(( انت مثل الدم تمشي معي وسط الوريد ))

[أبو فيصل]

أعترف حولي كثيرين لكني وحيد
........ عنك مآ يغنيني وْ الله قريب وْ لآ خوي

أسألك بـ آلله قلي وش إللي تستفيد
........ كآن ضآقت عقبك القآع في عين بدوي

خآف ربك حآلتي مِن شديد اليآ شديد
........ شوفني مِن كثرت الشوق يمك مستوي

لآ يغرك قلبي أحيآن لآ شفته عنيد
........ غلطته قدمك تقوى وْ هو مآ هو قوي

وْ الله إني مآني بخير مدآمك بعيد
........ كل شي عقبك حزن هم ضيقه يحتوي

كِل مآ تبعد طوآريك مآ تنقص تزيد
........ أطوي الذكرى وْ ترجع وْ تطويني طوي

مِن فقدتك صرت أنآ غير أنآ وآحد جديد
........ منكسر , مشتآق , محتاج صوتك منطوي

أنت مثل الدم تمشي معي وسط الوريد
........ تشرب بـ حبك عروقي وْ عيت ترتوي

إنت مثل الموت مره تجي للي تريد
........ وْ مِن تجي له يترك النآس وْ الدآر تهوي

كآن منت مصدق إن قو ضربك مِن حديد
........ حط سمعك عند صدري وْ تسمع له دوي

وْ إن سمعته رآح تسمع بعّد حآجه أكيد
........ صوت لكن يشبه أصوآت لـ ذياب تعوي

لآ تخآف الصدر بيتك عسى عمرك مديد
........ هذا صوت القلب ينخى ينآدي منكوي

تدري كم مره تمنيت لي قلب البليد
........ قد مآ حسيت حبك لوى ذرآعي لوي

روح لكن أعرف إن رحت رآح أبقى وحيد
........ عنك مآ يغنيني وْ الله قريب وْ لآ خوي


مما عجبني