السلام عليكم ورحمة الله وبركاته
قصيدة القيت يوم الخمبس 29/5/1431هـ مهداة للاخ عبدالله السبيعي بمناسبة زواجه
ولاجات المزون اللي تقافـا غيثهـا مدفـوق=على طيب المنابت ليـن تلويبـك مسايلهـا
تريّث لين تلقا من ديـار الغانميـن عـروق=ورتّب من بنات الفكر مـن غالـي مثايلهـا
ترى للغيث عسّاس(ن) وللقول المثالي سوق=ومع بيض النوايا هقوة(ن) لاهـان طايلهـا
سلام الله على ربع(ن) يسوقون الجمايل سوق=على طيب الفعـول اللـي تمنّيهـم جمايلهـا
هم الغلبايوم ان البدو تنشد عن شفوف النوق=تباهوا في عيون المرجلـة ياطيـب نايلهـا
هل الجيرة لياقاموا عطوا فوق الحقوق حقوق=عقول(ن) مايبدلها هواهـا عـن صمايلهـا
ليا ناضت على طول المدى للطايلات بروق=لقيت سبيـع تاليهـا يوفّـي طيـب أوايلهـا
وفي كل القبايـل حقهـا والوافيـات تلـوق=على هلهـا ليـا عّـدت قبايلنـا فضايلهـا
سلام الله لعبـدالله وابـوه وقيفـه المرمـوق=وعلى كل الحضور ومن سمع واصغى لقايها
يقولون زملاك يسوقنا في شفّ شانك شـوق=وجينـا بالنيابـة للظـروف اللـي نحايلهـا
يشرفنا حضور الشان يالوافي رفيع الـذوق=على سلم الرجـال اللـي تشرفهـا فعايلهـا
رعاك الله يانعم الزميل وجعل حظـك فـوق=مفاتيـح السعـادة والهنـا بيديـك شايلهـا
يقوله حارثيّ(ن) لا تكلّـم جمّّـل المنطـوق=كفا بوح النفوس اللـي تعبّـر عـن قبايلهـا
المواضيع المتشابهه
العرض العادي
