ماجد المري
::
يا لاعب القاف الصعب جبت لـك قـاف
يصعب علـى غيـرك وإذا جـاك يسهـل
الشـعـر لــه ميـقـاف والـعــز مـيـقـاف
ومـن لا وقـف لـه مـا لقـى فيـه مدهـل
نكره بعض الأوصاف ونوالف أوصاف
والبعض عـن بعـض التفاصيـل يجهـل
لعـبـة خـفـا فـيـهـا ضـحـايـا بـــالآلاف
حـاولــت أعـددهــم والأعـــداد تِـذهــل
يا شين مدهال الوطـى عقـب مشـراف
ويا شين شيـن الـرد عـن قولـة أزهـل
ويـا شينهـا لا خيـف مـن كـان خـوّاف
ويــا شينـهـا لا صــار غالـيـك عبـهـل
الـوقـت مــا يـرحــم والأيـــام تـنـعـاف
وأحلامـنـا مـــن قـلّــة الـوجــد تـكـهـل
أبطالنـا غابـت بـهـم دار " بـالـزاف "
أشلاهـم اللـي ضـاع مــن كــان يعـهـل
يـا كـم عـزيـز ذل ومــن العـنـا شــاف
عقـب المهابـه صـار مـا عـاد يصـهـل
ما تنفع الحسـره علـى شـيء لا طـاف
ومـا يهمـل الله عـبـده إن كــان يمـهـل
الشعـر مهـرٍ مــا يـبـي كــون عـسـاف
وأنــا عسفـتـه يــوم أنــا فـيـه مـنـهـل
أبـي مـن الشعّـار مـن يعـسـف الـقـاف
يصعـب علـى غيـره وإذا جـاه يسـهـل
::
جولان
صح لسانك
ولن ازيد عليك
ياهتـلـر القيـفـان تسـتـاهـل اشـــراف
وانــا بحـاجـة مـثـل شخـصـك مـؤهـل
ومن بـاب تحقيـق العدالـه والانصـاف
لابـــد مـــن قـبــل الــقــرار نـتـمـهـل
حتـى يأيـد موقـفـي بـعـض الاطــراف
فـيــه اخـتـبـار وبـعــد ذلــــك تــأهــل
سـؤال شعـري وافهمـه قـبـل ينـظـاف
رمـيـتـك للـنـيـشـان جـعـلــه تــوهــل
حسب الذي يروى من اخبار الاسلاف
الـزيـر سـالــم لـيــه سـمــي مهـلـهـل
مهـو عشـان انــه تمـيـز بـالاوصـاف
وشعـره ليامـنـه نــوى الشـعـر ينـهـل
تـراك تمـشـي يـاولـد فــوق الاكـتـاف
ياخـلـفـتـآ يــذبــح ولــدهــا وتـبــهــل
قـلـي وطمـنـي عـسـى مـابـك خــلاف
هـل تعـلـم انــك واقــع بـمـأزق وهــل
تعـلـم انــك مخـتـفـي بـــس تـنـشـاف
بـرجــآ وآيــــل لـلـسـقـوط وتـهـلـهـل
جولان يامـاجـد مــن البـحـر غـــراف
مـن قابلـه بطـنـه عـلـى طــول ينـهـل
اسمـي بـعـد هالـيـوم لاتنطـقـه حــاف
عـاقـل ولـكـن لالـقـا الجـاهـل اجـهــل
تحياتي
المواضيع المتشابهه
العرض الشجري