير
وطلعت قرناس بصدره نقاشى === ومجربٍ ماهو براعى تناكير
لا شاف طلعه زان وجهه وهاشي === ثم انطلق والكف يرخي له السير
وسقنا خلافه مع حروف الدشاشى === متجنبين الروض هو والعثامير
سواقنا ماهو خطات الجغاشي === متعلمٍ للطرد فـي ديره الطير
حول من اللجه تقل وبل ناشي === وصاد المخيش واكتنفنا المخامير
وثارن عليهم بالمكن والنواشي === ما طار طاح ونومسن راعي الطير
ويازين عقب العصر وقت المعاشي === وتعليمنا لـوحوشنا بالمواكير
هب البراد وصار فيها رشاشي === ثم انحرفنا للدلال المباهـير
في وسط صيوان ملي بالفراشي === فيه النشاما والوجيه المسافير
رفقه خلا ماهي بخوة معاشي === وبين اخويانا ما تهم المخاسير
الشاعر عيسى النومس

الطير والحبس
هذه سالفة لراعي طير اسمه عبود عنده طير وقد وضعه في شبك في وسط حوش البيت وعنده أطفال صغار دخلوا على الطير داخل الشبك وهو على وكره وكان برقعه مكشوف عنه لأنه كان وقت صيف وقرنسه وصاحبه خايف عليه من الحر فدخلوا عليه الأطفال وهرب عنهم الطير واصطدم بالشبك وجرح الطير فغضب عبود غضبا شديدا وبدأ بالصراخ على الأطفال وكاد أن يضربهم فأتى إليه أخيه الأصغر وهدأ من روعه وغضبه وقال له يجب عليك أن تحافظ على هذا الطير أو سأقوم بإطلاق سراحه فغضب عبود على أخيه وخرج الأصغر وفي الليل أتى إليه حاملا هذه الأبيات
الطير يا عبود يشكي من الحبس === ابوك حده ساعتين ويمله
هاذي ثلاث اسنين ما عانق الشمس === وليا نصحته قال مانتم هلله
ياعزتي للطير من ضيقة النفس === ليا غدا بالوكر شاف المذله
الطير يبغى خايع ما بعد عس === ما دوجوا فيه البداوين لله

فرد اخوه الكبير قائلا
وراك يابو النايفه خاطرك عمس === وانا احسب انك كل صعب تحله
اليوم يا سلطان ماهوب مثل امس === اخوك ماهوب الزمن صافيٍ له
والطير يا سلطان في ماكره ونس === حتيش لو ما صاد انا صايدٍ له
عقبت غبات البحور اطرد الخمس === وكل ورى شفه وعقله مدله
[bimg]http://toraath.jeeran.com/s43.JPG[/bimg]

[bimg]http://toraath.jeeran.com/fal30.JPG[/bimg]

ضيدان وطيره
الشاعر المعروف ضيدان بن منصور بن قضعان العجمي اشترى طير وكان اسمه عند صاحبه الأول دهام ثم أطلق عليه ضيدان اسما جديدا هو فواز لغرض شخصي وعندما أراد ان يعشي الطير ناداه بأسمه الجديد فواز فواز .... فالتفت إليه الطير وقال
ضيدان أنا أسمي دهام ماهوب فواز === أما أدعني يا دهام ولا بلاشي
ماهوب حق تغير أسمي بلا أرماز === وأنا عذاب الخرب لا أقبلت حاشي

فرد عليه ضيدان
لعيون بعض الناس سميت فواز === أسم يشابه لاسم صعب المناشي
اللي غلاه بثومة القلب حزاز === تقبل له طعوني وتقفي عطاشي

فرد الطير
ما أرضى تسميني عليها ولا جاز === تغيير الإسم إلا بذبح الكباشي
إذبح تميمه وأقلب الإسم فواز === إذا ذبحت الكبش ما صار ماشي

فرد ضيدان
قلت فواز تكفى فكني بالتلعواز === الحل عندي وأسمع العلم كاشي
لازم تشوف اللي لها القلب ينحاز === عقبٍ تجي فواز ولا شلاشي

فرد الطير
يالله مشينا والعمر يبغي إنجاز === يا ما نجز بالهدي ولا عراشي
قم جهز اللي ذاخرينه وممتاز === وعلي الطلاق إن عزبته من معاشي
وعنما وصلا إلى التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير
أنا أشهد إني يابن قضعان فواز === واني بعد فواز جاني خراشي
يا حظ قلبك يوم في حبها حاز === كحيلة ما عاشرة كل لاشي
يا ليتني رجلٍ لو أمشي بمعكاز === وأنخاك وأنخى مبعدين المعاشي
وأنهض لطيف الروح وأجلا لشيراز === وأقضي بقايا العمر ما أحتر جاشي
في شرع أبن حنبل بتأكيد ابن باز === معروف راعي الحب قلبه هشاشي
وأنا لوصل ملوع الشيخ معتاز === أعوز من فراق السبوق الرواشي
أبا أتمنى والتمني به الغاز === يا ليت جنحاني لخلك فراشي
أو ليتني بيجر على الورك هزاز === وألا قلم بين الجسد والقماشي

مشهور
يا حمود انا في نقلت الطير مجبور === احب شوفه واستلذ بمطيره
ما همني العاذل ولو كثر الشور === من ردني عنه حشى مستشيره
اخذ على شانه لي ايام وشهور === اعتز في نقله وفكت جريره
لاجاء نهارٍ فيه قاهرٍ ومقهور === وكلٍ نقل طيره وجهز نسيره
وتدارجن ربد الحباري مع الخور === وخذت برقع من يعقد نظيره
تل ورقى وسم الولي دوم مذكور === يلحم ويشهر والصوايد شطيره
نشه بمخلابٍ على مشـة الـزور === وهوا كما تهوي الدلي وسط بيره
وانسرته المقسوم وعزلت مشهور === وشلته على كفك ولا لـك بغيـره
ثم شللت ربدا لهـا بالفضـا دور === قد وخذ منها ريش يالله الستيـره
تل ورقى مالد للخـرج والسـور === وادلى بكفه وحولت لـه كسيـره
جيته يدوس وخاطرك منه مسرور === ماتغبط اللي وسـط بنكـه يديـره


منقول[/align]