[align=center]السلام عليكم
وصبحكم الله بالخير
بسم الله الرحمن والدنيا على احسن مـا يكـون
والبارحه ماهيب مـن دنيـاي وأشهـد يازمـان
البارحه كنّي تكهربـت وغـدى فينـي جنـون
ما عاد أميّز واستوت عندي الرفاعـه والطمـان
يالله تنجيني مـن الـزلات واطفـاس الظنـون
وأنا ما غير أقول شعر ومـا تعديـت اللسـان
والبارحه ما أذنبت لكن ضعت في سود العيـون
اللي بها شويّة زعل وأكثـر ملامحهـا حنـان
والبنت كبرت والمصايب كل ما كبـرت تهـون
يا بري حالي يوم كانـت بـزر وتعلـك اللبـان
تصدقون انها من اللي يتابعـون سبيـس تـون
قبل ثلاث سنيـن وأذكرهـا ولعبتهـا حصـان
واليوم صارت تطرب لسمع الاغانـي والفنـون
وتعرف سياسات الدول من ترجمة (كوفي عنان)
شافتني وقالـت تعـال اقـول لـك ولا تهـون
أنتم كذا يا معشـر الشعّـار مـا فيكـم أمـان؟
تواعـدون وتخلفـون وتحلفـون وتفـجـرون
فيكم من أوصاف اليهود وماعلى الدنيـا ضمـان
وتصوّرون أجمـل غـرام وتكتبـون وتكذبـون
وأنتم غلاكم مـا يطـوّل مثـل حـد الائتمـان
قلت اسمعي وأهل القصيد يسخرّون اللي يبـون
وقصيدهم مـا كنّـه الا حـد سيـف الغيهبـان
الناس جسم أنسان وأهل الشعر راسه والمتـون
والشعر دوله والمشاعر فيـه مجلـس برلمـان
وأنتي صغيره والصغيـره لـو تعاتبنـا تمـون
لو كان عنقك عنق ريم ويذبـح وعـودك ليـان
قالت وهي مستنفـره يـا جعلكـم ماتربحـون
ما عاد نفهم حكيكم مـدري عجـم أو تركمـان
وقالت أنا ما أحب شعّـار النشـا والمكرفـون
أحـب شعـرِ لا قريتـه قلـت يالبّـا فــلان
وأنا صغيره وأدري انكـم يالشبـاب تهايطـون
وفيكم من الشعّار من يضوي قصيده من عمـان
قلت اسمعيني والقصيد وناسـه اللـي يكرمـون
لا عاد تطرينه جعل جدّك مخلّـد فـي الجنـان
ومثلك كثير يعانـدون وهـم أساسـاّ يجهلـون
والآدمي لو هان غيره وش شعوره لـو يهـان
وأنتي جميله والقصايد والعرب مـا يرحمـون
والشعر ما يحتـاج لا أدلّـه ولا شاهـد عيـان
قالت خباثه ! قلت قولـي للعـرب لا يسمعـون
هذا القصيد اللي بقلبـك مالـه حـدود وكيـان
ياليت ربّي خالقك في كون وأهل الشعـر كـون
وأجيك في كونك وأعسفك لين تهويـن العنـان
أثر البنـات أيـام وليـال وشهـور ويكبـرون
وان جاتك تسولف تقول انها مذيعـة مهرجـان
روحي وخلّي دربنا والعشـق وكبـار الطعـون
انتي صغيره تملكين الزين والعـرض المصـان
بس أعجبتني كلمتـك بـأن الشبـاب يهايطـون
وفينا من الشعّار من يضوي قصيده مـن عمـان
واجمل التحيات للكل
منقول[/align]
المواضيع المتشابهه
العرض العادي
