محاورة شعرية بين جورج بوش ورئيس الصين جاينق( لاتفوتكم )

[سهم المنايا]

محاورة بين جورج بوش ورئيس الصين جاينق القصيدة قديمة شوي بس حبيت للي ماقراها

ونزلت هذه القصيدة عند تولي بوش الحكم عام 2000

--------------------------------------------------------------------------------

جورج بوش
سلام ردية على حاكم الصين
بالخير ياراعي النظام الشيوعي
ياجيانق بن زيمن نبي معك قافين
والبرق عانه في المخاييل يزوعي

جاينق زيمن
يامرحبا ياقايد الغرب وأهلين
ترحيبتن ترضي غفير الجموعي
البرق عانه يبرق يسار ويمين
يوم الرعد حدر السحايب يروعي

جورج بوش
ماجيتنا ليلة لفونا المهنين
يومن واشنطن تشب الشموعي
ليلة حكمت الكون في عام الالفين
جوني هل الطالات غصبن وطوعي

جيانق زيمن
ارسلت لك يابن النشاما خطابين
جت لك مناديبي تبارك فزوعي
وانا حكمت الشرق من عام سبعين
ما اعلنت للحكام قبلك خضوعي

جورج بوش
انته تحسب الكون باقي بقطبين
الراسمالية وطت كل شيوعي
يانايم أصحى مرت اعوام وسنين
ماعاد فيها يابن زيمن رجوعي

جيانق زيمن
يابوش حنا بالسياسة ملمين
ومن دون هيبتنا بنينا الدروعي
ليتك تحل المشكلة في فلسطين
عز الله أن ابوك ماهو طقوعي

جورج بوش
ياجيانق أنا طوفت وحدة وثنتين
والثالثة بتكون بين الضلوعي
الطايرة وش علمها فالها شين
اللي لها بحماك حول السبوعي

جيانق زيمن
الطايرة ماردها غير بكين
جانا يقالبها خبيث الطبوعي
وين احترام الانظمة والقوانين
مثلك عن سلوم الدول مايتوعي

جورج بوش
ماهيب يمك رايحة للفلبين
فوق المحيط الها نزول وطلوعي
مار اعترضتوا دربها يالشياطين
عز الله اني من سواتك جزوعي

جيانق زيمن
يابوش يابن بوش تلعب على مين
ماهوب أنا اللي بالكلام مخدوعي
يابوش وطتها في الارض الشياهين
كانت تجسس وهزعتها هزوعي

جورج بوش
هات الادله كان عندك براهين
يومك تقول ارخت عليك السموعي
مخطين ياهل الصين منتم بمقدين
وشيهانكم عود غرابن خروعي

جيانق زيمن
ركابها يابوش خمسة وعشرين
عسكر من الجيش النظامي نزوعي
حاصرتهم يابوش بالجيم والسين
حتى خذيت العلم منهم قطوعي

جورج بوش
عينت طيارك غدا رأسه طحين
وامه على قبره تهل الدموعي
الطايرة ترجع لنا بعد يومين
اخذ الكلام ولاتطول تعوعي

جيانق زيمن
خل العلوم قصار وأسمع لنا زين
عسكرك جولك يالسنافي رجوعي
والطايرة لاعاد تنشد لها وين
راحت دية في واحدن من ربوعي

[لمســـــه]

سهم المنايا

اشكرك اخي الكريم

[دخــــٌيل]

سهم المنايا صح الله لسانك..

لاهنت عالقصيده الجميله,,!!

[سهم المنايا]

لمسة والزين شكرا على التعليق والمرور الكريم

[كِــسرة دلع]

الســــ::ـــــلام عليـــــ::ـــــــكم ..
7

( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.* .:.*.( ..سهم المنايا.. ).*.:. *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )

7
صبأأأأأأأأأأأاح الجووووووري واليأأأأأأأاسمين

لاعدمناك.:
:
:

مع ودي

[الضيغم]

صح الله لسانك اخوووي سهم المنايا على هالقصيده الزيييينه .. .. ..

[سهم المنايا]

كسرة دلع والحوت شكرا على المرور الكريم