لا تسافر الماء يموت وينشف الــعصفـــور ..

[شمس الرائدية]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]

وإن مَرِّني منك ليلٍ مايخاف النورْ
من وين أجيب لعيوني دمعْ... وأبكي لكْ ؟!

لاتسافر.. الما يموت.. وينشف العصفورْ
والريح تصمُتْ... وذِيبَةْ رَمْلِي تعوي لكْ !

محتاجك أكثرْ من أوقف والسنين: تدورْ
وأكثر من إني تَعَبْ كل ليله أسري لكْ

محتاج أفضفض لقلبك عن ثلاث شهورْ
وعن حلم عاري.... لقى حتفَهْ يغنِّي لكْ !!

كل مانسيتكْ.. ذِكَرْكْ الخاطر المكسورْ
ياسُخفْ عذري... وياحظّ أضلعي بـ ويلكْ

جرِّب تنامي .. بيديكِ... ولا معاكِ غرورْ
عشاني.. جرِّب ثواني.... وشفْ شسوِّي لكْ :

بأهديك باب.. ودُعا / خفَّاقْ / شِعْرْ / طيورْ
يمكنّك شوي...... تدري شكثر حبِّي لكْ !

والبارحة... ما هَجَدْتْ ولا حَوَتْني الدُّورْ
ماغير أشتِّمْ غيابك... وأرجَعْ أشكي لكْ !

بلحالي.. كِنِّي الفقير.. وكِنّ زَعَلْكْ السُّورْ
كل مابغيت أشحذك.. هجَّتْ محاصيلَكْ !

بشويش قل لي: شَسَوِّيْ.. وأجْمَعَ المنثُورْ
بس إنت آمر.. وأنا بهبالي... كلِّيْ لكْ !

ودِّي أكونِكْ.. وإنت تكونني.. وبالدّورْ :
أنا أحضنَكْ بُنّ.. وإنت تضُمِّني هيلكْ !

ماهو بوقت لـ تغلِّي... سيِّدي المَمْطُورْ
بالحُسنْ / .. وأمَّ المسافة تنتخي بـ خيلكْ !

العُمرْ: دفترْ... وأيام الوصال سطورْ
يا دفتر العُمرْ... لا تحرمني سطري لكْ !

ثلاثة شهور ... والوحدة بليَّا شعُورْ..
تهِدّ بي حلم... وأرجع كلِّي أبْنِي لكْ !

لله... قل لي: إذا مَرّيتني بـ غرورْ :
من وين أجيب لعيوني دَمعْ.. وأبكي لكْ ؟!
من وين أجيب لعيوني دَمعْ.. وأبكي لكْ ؟!
من وين أجيب لعيوني دَمعْ.. وأبكي لكْ ؟!

[/ALIGN][/CELL][/TABLE1][/ALIGN]

[أبو فيصل]

اقتباس المشاركة الأصلية كتبت بواسطة شمس الوله بلحالي.. كِنِّي الفقير.. وكِنّ زَعَلْكْ السُّورْ كل مابغيت أشحذك.. هجَّتْ محاصيلَكْ !

وكان الوقت عصريه تعدينا حدود السور
ويم القاهره طرنا بجو ٍ حافل اخطاره

مقاعدنا بآخر صف ومقعد سيدي مشغور
على يسراي كان هناك اشوف اطباع جبّاره

اشوفه كل هالفتنه ثقل عقل وسلوك طهور
حصين محصن شامخ يبيّن كبر مقداره

اقتباس المشاركة الأصلية كتبت بواسطة شمس الوله بشويش قل لي: شَسَوِّيْ.. وأجْمَعَ المنثُورْ بس إنت آمر.. وأنا بهبالي... كلِّيْ لكْ ! <

ابكتب من قصيد الوزن وغيره من شعر منثور
انا لك شاعر ٍ يكتب وشعره نقوة افكاره

الا ياغايب عني معي حاضر كما الدستور
خيالك مايفارقني بفكري دق مسماره

كلمات في غاية الرووعه والابدااااااع

قصيدة تلامس الاحاسيس والمشاعر

صح لسان شاعرها

وتسلم يمينك على الانتقاء الرااااااااااااقي

ننتظر جديدك