موضوع الأسبوع المتميز ((عـــاجل!! إقتحام الرائديه و سرقة مستندات مهمه !!! ))

[قسوره]

~{ بسم الله الرحمن الرحيم }~







ق-ر/ رائديه:






تمكن مسلحون من إقتحام المقر الرئيسي لمنتديات الرائديه في ساعه متأخره من بعد منتصف الليل






قامو بضرب شرطي الأمن اللذي كان على البوابة الرئيسيه على رأسه مما جعله يفقد وعيه




الأضرار الناجمه عن هذا الإعتداء كان:





1- إرتجاج في مخ الشرطي المسكين والمدعو ( شفشينكو )



2- سرقة أوراق مهمة من مكتب الرئيس ( أبو رائد )



3- حرق المكتب المخصص لمدير قسم الإنتاج ( سامي )







وقد أوضح مسؤول الشرطه في بلدة رائديه السياحيه في كوكب زحل ) ابو الهنوف ) عن أسفه لما حدث وأكد بأن الإعتداء كان مقصوداُ وأن الرشطه قد أخذت البصمات وسوف تطابقها أولاً على موظفي شركة الرائديه وذلك بأمر من المدير العام أبو رائد







في اليوم التالي الموظفين مستغربين من كل الشرطة المتواجدين في المكان, لا أحد يعلم السبب, ولا أحد يعرف ماهي المشكلة, ونبدأ التفاصيل:







أبو رائد: يا أبو الهنوف خذ بصمات البنات أول شيء عشان يدخلون مو زينه وقفتهم بهالحر



أبو الهنوف: وهل عندك شك



أبو الهنوف يصيح بأعلى صوته: يا عاشق زيدان تعال الله لا يهينك وخذ البصمات من البنات أول وبعدين من باقي الشباب



عاشق زيدان: ابشـــــــــــر, من عيـــــــــــــوني, يالله دائماً الحل من أبو الهنوف (< متأثر بيوسف سيف كثيــــــر )



أبو الهنوف: ياخي فكنا من الدوري الأسباني الله يرحم والديك وأخلص علينا, بنخيس بهالحر



عاشق زيدان: ممكن ممكن ممكن, ممكن نخيس لو تأخرنا



أبو الهنوف: ياليــــــــل ما أطولك



إبتسامه ألم: ياخوي أخلصو علينا ورانا أشغال حنا مو فاضين حق هالحوسه





تم أخذ كافه البصمات, وعاد الموظفون لعملهم بعد ساعه وقوف في أشعه الشمس الحارقه

حديث جانبي من قسم الرياضه في الشركه:





الأمير: مين تتوقع اللي سوا كل هذا, والله ياهو إنسان حاقد, وليه سوا كل هذا, طيب وش المصلحه, تتوقع سرقو شيء من الخزنه, تتوقع بيصيدونهم؟ ..



نواف الفهاد: وش شايفني أنت و وجهك جيمس بوند على غفله ولا مين, ريحنا وخلنا نشتغل



الأمير: افا نواف ماخبرتك كذا, ليه معصب, لا يكون زعلان, شكل الأهلي منهزم البارح, ولا منت متتعشي زين ولا شكلك متهاوش مع أحد, ليه زعلان ؟



نواف: لحووووووووووووووول, وبعدين معك أنا تارك لك الكتب وماشي



الأمير يلتفت على المكتب اللي وراه: وش فيه نواف, ليه زعلان وش تتوقع سبب زعله, تتوقع أحد سارق منه شي, ولا عشان الحريق هو زعلان, إلا الأهلي لعب البارح؟



قيصر روما: أقول لا يكثر



الأمير: الشرهه مو عليك على اللي يسألك, أنت ماعندك سالفه أصلاً, أنا غلطان اللي أسولف مع واحد مثلك ..



يقطع الكلام صوت قوي



طررررررررررررررررااااااااااااااااااااااااااااااااا اااخخخخخخخخخ

دباسه في راس الأمير جايه من الباب



قيصر روما: افا ليه إبتسامه ألم, وش سوالك الأمير



إبتسامه: أنت أنطم ولا بيجيك ماجا خويك , قولو لي وين نواف



الأمير: أبوه أنا تسأليني, روحي دوري عليه برا



إبتسامه: طيب يالأمير يصير خير



قيصر روما: وش فيك خربتها أنت بعد, بكره راتبك يجيك ناقص نسيت إنها نائبة المدير العام



الأمير: تحمد ربها ما ماقمت وطقيتها قدام الله وخلقه



قيصر روما: يابن الحلال وسع صدرك وقصر صوتك لا تجيك دباسه ثانيه





طرررررررررراااااااااااااااااخ << دباسه من الأمير على راس قيص روما



قيصر روما: أوف ليـــــــــــه ؟



الأمير: عشان ماتقعد تشمت









يــــتــبــــع

[قسوره]

في هذه الأثناء إبتسامه تقتحم المطعم الخاص في الشركه وتصرخ بأعلى صوتها على الطباخ



إبتسامه: يا مشاري, ماشفت نواف



مشاري: نواف مين ؟!!



إبتسامه: لاحــــــــول, نواف الفهاد يا دب



مشاري: نواف الفهاد مين



إبتسامه: الشرهه مو عليك على اللي يدخل مطعمك أصلاً



مشاري: أي مطعم ؟!!!



سيـــــــــــــــــــــــن قرررررررررررربــــــــــــــج,<<< مشاري مرمي على الأرض وفوقه كرسي



في هذه الأثناء يعود نواف لمكتبه



نواف: السـلــ ... , أوف أوف وش اللي سوا فيكم كذا الأمير وقيصر



الأمير: مو شغلك رح نائبة المدير العام صار لها ساعه تدور عليك, ولما ترجع لنا وراسك ملفوف زينا بتعرف وش فيه



نواف: كانت معصبه ؟؟؟؟



قيصر: اقول ألحق على نفسك وعجل ولا ماهو بأزين لك



نواف: والله اللي رحنا وطي, يالله بروح أشوف وش السالفه



نواف يدخل مسرعاً لمكتب إبتسامه



نواف: السلام عليكم



نونا ( < سكرتيرة إبتسامه ): نعم وين وين وكاله من غير بواب وعليكم السلام وين رايح؟



نواف: وين نائبة المدير, هي تدور علي



نونا: أدري تدور عليك ماهي موجوده إستناها على هذاك الكرسي



نواف: بروح وبرجع



نونا: لا لا مافي طلعه ولا بنادي , هي قالت إذا جا لا يروح



نواف: يعني أستنا هنا لي متى



نونا: اللحين بدق عليها أقولها إستنا هناك ولا تكثر كلام



إبتسامه: هاه وش تبين



نونا: نواف موجود هنا إستاذه



إبتسامه: والله لو يطلع لأحش رجولك ورجوله أنا جايه & طوط طوط طوط



نونا: قفلت بوجهي



نواف (< يبلع عريقه ): لا رحنا فيها مضبوط



إبتسامه تدخل مسرعه لمكتبها: نوافوه ألحقني يالله, وأنتي لا تحولين علي مكالمات



نونا ونواف بصوت واحد: إن شاء الله



إبتسامه: عاجبك اللي صار البارح, مني قايلة لك مالها لازمه الحريقه يكفي الأوراق اللي نبيها, يالله يافهيم خذو بصماتنا ورنا شطراتك, والله يا نوافوه لو يستدعوني بس عشان يسألوني بس والله ماتلوم إلا نفسك, لأخليك مع جنب شفشنكو المرقد في المستشفى



نواف: أذكري الله ماصار إلا الخير



إبتسامه: أي خير وأنا مصبحه بوجهك أي خير, يالله حلها اللحين, وبعدين وين رمح مني شايفته, المفروض يداوم, من سالفة البارحه وهو مو مبين لا يودينا بداهيه ترا والله مايلوم إلا نفسه



نواف: رمح عنده مراجعه في المرور وتلقينه اللحين في مكتبه



إبتسامه: خلني أشوف ( طوط طوط )



رمح: هاي رمح يتكلم



إبتسامه: والكوبه زين, وينك أنت يا دب, مادريت باللي صاير



رمح: هلا ياريسه شالسالفه



إبتسامه: تعال مكتبي بسرررررررررررعه اللحين ولا تكلم أحد قبل يالله بسرعه أستناك



رمح: قاعد أفطر بعد الفطور



إبتسامه: والله لو ماتجي في دقيقتين ماتلوم إلا نفسك



رمح: إن شاء الله إن شاء الله



رمح يدخل مسرعاً لمكتب المديره


نونا: وين وين وين ممنوع الدخول



رمح: أقول إنقلعي عن وجهي إنتي الريسه تبيني



إبتسامه بأعلى صوتها: نونوووووووووه خليــــــــــــه يدش



رمح: شفتي يادبه, السلام عليكم



نواف: وعليــ ...



إبتسامه تقاطعه: لا سلم الله فيكم مغز أبره, يالله طلعونا من الورطه اللي حنا فيها اللحين يالله أخلصو علينا



رمح: إنكشفنا ؟؟؟؟؟؟؟؟؟؟؟



نواف: يادب خذو بصمات كل الموظفين, يعني بننصاد بننصاد


طررررررررررااااااااااااااااخخخخخخخخخخخخخ دباسه ثانيه على راس نواف



إبتسامه: بننصاد؟!! بننصاد اجل, هذي آخرتها



رمح: لا لا لا ماعليكم خبرتي خلوها علي



إبتسامه: وش بتسوي ؟؟



رمح: عطوني ساعه بس, ويجيكم الخبر اليقين, بروح مكتبي اللحين



إبتسامه: طيب خلاص بعد ساعه أنتو الإثنين هنا




نواف يدخل مكتبه وهو منزل راسه



الأمير: هههههههههههههههههههههههههههه ماقلت لك لما ترجع بتعرف وش السالفه



نواف وهو لاف راسه: يعني إنتو الإثنين ضاربتكم إبسامه أجل



قيصر: لا أنا ضاربني الأمير



نواف: ليه



قيصر: قلت نطقم مع بعض << عاش مصرف





رمح: ألو مكتب رائدكو للسفريات



الجوري: الو ايوا هنا مكتب رائدكو للسفريات أمر؟



رمح: أقرب رحله لمصر متى



الجوري: أقرب رحله لمصر بعد ساعتين ونص من الآن



رمح: فيه أماكن فاضيه على الرحله



الجوري: مافي غير درجه أولى



رمح: والله لو درجه سالب ميه, أحجزيلي عليها الله يخليك أنا اللحين جايك أقطع التذكره



الجوري: بأسم مين



رمح: بأسم رمح الرائديه



الجوري تم الحجز أخوي



رمح : شكراً <<< يلم أوراقه ويقفل مكتبه وبأقصى سرعه لمكتب السفريات



أبو الهنوف: ألو أبو رائد



أبو رائد: نعم أبو الهنوف أهلين, بشر ماهي آخر المستجدات



ابو الهنوف: نريد أخذ أقوال رجل الأمن شفشينكو و ياحبذا تكون متواجد معنا



أبو رائد: ومتى تبغون تاخذون أقواله



أبو الهنوف: بأقرب وقت ممكن



أبو رائد: أنا متوجه لمستشفى الرائديه الصحي الآن



أبو الهنوف: مسافة الطريق وتلقاني عندك














يتبع

[قسوره]

يلتقون عند شفشينكو المصاب بإرتجاج بالمخ



أبو الهنوف: السلام عليكم يا شيفشينكو الغالي



شيفشينكو: قوووووووووووووووووووول عمله الأوكراني والله عملها !!!!



أبو رائد:



أبو الهنوف: نبغا نسألك بس كم سؤال إذا ممكن



شيفشنكو: آهٍ يا بالاك لماذا تخلفت عن نهائي كأس العالم لماذا يا أيتها الفيفا الظالمه لماذا!!!!



أبو رائد: لاحول ولا قوة إلا بالله



أبو الهنوف: الظاهر الكلام معاه ضايع مين الدكتور المعالج لحالته





ياسر عناد: نعم أهلين أنا الدكتور المتابع




أبو الهنوف: مافي مجال إنه يستعيد عافيته




ياسر: والله نقول إن شاء الله, ولكن الأمر يبغاله شوية وقت




أبو رائد: كم يعني بيطول على هالحاله




ياسر: والله مع كل أسف نسبة شفاءه ضئيله جداً




أبو الهنوف: لاحول ولا قوة إلا بالله


أبو رائد: طيب ممكن إنه يتذكرني, بقوله شيء, يا شيفا ياحبيبي أنا أبو رائد المدير العام



شيفشينكو: سوف أقتلك ياكارلو آنشلوتي, أنت من أضعت الشامبيونز



ياسر عناد: لاتحاول هو اللحين في عصر الشامبيونز ليج الأخيهر وكأس العالم الأخيره, يعني يتنقل مابين, إسطنبول و كوريا




إتصال على جوال أبو الهنوف



أبو الهنوف: الو ايوا وش هي آخر الأخبار, كيف؟ مش ممكن, البصمات طلعت مطابقه, يالله جاي جاي



أبو رائد: بشر عرفتو المجرم مين



أبو الهنوف: خلنا نروح القسم ونشوف يالله مشينا



وصلو للقسم, وأخذ أبو الهنوف يقرأ الأوراق الخاصه بالبصمات



أبو الهنوف: مش ممكن, مستحيــــــــل, لا ما أصدق



أبو رائد: خوفتني وش المشكله



أبو الهنوف: البصمات طلعت مطابقة لأثنين موظفين عندك بالشركه



أبو رائد: إثنين من موظفين الشركه, من هم ؟؟؟؟؟؟





أبو الهنوف: نواف الفهاد و ...



















أبو رائد: نواف مستحيـــــل ومن الثااني اللي معاه



أبو الهنوف: النائبه حقتك !!!!!!!!!!!!



أبو رائد: إبتسامه ؟؟؟؟؟؟؟؟؟؟؟؟؟؟؟؟؟؟؟؟؟



أبو الهنوف: أي نعم



أبو رائد: مستحيـــــــــــــــــــــــــــل مايصير تأكد



أبو الهنوف: هذا الخبر أكيد, وخلنا نلحقهم قبل لا يطلعون محل


أبو رائد ( بنبرة حزينه ): يالله مشينا


أبو الهنوف وأبو رائد وأربعه من رجال الشرطه يدخلون الشركه, والجميع متعجب من الوضع

أبو الهنوف ( يكلم إثنين من الشرطه ) : أنتو روحو مع أبو رائد عشان يوريكم مكتب نواف أبغاكم تاخذونه بدون شوشره للقسم وانا بلحقكم لما نقبض على إبتسامه

أبو رائد: طيب أجي معاكم القسم ولا مايحتاج

أبو الهنوف: لا أبو رائد إنت خلك هنا ماقصرت وأي شيء يصير بعطيك خبر


أبو رائد: أوكي


أبو رائد يقترب من المكتب اللي فيه نواف, ومن بعيد يلمحه وهو داخل المكتب ولاف راسه بشاش أبيض, ويقول في نفسه ( هذا أكيد من حريق البارح )

أبو رائد: هذاك مكتب نواف أدخلو وتلقونه لاف راسه بشاش أبيض أنا ما أبي أشوفه ولا أبي عيني تطيح في عينه


الشرطيين: أوكي


يدخلون المكتب ويتفاجأون, ويرجع واحد منهم لأبو رائد


الشرطي: الثلاثه اللي في المكتب لافين روسهم بشاش أبيض


أبو رائد: كلهم لهم علاقه يعني, لا لا مستحيل طيب أنا جاي وأمري لله

أبو رائد: السلام عليكم


قيصر والأمير: وعليكم السلام والإكرام هلا ياريس


أبو رائد: شفتو اللي مارد السلام هذا نواف, ( ويطلع من المكتب مسرع )


الشرطيين يمسكون نواف ويطلعون من المكتب


قيص والأمير:


الأمير: وش السالفه قيصر


قيصر: والله علمي علمك ياخوي, وش دراني



في هذه الأثناء أبو الهنوف وصل لمكتب نائبة المدير, ووجد السكرتيره


أبو الهنوف: السلام عليكم


نونا: وعليكم السلام

أبو الهنوف: إنتي إبتسامه ألم


نونا: لا السكرتيره انا, نائبة المدير داخل


أبو الهنوف: طيب عن إذنك ( ويفتح باب النائبه ويدخل المكتب )


إبتسامه: خير خير لا إحم ولا دستور عسا ماشر إطلع برررررررررررا

أبو الهنوف ( ينادي الإثنين اللي معاه ) : تعالو أمسكو هذي

إبتسامه لما شافت لبس الشرطه: طيب ممكن أعرف شالسالفه

أبو الهنوف: يحق لك إلتزام الصمت وطلب محامي للدفاع كل ماتقولينه سيكون ضدك في المحكمه العليا <<< يتابع أفلام هوليود كثيــــــر



يتبع

[قسوره]

يركبون إبتسامه سيارة الشرطه, وتشوف نواف فيها راكب

إبتسامه: والله من صبحت في وجهك وأنا عارفه إن الأمور رايحه فيها

نواف ( يوم فسل يده وخربها خلاص ) : أقول إنطمي وكرمينا بسكاتك لا أقوم أدوس في بطنك

إبتسامه: طيب يا نوافوه أوريك بالراتب الشهر الجاي

نواف: مالت عليك هذا لو قدرتي تستلمين راتب أصلاً

إبتسامه: خلاص رحنا فيها يعني


في هذه الأثناء وصل رمح لمكتب السفريات ليقطع التذكره

رمح: السلام عليكم

الجوري: هلا وعليكم السلام

رمح: أنا رمح الرائديه ولي حجز على طيارة مصر اللي بعد ساعه ونص ممكن التذكره عشان أقدر الحق الله يخليك

الجوري: إن شاء الله بس متأخر لازم تسرع عشان تلحق

رمح: إنتي إسرعي بالله وماعليك إن شاء الله بلحق

الجوري: تفضل 1000 ريال ول تكرمت

رمح: هذي 1500 والباقي ما أبيه سلام

الجوري : 500 مايبيها مو صاحي هذا أكيد وراه بلا

أبو الهنوف: بعد ما أخذت بصماتكم وضحت إنها كانت مطابقه للي في مكتب رئيس قسم الإنتاج, تعليقكم ؟؟؟


إبتسامه: والله مالي شغل هذا كله من نواف ومن رمح أنا مالي شغل


نواف: خرتيها على طول

أبو الهنوف: أنت ولا كلمه, ومين رمح هذا

إبتسامه: شريكنا الثالث, هو اللي خطط وهو اللي حرق أنا ماحرق بس فتحت لهم الأبواب بس

أبو الهنوف: بس بصماته ماهي موجوده

إبتسامه: هو ماخذيتو بصماته جا العمل متأخر اليوم

أبو الهنوف: وهو وينه اللحين يعني

نواف: في مكتبه اللي في الدور الثاني في الشركه

أبو الهنوف: ألو أبو رائد

أبو رائد: هلا أبو الهنوف بشر وش الجديد

أبو الهنوف: فيه إثنين من الشرطه تحت بيجونك اللحين توني مكلهم روحو لمكتب رمح وخلهم يمسكونه ويجيبونه هنا بأسرع وقت

أبو رائد: وش دخل رمح في السالفه

أبو الهنوف: بعدين تدري بسرعه يا أبو رائد قبل لا يروح

أبو رائد: طيب طيب



يقتحم مكتب رمح مع الشرطيين الإثنين, ولاشيء يذكر المكتب فاضي وخالي من أي شيء

ابو رائد: ألو أبو الهنوف المكتب فاضي ومافيه شيء ماخذ كل أوراقه هذا

أبو الهنوف: لايكون هرب, نواف إنت متأكد إنك شايفه اليوم

نواف: أي والله من ساعه تقريباُ

أبو الهنوف: أبو رائد سو ريدايل في تلفون المكتب وشف وش خر مكالمه

أبو رائد: يتصل على آخر رقم, ألو

الجوري: رائدكو للسفريات السلام عليكم

أبو رائد: رائدكو للسفريات , السلام عليكم بسألك إختي عن إذا كان فيه حجز لشخص موظف عندنا في شركة الرائديه, معاكي مدير الشركه أبو رائد

الجوري: أهلين إستاذ أبو رائد, شنو أسم الموظف

أبو رائد: رمح الرائديه

الجوري: اي نعم حجز قبل ساعتين على طيارة مصر وقبل نص ساعه جا وأخذ التذكره

أبو رائد: الف شكر بس متى الإقلاع

الجوري: تقريباً بعد 45 دقيقه

أبو رائد الف شكر, الو ابو الهنوف الرحله حقت رمح بتقلع بعد 45 دقيقع لمصر

أبو الهنوف: لمصر

إبتسامه: بيهرب الدب وبيتركنا

أبو الهنوف: إنتي ولا كلمه
ألو ألو شرطه المطار, المفتش أبو الهنوف يتكلم


توتي: نعم هنا شرطه المطار أهلين أخوي أبو الهنوف, معك توتي آمرني

أبو الهنوف: الرحله المتوجهه لمصر وبتقلع بعد 45 دقيقه, عليها واحد مطلوب أسمه رمح الرائديه, القي القبض عليه المسأله ضروريه

توتي: مع إن الدعوه لازم كون رسميه, بس من عيوني يا ابو الهنوف اللحين بشوفه وأكلمك

أبو الهنوف: الله لا يهينك ماتقصر

توتي: تعالو معاي إنتو الإثنين << ضباط أمن

يتجه للبوابه الأخيره للطائره, ويكلم مسؤول الجوازات

توتي: ابيكم تمسكون واحد بيجيك اللحين أسمه رمح الرائديه, ولا أقولك بس أشر لي عليه وخل الباقي لي

فهد القحطاني: ابشر ياتوتي من عيوني

المسافرين واحد ورا الثاني يمرون لين جاء الدور على رمح

رمح: السلام عليكم تفضل

فهد القحطاني: وعليكم السلام يقرا الإسم, ويقول يالله حيه << إبتسامة خبث

رمح: الله يحيك, تعرفني

فهد القحطاني: من خمس دقايق عرفتك ( يأشر لتوتي )

توتي: هلا فهد

فهد يعطي جواز رمح لتوتي: هذا الرجال اللي تبون

رمح: شالسالفه ؟؟؟؟

توتي: تعرفها في القسم تفضل معي, الله يعطيك العافيه فهد

فهد: ماسويت شي حبيب قلبي الواجب

يصل رمح للقسم العام, ويدخل على مكتب أبو الهنوف

رمح: السلام عليكم

إبتسامه: تبي تهرب يا دب, هاه تبي تخلينا بروحنا, بس الحمد لله مسكوك قبل لا تسوي شي

أبو الهنوف: يا ضابط, تعال خذ هالثلاثه وارمي كل واحد منهم بغرفه لحاله ولا يدخل عليه أحد, ولا يكلم أحد


~ ~ ~ ~ ~ ~ ~ ~ ~


إتضح في الحقيقات إن أسباب هذه العمليه هو ما يأتي:

- غضب رمح من نتيجه نادي العلمين الأخيره في مباراته الوديه مع الإتفاق وقرر إنه يحط حرته في سامي

- الأوراق اللتي أخذتها إبتسامه ألم هي خاصه بطريقه تحضير الحلوى أم علي, واللتي يتمير أبو رائد في إعدادها

- نواف الفهاد هو من قام بضرب شيفشينكو لأنه هزمه في مباراة وديه بخمسه أهداف نظيفه <<< والله مدري مين اللي هزم مين


~ ~ ~ ~ ~ ~ ~ ~ ~ ~




كل ماكتب فوق كان من نسج خيال قيصر روما



أعتذر أشد العذر لو إنني أخطأت بحق أحد أو قللت بحق آخر


يعلم الله ماكتبت كل ماكتبت إلا من باب المداعبه لا أكثر ولا أقل, قصه خياليه وإن شاء الله إنها تعجبكم جميعاً



إحترامي وحبي للرائديه وكل من فيها

[sul(7)tan]

الله يعطيك العافيه قيصر والله موضوع اكثر من رائع والله يوفقك ان شا الله .

[Power Speak]

[align=center]السلام عليكم ورحمه الله وبركاته


اهلين وسهلييين . . فيك ياقيصر روما . ..


خيال . . جميل . . وخيال راقي . . دائما مبدع . .

بس الحمدلله . . ان الناس الكبيره . . احم احم ماجات في السالفه

تعرف الواسطه لها دور . .ه ه هه هه هههه


على العموم . . يعطيك العافيه . . على هاذ الخيال الجميل والقصه

الجميله . . الله يعطيك العافيه . . يا حلو[/align]

[نواف الفهاد]

ههههههه

وش هـــ النكبات ؟؟؟

/
\

ماشاء الله عليك .. يا قيصر ..

وربي ..

روووووووووووعة !!

/
\

عندك خيال جميل ..

وترتيب .. أحداث .. أكثر من رائع ..

أقولها .. لك من جد ..

تصلح مؤلف قصص !!

/
\

بس ..

بيني .. وبينك ..

كنت جاي من الدوام طفشااااااااان ..

ولما .. قريت العنوان .. أعجبني !!

/
\

قلت ..

عاداتك يا قيصر ..

ما تكتب إلا .. الجماااااااااااال !!

/
\

وفعلاً ..

كنت .. كــ العادة .. سكر زيادة !!

/
\

بس ..

حلوة .. الدباسة .. والشاش الأبيض .. والشركة !!

تدري ..

وش أصعب موقف عشته .. مع السالفة ؟؟

كنت .. منقهر .. من الرمح ..

قلت .. بينحاش .. ونتوهق !!

بس ..

الله يخلي لنا ..

أبو الهنوف .. وتوتي .. وفهد القحطاني !!

وبعدين ..

ألعن أم الأحراج ..

يوم أبو رائد .. يقول .. ماأبي أشوف نواف .. ولا أبي عيني تطيح

بعينه !!

والله يكون بــ عون .. شيفشينكو ..

الظاهر .. ماعاد .. يجمّـع !!

وبعدين ..

حلوة ترى زعلان من خمسة صفر !! <<< آآآآهـ منك !!

/
\

منك لله .. يا قيصر ..

خليتني .. من جد .. أحقد على إبتسامة ألم !!

وش هــ الأسلوب ..

ماهي شايفه .. أحد .. بـــــ عينها !!

/
\

قيصر روما ..

الله يسعدك .. ويخليك لنا ..

كنت هنا ..

جميل .. وراااااااقي ..

بــ حجم ..

جمالك المعهود .. في الملاعب الخفجاوية !!

تفننت .. وأبدعت ..

وكنت .. بــ الفعل .. قيصر .. قيصر .. قيصر !!

/
\

لك كل الغلا ..

أبقاك الله للرائدية .. ولنا !!

/
\

سلالالالالالالالام

[الدووووخي]

[glint]حلوة حلوة حلوة حلوة حلوة


لا لا لا لا لا لا لا لا لا لا لا


وجاءت الروعة من القيصر


ياسلام ياسلام ماكانت قصة عادية[/glint]


كانت خيال رائع من عضو رائع


أحداث مثيرة مع عنف(دباسات)

آه أنا ماقهرتني الا أبتسامة ألم

وليه تضربني بالدباسة(والله ماأخليها)

هههههههههههههههههههههه

بس الحمدلله مسكتوا حرامية الرائدية

نواف+ الرمح+ابتسامة ألم

خلاص طرد مع فنقر مع كفوف لاعاد نشوفهم

ولاعاد أحد يجي ويرز وجه كاتب له موضوع يبي يرجع

العلاقة خلاص أنكشفتوا


خيال جميل وأنا سمعت انه صارلك 3 أيام وأنت تكتب فيه

ماشاء الله عليك مجهود جبار ومتعب

قيصر روما يعطيك العافية

[عبدالحكيم]

هههههههههههههههههه

حلوووووووووه هالقصه يالقيصر


وبصراحه تصلح مؤلف قصص


وأحسن مافيه الدباسات

يعطيك العافيه ياغاااالي


لاحرمنا الله من جديدك


احترامي وتقديري

[ابتسـ ألم ـامة]

[glint]هـــلا وغـــلا [/glint]
أخوي قيصر روما



ماتوقعت تنشر الخبر


قبل التأكد من الحقائق


أنا كنت مظلومة


كل هذا صار غصب عني


رئيس العصابة نواف الفهاد

وأعوانه الأشرار


استخدموا حيلة ما قدرت أقاومها


تنويم مغنطيسي


وكل هذا صار وأنا بدون وعي مني


ورطوني معهم


علشان أبو رائد يكرهنني


عندي الدلائل


على صحة كلامي


وتأكد راح أدافع عن نفسي


لأخر لحظة من عمري


هذا تشهير وظلم


وبسببه


يصل الدم للركب





مظلومة ياناس

مظلومة





ويا قيصر روما


كلمة حق بقولها


رائع والله رائع


ومشاركة ما توقعتها


ولا خطرت على البال


لاحرمنا الله من إبداعك



أما باقي العصابة


فحسابي معاهم عسير


<<<<< واصلة وواسطتها كبيرة


طالعة لكم بعد التحقيق


انتظروني


ياويلكم


يا سواد ليلكم



وفقك الله وسدد خطاك لما يرضاه ويحبه

دمت بود


كلمــات مــن ذهــب

لا تيأس؛ فاليأس كفر برحمة الله
و لا تغضب؛ فالغضب قتل لفضائل النفس
و لا تحقد؛ فالحقد تشويه لجمال الحياة