أكادونيا يبي يقدم على وظيفة .. تعالوا شوفوا وش صار فيه

[سامي الشمري]

السلام عليكم ورحمة الله وبركاتة .

مدلول دبل تسبدي يدقدق علي تلفونات يقولي انجز نزل لنا موضوع عندي..

يقولي كلهم شاركوا بقسمي الا انت ..

وانا بالنسبه لي عادي .

تبي قربي تبي بعادي خخخخخخخخ

اقصد عادي انزل بقسم مدلول أو أي قسم غيرة بس عاد الرجال أبلشني

وانا ابي اقولكم القصه الواقعيه ومعي شهود عليها ....
..

صلوا على النبي ......؟

رحت أنا و أكادونيا <<< ( دب المنتدى ) هع هع هع

ومعنا ابو غلغل . رايحين نبي نسجل بحرس الحدود .

كان على تقديم وكانوا طالبين 165 طالب بس ..

والمتقدمين 5000 يعني معك واسطة تدخل .. مامعك واسطة ماتدخل .

المهم واقفين عند الباب الرئيسي لمركز التدريب . الساعه6 صباحاً ..

مصبحينهم قبل لا يجون العسكر خخخخخخ المهم ماني حايس السالفه زي مدلول

ابي اقوله بإختصار وانجز عليكم ..

لحظة ..... مدلول ابعد خشتك عن الشاشه . تقل مانت مصدق اني كتبت بقسمك هع هع هع هع

وين وصلنا ؟؟؟؟؟ الله يقطعك يامدلول ضيعت السالفه .. خلاص مااتذكر لا تبلشني ..

ايه صح المهم واقفين عند خشت مدلول .. اقصد خشت الباب ننتظرهم يفتحونه نبي نشن الحرب عليهم باسلحتنا

الفتاكه .اللي هي عبارة عن ملف علاق وشهايد خخخخخ ....

المهم الا جانا المقدم رئيس مركز التدريب ومعاه مايكروفون يبي يعلمنا الأشياء المطلوبه ..

وهو قاعد يتكلم وحنا مندمجين معاه وكل ماقال شهاده تلتفت يمينك ويسارك يم الطلاب

تلقاهم يفتحون ملفاتهم يدورون الاوراق اللي يقوله ..

>>--- طبعا واثق من نفسه مافتح ملفه يدري ان اوراقه كاملات . بس ماهو جايب الا صورة وحدة

تدرون ليش؟؟؟؟ لان الصورة الثانيه عند ابو رائد اخذها يوم يبي يحط صورتي هذي >>--- ولا ردها ..

أي والله وهو يتكلم المقدم الا جا واحد من وراي يقول فيه وظايف ؟؟؟ وينها ابي وظيفه .. ويقولها بصوت عالي

انا اذكر ان ابو غلغل كان بجنبي . التفت يمين يسار ماحصلته .. الا يصوت لي لقيته آخر واحد هاج يقولي تعال

انحش ( انحش= اهرب) يوم اطالع للرجال اللي بيي وظيفه الا حالته حاله . الثوب ابيض بس من حالته اللي يرثى لها

قالب لون الثوب اصفر على اسود .. الظاهر انه يشجع الإتحاد.... المهم المشكله المشهد اللي شدني انه

لابس نظارات ( roy Ban ) امريكية وكان حافي القدمين ( كاظم ) خخخخ ويقول ابي وظيفه ؟؟




يتبع .....

[سامي الشمري]

قاله المقدم: تعال تبي وظيفه ؟؟

قال : ايه ..

المقدم: وش معك شهايد؟؟ .

المسكين : معاي شهادة قنااااااص ( يرفع صوته ) واللله انه شنب خخخخخ

المقدم : هل انت عملت بالعسكريه من قبل ؟؟

المسكين : ايه انا كنت بالحرس الوطني ..

المقدم: وش اسمك ؟؟

المسكين : رامي ... ( اول مرة اشوف مسكين اسمه رامي ) خخخخخخ شوفوا وش طلع رامي ..

المقدم : كم عمرك يارامي ؟؟

المسكين :عمري 30 سنه .

المقدم : بس حنا طلباتنا ان لا يتجاوز العمر 25 . توكل على الله ماعندنا وظايف لك .

المسكين : خلاص مابي وظيفه اشتروا لي نعال ( الله يعزكم )..

المقدم: توكل على الله قبل لا اجيب لك العسكر .

المسكين : هين انا اوريكم انا سعودي انا..... انا سعودي انا ..... وصار يرددها وهو يمشي .. انا سعودي انا ( بغيت اكمل وراه واقول: انا قول وفعل خخخخخ )

المهم انا من ناحيتي كسر خاطري وبغيت اطلع البوك واعطيه فلوس والشباب نفسي بعد .

بس يوم شفناه وين يبي يروح ومن وين جاء ومع منهو ؟؟ وشي سيارته .. تدرون وش طلعت سيارته ..

هونداي اكورد موديل 2004 الا اخينا بالله مطينها وجاي يدور وظايف .. وهو اصلا أكيد موظف

بس يبي يسوي زحمه يعني بالعربي ( سكران ) ..... وركب سيارتة وراح ...

<-=-=- بالله راح ؟ لا صدق والله ..( ياربي لك الحمد والشكر )

المهم خلصت السالفه
( جيتكم منهم مدري عنهم )
[blink]THE END[/blink]

[عبد الله بن شنار]

ملاحظه بسيطه
..

لابس نظارات ( roy Ban)

الله يرحم والديك اسمها
ray ban
مش

( roy Ban
..

هذي ملا حظتي
..

شكرا على هالسالفه المدوجه ههههه

يعطيك العافيه

[مســاعد]

عندي ملاحظات:
مدوخه مو مدوجه ياعبدالله
الله يرجك الي درس الاملاء في ثالث ابتدائي
عموماً سامي يعطيك العافيه على الموضوع الحلو وشكراً لمرور على قسم مدلول .


اخوك مسـاعد

[سامي الشمري]

عندي ملاحظة :

مساعد ...

اقتباس كاتب الرسالة الأصلية : مســاعد عندي ملاحظات: الله يرجك الي درس الاملاء في ثالث ابتدائي اخوك مسـاعد

شلون تجي هذي يا مساعد ؟؟
قل الله يرج اللي درسك الإملاء

مو الله يرجك اللي درسك الاملاء



على العموم اشكرك على المرور والتصحيح يا عبد الله



تحياتي .....

[ابتسـ ألم ـامة]

[align=center]بسم الله الرحمن الرحيم
السلام عليكم ورحمة الله وبركاته


أخوي sami

اقتباس كان على تقديم وكانوا طالبين 165 طالب بس .. والمتقدمين 5000 يعني معك واسطة تدخل .. مامعك واسطة ماتدخل . المهم واقفين عند الباب الرئيسي لمركز التدريب . الساعه6 صباحاً ..

طالبين 165
وعدد المتقدمين 5000

أشك تكون انتظرت من الساعة 6 صباحاً


أتوقع افترشت الأرض من أول الليل

ههههههههههههههههه

الله يكون بعونكم

في الظروف هذه والمواقف تلك

لاتنسى

قبل ما تحضر أوراقك وصورك

جهز فيتامين واو (( الواسطة )) هههههههههههههه

قصة ظريفة وحلوة وممتعة

يعطيك العافية
ولا تحرمنا قصصك اللي تنتهي نهايات سعيدة



دعـــاء اليوم
اَللّهُمَّ طَهِّرْني فيهِ مِنَ الدَّنسِ وَ الْأقْذارِ ،
وَ صَبِّرْني فيهِ عَلى كائِناتِ الْأَقدارِ ،
وَ وَفِّقْني فيهِ لِلتُّقى وَ صُحْبَةِ الْأبرارِ
بِعَوْنِكَ ياقُرَّةَ عَيْن الْمَساكينِ .

تحياتي و تقديري[/align]

[أبو رائد]

ماشاء الله عليكم


والله سالفه رائعة ..


تسلم يا سامي على هذا الأداء المتيمز ..



تحياتي لك ،،

[ابوسعود]

سامي


شكرا على المسلسل ( ايه مسلسل ماهو حلقتين )

[راضـــي]

[align=center]ايه هين مسلسل

الا مــــــآســـــــــــــــات





مشكووووور سامي <<<< [/align]

[سامي الشمري]

ابتسامة الم ...


العدد اللي قلته ان اللي تقدموا عليهم 5000

ماهو أكيد ... يمكن اكثر .. انا قلت ان اللي احصوا عددهم بذاك اليوم 5000

والتقديم صار لمده ثلاث ايام ..

يعني 5000 بس ليوم واحد ..

اشكرك على المرور ..

ـــــــــــــــــــــ


ابو رائد ..

حياك الله ... و اشكرك على المرور ..

ـــــــــــــــــــــ

ابو سعود ... يجي ويعود

هلا وغلا ...

ابشر طال عمرك .. ان شاء الله اوافيكم بكل المسلسلات ..



ــــــــــــــ

اكادونيا ,.

خخخخخخخخخخخخخخ

انا ماقلت اكادونيا ... قلت راضي ..

اص مايعرفونك خخخخخخخخخاااااي


اشكركم على المرور ..


تحياتي ......