ان لم تكن معي فانت ضدي

[ابو راكان 11]

بسم اللة الرحمن الرحيم

في البداية انا قرأت الردود علي موضوعي السابق [النصر الي اين]
واحترمها جميعها لكن لدي تعليق علي بعض الاخوان واتمني ان يتقبلون تعليقي

اولا الاخ العزيز سمح المحيا ذكر في البدايةالفرق بين فريق يصل العالمية وفريق يحاول الوصول طبعا الكلام الي يتحدث عنة الاخ قبل عشر سنوات يالي الفخر يااخي انا اتحدث عن الوقت الحاضر .
وذكر ايضا ان ادارة النصر راح تتحسن مع استلام فيصل بن تركي هل تعلم يااخ سمح ان الشخص الي تتحدث عنة صار لة سنتين بالنادي وهو الي مستلم جميع امور النادي ولكن ماحولك احد خلافات داخلية انت ماتدري عنها اللة يخليك ولتعلم ان الريئس السابق للهلال الشاب محمد بن فيصل اتي للهلال وهو في اسوا حالاتة بعد ادارة عبداللة بن مساعد وشوف وسوا خلال اشهر لان الجو الي حولة مناسب انك تعمل فية واعضاء شرف كلمتهم وحدة لا يظهرون الي لادعم الزعيم وهنا الفرق جو مناسب .
وتحدث الاخ ايضا عن الصفقات وذكر حسام اني بسرعة حكمت علية انا بسالك سؤال عواد العتيبي لو يحترف في الخارج راح ينجح عندك الجواب
ولذلك ياسمح انا اعرف الاعب الي تتحدث عنة قبل لا يجي الدوري السعودي وراح تثبت الايام فشل هذا الاعب
وتحدث الاخ عن الجماهير ياسمح انا ماجبت اي شي من عندي الي قلتة انا كلام شركة عالمية احضرها رئيسكم القادم كما تقول وناقضتم هذا الكلام بعد الفوز الكاسح للهلال وكعادتكم دائما متناقضين.

واشكرك ياسمح المحيا

وثانيا الاخ نصراوي بكل فخر ذكر ماهو الهدف من موضوعي واني مندس بثوب محايد
اولا بذكره بالبيت هذا للشاعر خلف المشعان
الذيب يدرع بالغنم ولا يحسب حسابها
يااخي العزيز انا لا اشجع الهلال لكن احترم الهلال وادارة الهلال ودايما العمل الناجح يستاهل انك تمدحة كما احترم الاتحاد نادي يستحق واحترم النصر وانا انتقدت النصر لاني اتمني التوفيق لهذا النادي ولا تمشي علي الحكمة الي تقول ان لم تكن معي فاانت ضدي
واتمني لك التوفيق

واشكركم واتمني ان تتقبلوا مروري

[الدووووخي]

كلامك حلو ومنطقي بس هم شوي متعصبين ومايرضون على النصر ,,,

[عشق الشمال]

أبوراكان


ما عليك منهم يابعدي


ترى النصراويين مهابيل الله لا يبلى !!


ثنكيو << ولكم

[bader 18]

هههههههههههههههه


ياخي شر البليه ما يضحك

وش بلاكم انتو يالي فوق كل واحد يعزز لثاني ماشي طبلونه ..

الزبده يا كاتب الموضوع الله لا يهين الذيب الي تعرفه وقله لا تعبت ..!


والذيب كانه ذيب يدرع بالذياب= يخلي الخرفان للضبع العويق ..:


تحياتي يا بتوع الارانب هههه

[نصراوي بكل فخر]

ابو راكان

لا يا اخي العزيز

انا دوم مع الحق ومع المنطق والواقع

بس صدقني موظوعك 90% منه غير منطقي
وانا على استعداد تام للرد على موظوعك حرف حرف وبالاثباتات والبراهين ووقتها يتضح للجميع من اللي منطقي ومن الغير منطقي

وصدقني نحن هنا بالمنتدى فقط يشتد بيننا الحديث ولكن بمجرد الضغط على الاكس اللي بيسار الشاشه فوق والخروج من المنتدى نحن اخوان بكل ما تحمل الكلمه من معنى
وبالنسبه لخلف المشعان بصراحه الشطر هذامن قصيدة تعتبر من اجمل القصائد اللي شفتها بحياتي ...شكرا لك والشطر واضح معناه
واخيرا وليس اخرا

الاختلاف بالري لا يفسد للود قضيه

[سمح المحيا]

تتنكر بانك لست هلالي ولا نصراوي


وقاعد تقيم نادي النصر


نادي النصر مو محتاج تقيمك


يبقا العالمي عالمي شئت ام ابيت << حلوه شئت


ولا عاد تقارن بين النصر ولا الهلال



بين ادراته ولاعبيه


وبتشوف الايام صحت كلامك عن صفقه حسام غالي


وبالنسبه لعواد العتيبي ما يحتاج يحترف بالخارج


يكفي انه بنادي عالمي والله يوفقه مع العالمي

[نصراوي]

اقتباس المشاركة الأصلية كتبت بواسطة ابو راكان 11 ماهو الهدف من موضوعي واني مندس بثوب محايد اولا بذكره بالبيت هذا للشاعر خلف المشعان الذيب يدرع بالغنم ولا يحسب حسابها يااخي العزيز انا لا اشجع الهلال لكن احترم الهلال وادارة الهلال ودايما العمل الناجح يستاهل انك تمدحة كما احترم الاتحاد نادي يستحق واحترم النصر وانا انتقدت النصر لاني اتمني التوفيق لهذا النادي ولا تمشي علي الحكمة الي تقول ان لم تكن معي فاانت ضدي واتمني لك التوفيق واشكركم واتمني ان تتقبلوا مروري

الذيب مين والغنم مين


ثاني حاجه أتمنى يوم كتبت الموضوع ترجع وترد علي << أنا !!


ثالث حاجهـ أنا أحلف قدام الكل أنك لا تتمنى لنصر الخير ..

وهذا الامر راجع لك << أو بعمنى كلامي (( بطقاق )) << لكن .. ليش مسوي فيها أنا الرجل المحايد .. ليش ماتقول بالعكس أنا ابوراكان أميل لفريق الفلاني <<


ماراح تخسر حاجهـ .. أو يمكن فريقك مايرفع راسك << من كثر الفضايح << ياعزيزي << كن واضح بكلامك .. وأعرف انت تتكلم على مين

وتتكلم مع من ..!!


أنا بقولك كانك بالعمر صغير ..


أنت تتكلم عن نادي فارس نجد .. العالمي .. النصر .. أساطير تخرج من هذا النادي << من تاريخ حافل بالبطولات وإنجازات ماركة عالمية << وكل هذا اتى من جهد النادي وليس جهد الغير



وأنا اقول تتكلم مع من <<



مع جمهور الشمس .. جمهور الوفاء .. جمهور الاخلاص والحب لناديهـ .. جمهور الذي تكلمو عنه الكثير >> ويذكرني الان كلمة لاعب دينلسون (( أول مرة اشاهد جمهور بهذا الحب والوفاء << فريق يخسر المباراة << وفي المباراة القادمة يحظر المزيد ))







وفي ختام كلامي ..



والذيب كانه ذيب يدرع بالذياب .. يخلي الخرفان للضبع العويق ..

[سمح المحيا]

اقتباس مع جمهور الشمس .. جمهور الوفاء .. جمهور الاخلاص والحب لناديهـ .. جمهور الذي تكلمو عنه الكثير >> ويذكرني الان كلمة لاعب دينلسون (( أول مرة اشاهد جمهور بهذا الحب والوفاء << فريق يخسر المباراة << وفي المباراة القادمة يحظر المزيد ))

لبه قلبك يا نصراوي ولبه كل نصراوي على وجه الارض

[حرام كسر الخواطر]

اقتباس المشاركة الأصلية كتبت بواسطة عشق الشمال أبوراكان ما عليك منهم يابعدي ترى النصراويين مهابيل الله لا يبلى !! ثنكيو << ولكم

واللله يكون في عون من التعصب النصراوي

[شرشر]

عزيزي ابو راكان :
انا اللي اشوفه مو انت او انا اللي يتحدث او يقيم ادارة النصر..ادارة النصر اعلى مني ومنك سواء انت نصراوي او تتبع اي نادي ثاني...وانا مارديت على موضوعك الأول اللي هو ( النصر الى اين )
لأن انا مدري موضوعك هذا وش يهدفله..هو لمصلحة النصر او لضده او الى زرع الفتن بين الأعضاء وانشالله مايصير هذا...

اخوي ابو راكان :
كلامك احترمه اذا كان لمصلحة النصر او لمصلحة اي نادي سعودي...
اما اذا كان بهذا الشكل وبهذه الطريقه ( فأعذرني )...

اما مقولة ان لم تكن معي فأنت ضدي....كلام غير صحيح
انت مع نفسك فقط ولست مع احد..
واترك التظلم وكأنك لم تفعل شيئا

تقبلوا تحياتي