هذا شهر تسعه إذا كان مفهوم!!!

[نايف مهدي]

[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هذا شهر تسعه إذا كان مفهوم=لا تكلميني في نهاره دقيقه
إذا اتصلتي ينجرح يمكن الصوم=و ماهو رفيق اللي يوازي رفيقه
غمضي وفتحي يمضي الشهر في يوم=لك راحتك لا راح ماسك طريقه
الورد مثلك مرهق وحيل نعٌوم=ما مات لو هو شهر وسطه رحيقه
ما هو بكيفي أكسر بخاطرك دوم=داخل على الله لا يجي الصدر ضيقه
يرضيك ذنبي لا غدى لجسمي هدوم=قولي مدامه ما تضر الحقيقه
مدامها خطبه بلا عقد مبروم=لسع اللهب أهون إذا به حريقه
والشاهد الله داخل القلب لك روم=لو عاف ما يكره إذا أخطى صديقه
ياللع تصلح حالها من هو معصوم؟=عبدك ضعيف أدنات شي(ن) يعيقه
ويا الله تسامح بنت ما تقدر تصوم=وشلون تقدر والعسل طعم ريقه
إذا الهوى بيساب ما فيه معلوم=كثير مشكل لك نهي أيك تيقه
هالحب مثل الشمس للناس ملزوم=لو هو بعيد(ن) عنك ياصل بريقه
يا ما سبحت بدنيتي منجبر عوم=وشفت الخطايا فيه يا هي عميقه
كم واحد(ن)من عطف الأخوان محروم=وكم واحد(ن)صاحبه يسوى شقيقه
واللي غبنٌي جالس العدل ما يقوم=ويشوف جور الكفر يهزم فريقه
وضعه خنقني والنفس صار مكتوم=والنبض من ضغطي تزايد خفيقه
من شوف حاله كنٌه انسان مضيوم=واذكر له امجاد(ن) خبرنا (........)
وش فيه عزمه ما اشبعه كثرة النوم=مدري وش اللي ينعمل له يفيقه
الماضي عيبه لا أنذكر ينبش هموم=القدس لوله صوت تسمع شهيقه
يا أمتي يكفي ترى الدين لك توم=ويكفي ابتعدتي عن مواثيقه
يا امتي نخدمك حاكم ومحكوم=وتشهد على خدمتك كعبه عتيقه
والدار من سبُت تفكك مصدوم=لو يتحد رعدك هبلهم صعيقه
هذي النهايه كوم والباديه كوم=ولا يشد بالك كود كلمه رقيقه[/poem]

[سطام الشمري]

نايف مهدي الرائع


كعادتك في روعتك


صح لسانك على الرائعة



مدامهـا خطبـه بـلا عقـد مبـروم

لسـع اللهب أهـون إذا بـه حريقـه


الله يتمم لك بالخير

[لأجل اشتياقي]

صح لسانك اخوي

مبدع بكل مقاييس وابعاد الإبداع


بالفعل راقت لي جدا..جدا ...جدا...


سلمت
وصح لسانك
الله يتمم عليك بالخير
ويحقق لك فوق ماتتمنى..



وبالـتأكيد
نحن باأنتظار
روائع إبداعك

دمت بكل حب
مع من أحببت...


أختكـ

[الدر المكنون]

هالحب مثل الشمـس للنـاس ملـزوم
لو هو بعيد(ن) عنـك ياصـل بريقـه


صح السانك والف شكر

[نـواف الشمــري]

نايف العنزي




نص جميل جدااا



تقبل مروري


دمت كما تحب أيها العاشق

[~أصداف~]

.
.


يرضيك ذنبي لا غدى لجسمي هـدوم
قولـي مدامـه مـا تضـر الحقيقـه

.
.

بيت عن قصيدهـ ..
وبوح لمس الجرح بـ أريحية ..

.
.

مبدع أنت ..

صح لسانك ..

.
.

لك تقديري ..

[عبدالله اليامي]

نايف مهدي

غمضي وفتحي يمضي الشهر في يوم
لك راحتـك لا راح ماسـك طريقـه
الورد مثلـك مرهـق وحيـل نعٌـوم
ما مات لو هو شهر وسطـه رحيقـه
ما هو بكيفـي أكسـر بخاطـرك دوم
داخل على الله لا يجي الصدر ضيقـه
يرضيك ذنبي لا غدى لجسمي هـدوم
قولـي مدامـه مـا تضـر الحقيقـه
مدامهـا خطبـه بـلا عقـد مبـروم
لسـع اللهب أهـون إذا بـه حريقـه
والشاهد الله داخـل القلـب لـك روم
لو عاف ما يكره إذا أخطـى صديقـه
ياللع تصلح حالها من هـو معصـوم؟
عبدك ضعيف أدنات شـي(ن) يعيقـه


لا يسعني الا ان اقو ل صح صح صح السانك وابيض وجه


اخوكم

[فرحان الفدعاني]

هلا وغلا


يانايف مهدي


وصح الله لسانك وقلبك


على هذا القصيده الأكثر من رائعه


دمت ودام هذا الأبداع والتميز


أرق التحايا لقلبك

[نايف الحورى]

الاخ نايف مهدى
صح الله لسانك ابدعت صحيح

ابو خالد

[حمد الدليهي]

[poem= font="Simplified Arabic,5,white,bold,normal" bkcolor="crimson" bkimage="" border="solid,4,black" type=0 line=0 align=center use=ex num="0,black"]
هالحب مثل الشمـس للنـاس ملـزوم=لو هو بعيد(ن) عنـك ياصـل بريقـه[/poem]


هنا جميل ,,,,


سلم فكرك