الى بنات الخفجي

[مطلق زحام]

يابنات طلعت النتايج وابشركن اكثركن عليكن مواد احسلكن سون اضراب عن الدراسه سون موقف
انا اختي المسيكينه تبكي راسبه للمره الثالثه بنفس المواد وش هالكليه سونلكن موقف بلا هالسلبيه ولا اذا ظليتن كذا ساكتات تستاهلن اكثر وبيجيكن اكثر طالبو بسعوديات يدرسنكن ارحم عليكن خريجاتنا الجامعيت قاعدات بالبيوت والمصريات يدسنكن ويرسبنكن سون موقف

[azoozsweet]

اخوي مطلق لو الطالبات على كيفهم كان طلبو من زمان بس فيه ادارات فاشله وفيه عندنا ناس ماشيه مع الاجانب لاانهم ارخص رواتب ياخوي وظف بنات سعوديات والله ياكثرهم ماخذين الوثيقه صوره مره قريت في جريده انه فيه طالبه لها سبع سنوات متخرجه قامت احرقت الوثيقه حقتها وكل شي يخص الدراسه وارتاح بالها تقول سبع سنوات كل ماشوف شهادتي قدامي انحرق من داخلي وقامت وحرقت الشهاده وريحت راسها لازم من اولياء الامور الشكوى لادراه الكليات في الشرقيه والشكوى والله لو توصل لبرقيه للملك ولا للناس الكبار خلو مندوبيه الخفجي افشل منها مافيه شوفو لكم حل ياهل الخفجي وسنعو بناتكم اما الاجانب طاحو فيكم وانتم ساكتين ابك ابك سبعو اموركم والله لو فيه برقيات يوميه راح يجي لكم حل شوفو كليه النعيريه المحافظ بنفسه متابع امورها هذا المحافظ السنع والله كفو بن جبرين ليه ماتصيرون مثله ياهل الخفجي والله لو اني فرد من افراد الخفجي ولي اهل يدرسون في الكليه لاجنن اللي فيها كلهم اكتبو اعلنو في الجرايد مو شي لو اجتمع ستين رجال وكتبو اما نجلس نتظر المصريات ولا السودانيات لين يفرجها ربنا ماراح تنفرج معهم وانا بصراحه اشك فيهم مو حقين تدرسين ويحملون شهادات مزوره لكن للاسف المخرج عاوز كذا

اشكرررررررك

[مطلق زحام]

ياخوي عزوز اذا هذا اسمك صح

الموقف لازم يصير من داخل الكليه مهو من خارجها بس الظاهر البنات مهن حق دراسه احسنلهن يقعدن عند هالعجايز يعلمنهن السنع يمكن يفلحن بالبيوت اكثر من الدراسه 0000

والظاهر انهن يستاهلن مايجيهن
00000واذا عالخريجات صحيح البطالة النسائيه كبيرة بس الرجال ايضا قاعدين ومكبرين المخدة من البطالة 00000 والامثلة كثيرة ولا انا ما عد نفسي من البطاله لاني ماشالله علي ذكي 000 اللهم لا حسد 0000 وكل شهر طالعلي بمشروع 00000

[همس الروح]

[align=center]وأنا والله اتمني من بنات كلية الخفجي ولو مره واحده يكنن على كلمه وحده
ويسون موقف لهن ,,,,,,,,,, وهذا كله بمصلحتهن
والله لا يخسرهن تعبهن .. ان شاء الله

][][§¤°^°¤§][][ملاحظة ][][§¤°^°¤§][][

الساكت عن الحق تراه شيطان اخرص[/align]

[azoozsweet]

ايه صح لكن ماعليك ابشروووو بالخير ماعليك راح تشوف تغير في الكليه قريب

[نايف عايد]

فعلا هناك ظلم من قبل الدكاتره والدكتورات في الجامعات والكليات..

وسوء شرح وظلم الطالب او الطالبه وعدم إعطائه درجته التي يستحقها او تستحقها..

كيف نرقى ونتطور ونحن من الداخل لم نتغير ونتطور أيها الأساتذه والدكاتره..

اشكرك على هذا الموضوع..

تقبل تحياتي:اسيرعيونك

[azoozsweet]

الهاربه ترضين احد يقول عنك جايه للغزل عن نفسك مو حلوه ترى قويه في حق بنات الناس وهتك الاعراض مو زين وانا اخوك اللي جايه للغزل الله يستر عليها مو لازم تشهرين فيها استري على الخلق ربي يسترها عليك

[الهاربة]

يا اخوي azoozsweet : تذكر اني قلت مو الكل بس الله يكافينا شر هالاقلية ويستر على بناتنا منهم
لو تشوف اللي يصير بكلية الخفجي كان حتى المبنى تستخسره فيهن ومراح تصدق ان هذا يصير عندنا؟؟ وانا لما تكلمت من حر ما فيني ؟ شكرا للدفاع عن بنات الناس و الله يكثر من امثالك ؟

[Mish]

فيه كلية بنات بالخفجي؟ طيب وش يدرسون فيها :s

[بنت الخفجي.]

السلام عليكم نداء عااااااااااجل باسم بنات سنة رابع عربي كنا نستنى النتايج على احر من الجمر وكل وحدة فينا عارفة ايش قدمت بالاختبار وعارفة اش لها واش عليها لكن صعقنا يوم الاربعا الساعة 2الظهر طلعت النتايج وربي كل بنات رابع ساقطات بمادة حاضر العالم الاسلامي مع العلم باننا مجاوبين بالاختبار ومتاكدين من اجوبتناوانا وحدة منهم هل يعقل ان قاعة كاملة تتكون من تقريبا 80طالبة ماينجح منها الا 5بنات هل يعقل واستاذة المادة سمر تلعب بدرجات البنات بلا حسيب ولها سوابق بالتلاعب بدرجات البنات حتى بنات العام الي ماخذة 4 والي ماخذة5 من 20 وبعد التحقق من الموضوع اكتشفو انها تلاعبت بالدرجات الي ماخذة 4 طلعت ماخذة14 والي ماخذة 5 طلعت ماخذة 15 تصدقون طلعت على كلامها انها ناسية الواحد طيب وين القانون الي يردعها واحنا ايش ذنبنا لدرجة اذا ناقشناها كيف انا ساقطة وانا متاكدة من اني مجاوبة تخيلو ماترد علي كاني حشرة عندها وتعطيني ظهرها ايش الحل لمين نشكي كيف تضيع احلامنا ونبي نتخرج وبسبب سمر نحمل مواد مع العلم انها ظالمة والحين كل البنات رفعو تظلم لكن اتوقع انة مافي نتيجة احنا ايش ذنبنا مع العلم ان الي ماتشيل مواد وحملت مادة ماتحصل على مرتبة الشرف ياناااااس سمر ظااااالمة انصفونا اللة ينصفكم ماهو الحل مع هالاستاذة اين الامانة ونسيت اقول بعد الحين بسبب سمر ماراح نستلم وثايقنا مع البنات الا متاخر وبيروح علينا التقديم بالديوان حرااااام عليها تصدقون تقول انا الي تسقط عندي افرح واقول ان اللة منتقم جبار اخذ حقي منكن ابعرف ايش هالحقد على البنات هذا اكبر دليل انها تعاني من اضطرابات نفسية وفيها شي والا اي مصلحتها بتسقيط كل البنات اللة يوفقكم ابي حل للعلم ان بنات سنة ثانية عربي ثلاث ارباعهم ساقطين بمادة سمر......(((((الى متى يبقى الغرباء الاجانب يظلمو بناتنا في بلادنا اين الرادع لهولاء الاجانب العصابة الاتي يتحكمون فينا في بلادناولا بيدنا سلطة للدفاع عن انفسنا))) واللة حسيبنا وحسيبهم