معقوله ..!!

[أصداء ذات مشتتة]

السلام عليكم جميعا
إخواني تكفون اللي عنده خبرة يساعدني
الفلاش ميموري حقتي صابها فايروس
الفايروس عبارة عن مجلد أو ملف داخل الملف الأساسي وبنفس إسمه >> نفس إسم المجلد الأساسي
بس بصيغة exe
وكل ما أفتحها أو أفتح أي ملف فيها تطلعلي نافذة صغيرة
وقبل فترة نزلت كتاب إليكتروني وطلعتلي نفس النافذة
أخاف الفايروس صار بالكمبيوتر
مع انه الفايروس موجود فيها من زمان بس ما ضرني
وموجود بالفلاش ميموري حقت أختي وذاكرة جوالها وبعد ما ضرها
تكفون اللي يعرف كيف أتخلص منه يساعدني
وهذي صورة النافذة اللي تطلعلي

[أبو الوليد]

الله يكون في عونك





وإن شاء الله يفيدك من عنده خبرة








::





~~ وفقك الباري ~~



.. .. ومضـــــــــــــــــــــة .. ..

• دافع الخطرة ,فإن لم تفعل صارت فكرة.
فدافع الفكرة, فإن لم تفعل صارت شهوة. فحاربها,
فإن لم تفعل صارت عزيمة وهمّة, فإن لم تدافعها صارت فعلا,
فإن لم تتداركه بضدّه صارت عادة فيصعب عليك الانتقال عنها.

[أصداء ذات مشتتة]

أبو الوليد مشكور لمرورك

تكفون اللي يعرف برنامج يقضي عليها يقولي
شوفو الأستاذ خالد المسيهيج شو كاتب عنها :

الاسم الفني: Mabezat.b.

التسميات الأخرى:

Worm.Win32.Mabezat.b (Kaspersky)

W32/Mabezat (McAfee)

W32.Mabezat.B (Symantec)

Worm/Mabezat.b (Avira)

W32/Mabezat-B (Sophos)

Virus: Win32/Mabezat.B (Microsoft)

النوع: دودة فيروسية (ملوثة ملفات)

الأنظمة المستهدفة: جميع أنظمة ويندوز

الأنظمة المستثناة: ماك، يونيكس، لينكس

سرعة الانتشار: مرتفعة جداً.

مستوى الخطورة: مرتفع جداً >> ركزوا على هالكلمة :(

الآثار التدميرية: مرتفعة >> وهذي

الدولة الأكثر إصابة: المملكة العربية السعودية (بحسب تريند مايكرو)


بلييييييز هييييلب مييييي

[أبو رائد]

يا هلا فيك يا أصداء

برنامج ( المكافي )

هو أقوى البرنامج في ازالة الفايروسات ( على حد علمي )

وتقدرين تشيلين الفايروس من برنامج الحماية اللي في جهازك

لكن وش برنامج الحماية اللي في جهازك ؟؟


أما بالنسبة للفلاش مومري ..

فلازم تسوين له فورمات ( تهيئة )

تشيلين اللي فيه كله على جهازك

ثم تسوين فرومات للفلاش مومري

ثم تفحصين اللمفات قبل ارجاعها للفلااااش


ولك التحية ،،

[نوني الامير]

هلا وغلا

اولاً احفظي الملفات اللي تبينها واللي مهمه بالنسبة لك في مجلد على سطح المكتب (الموجوده في الفلاش ماموري بعدها سوي لها إعادة تهئيه وطلعيها شوي ...طيب ؟؟)

بعدها حملي تأكدي ان كاسبر سكاي هو الحل ..

"احذفي برنامج الفيروسات اللي عندك "

شوفي السامر ماقصر هذا النسخه حلوه وجيده من كاسبر رغم اني شخصياً افضل 6 لانها الاصليه دوماً بس خليكي مع السامر .


وبعدها حطي المفتاح لو مانفع مفتاح السامر في موضوعي هذا بتلاقين الحل ..

سوي ابديت للبرنامج من النت وخليه يحمل لما يخلص بعدها سوي ريستارت ...

بعدين سوي سكان للكمبيوتر وخليه لين يقش لك كل الفيرسات من جهازك ..

بعدها سوي نوتيرايز اول احذفي الفيروسات وسوي ريستارت مره اخيره ..

دخلي الفلاش الحين وسوي له سكان عن طريق كاسبر ونضفيه وخلاص

لاتنسي تدعي لي ... (المكافي خرب لي اللاب توب وجلست 3 ساعات لين صلحته :$ )

لو احتجتي شي ثاني انا في الخدمه

[أصداء ذات مشتتة]

أبو رائد

برنامج المكافي ؟!!

أول مرة أسمع فيه

برنامج الحماية إسمه AVG

والله ياخوك أنا جديدة في هالمسائل

مشكور ياخوي وما قصرت



نوني

ما قصرتي يالغلا

بس في مشكلة

الرابط اللي في موضوع السامر لتحميل الكاسبر ما يشتغل

شو الحل ؟؟!!

[أصداء ذات مشتتة]

أبشركم انحلت المشكلة وتخلصت من الفايروس اللي بالفلاش والكمبيوتر بعد

سسويت مثل ما قلتو نقلت الملفات للجهاز وسويت تهيئة للفلاش

بعدها فحصت الملفات ورجعتها للفلاش

وحذف الفايروس من برنامج الحماية

ولقيت فايروس ثاني معشش بجهازي ولله الحمد تخلت منه

وأكيد البركة فيكم

ما أدري وش كنت راح أسوي لولا مساعدكم

عسى ربي يخليكم ويوفقكم دنيا وآخرة

قولوا آميييييين

[نوني الامير]

آآآآآآمين مبروووووووووك

[ذكرى الخفجي]

الحمد لله على السلامه