حلمك تصير استاذ وأصبحا سباك
--------------------------------------------------------------------------------
ياصاحبي والكيف يغلب على الكم
وانا على كيف الشعر جيت لرضاك
جيتك على عين الملاء وأتحكم
في مفردات الشعر منا ومناك
ياملعم آدهى منك (مالم تعلم)
تعال انا اعلمك وأكتبك واقراك
با اعطيك حصه وأسمع الدرس وأفهم
وخلك ذكي لابعث حيك ومجناك
ركز معي مافيه وقت الك أترجم
وشرواي درسه مايعيده لشرواك
لاكنك أفهم قبل تجبر وترغم
لني صراحه مستحيل أترجاك
انا رجل في ساعة الجد والحزم
طبيعي ألطم حظرتك فوق علباك
ون مافهمت الدرس الأول بتندم
وهاذي نصيحه خلها اليوم مبداك
أن شفتني داخل مع الباب لي قم
وقل مرحبا مليون يا استاذ حياك
وافضل تقول استاذ ون قلت ياعم
بأرفق عليك أشوي قبل اتوطاك
ون قلت لك ياطالب أتقول لي سم
ون قلت روح أهناك رح وقف هناك
واليا بديت أهرج معك لاتكلم
أنصت وحاول تفهم الدرس لاجاك
ما ابغاك وقت الدرس حتى تنسم
ياشين فالك كان تفتح معي فاك
ون قلت لك ياطالب العلم تنطم
يعني كذا ولا كذا لا أسمع أحكاك
ومن باب انك للدروس متحزم
تعال ابا اطرح لك سؤالي على(آك)
العام يوم اني لحضرتك (أولكم)
وراك مارديت لي (وألكمو باك)
هل هو غباء ولا علينا تغيشم
ولا انت تعشق طبخت السم بيداك
يعني طبخت السم ماتشرب السم؟
أقسم لتشرب منه ون كان ما ارواك
لروي عطش حضرة جنابك من الدم
حتى تقول الدم طعمه كما ذاك
الا على طاري هل المدح والذم
تعال ابا امدح حضرتك قبل ل اهجاك
انته رجل في قمة الخلق والحلم
وحظك كبير وعندك افلوس وأملاك
وطبعك حلو وأسلوب هرجك منظم
(ولك العمى شكلك أيجنن ومحلاك)
يعني على قولت أهل مصر أفندم
بس المصيبه طحت مره على (أفاك)
واصبح طموحك مع جموحك محطم
حلمك تصير استاذ وأصبحت سباك
وغديت فعيون الخلايق مقزم
ماتكبر الا بعين بيك مع أخاك
دامك رجل وقت القا ماتقدم
الله يعوض فيك من كان ينخاك
ولن كانها بمهايط الحكي والشتم
ألوح أباك اللي على الذل رباك
المواضيع المتشابهه
العرض الشجري