السلام عليكم ورحمة الله وبركاتة..
أحيي جميع مشرفين وأعضاءمنتديات الرائديه
كالعادة تستمر مشاكل ومصايب وظلم كلية الخفجي أتمنى أنكم ماتقولون الموضوع قديم ومكرر ومعروف لكن الظلم ماينسكت عنه وخاصة إذا كان الظلم عيني عينك..
ولو أسرد سطور ومقالات ودواوين عن هالكلية الزفت ماكفيت ووفيت..
تصورو أحبائي وأخواني أن أول شي بدو فيه من قوانين هو الإلتزام بألوان معينة باللبس وياليتها ألوان زي الناس (أبيض..أسود..بيج..رصاصي)((بالله عليكم هذي كلية))وإذا الطالبة لبست لون مخالف تتوقعون أيش التصرف الي يسوونة؟؟؟
يرشون بلوزة الطالبة المسكينة ببخاخ ملون ..عشان ما يكون لها مكان أحسن من الزبالة أكرمكم الله ..والله ما هذا إلا تصرف أطفال عقولهم صغيرة
هذي مو مشكلة بلعناها ..كل وحدة من هالمسؤلات تفبرك قوانين من عندها على كيفها والعميدة ناااااااااااايمة بالعسل وكأنها الأميرة النائمة الي ما تطلع من خدرها..
تصورو مرة طالبة من زميلاتي راحت لمسؤلة تأجير الصناديق عشان تستأجر منها صندوق نهاية النصف الأول قالت لها أدفعي حساب النصف الثاني بس يعني 70 ريال بما أن النصف الأول أنتهى لما جت نهاية السنة قالت لها أدفعي حساب النصف الثاني أنتي ما دفعتي..أنصدمت البنت وحاولت تفهمها الموضوع وأنها أخذت الصندوق بنهاية النصف الأول قالت..مو ذنبي وتعذرت بأعذار بايخة أهم شي أنها تاكل فلوس العالم..
ومؤخرا نزل قرار جديد وبايخ وهو قرار مستحدث على جميع كليات المملكة وهو منع جوالات البلوتوث والسبب أن وحدة من الطالبات كتبت شكوى عن كل أستاذة ومسؤلة بالكلية وطلعت فضايح خفية عنهم ونشرتها بلوتوث بالكلية وياليتها وقفت عند هالحد ..مسؤلات الأمن بالكلية الي يفتشون شنط البنات ويتحسسون أجسام البنات بعذر الخوف على أعراض البنات من جوالات الكاميرات والبلوتوث..مشتغلين آخر أعمارهم واسطات ويدخاون جوالات البنات الي يعرفونهم وبهالحالة ماهمتهم أعراض البنات البريئات..وهالشي أنا شفتة بعيني..كيف يمنعون جولات البلوتوث الخالية من الكاميرات..ويسمحون لبعض البنات؟؟؟؟أنتو جاوبو على هالسؤال!!!
أتمنى من طالبات كلية الخفجي إبداء آرائهم
المواضيع المتشابهه
العرض العادي
