درس/ فكرة مربعات بسيطة

[badr]

السلام عليكم ورحمة الله وبركاته

من المعروف انه بعض الافكار ماتبان بالتصميم من اول نضرة

لكن بالتمعن نشاهدها ،، وغالبا تكون اشياء بسيطه صغيره او شفافه

لكن لها دور في رسم الانطباع العام عن التصميم وترقيته الى ذائقة المشاهد

ولو اخفيناها تراح نلاحظ انه التصميم ناقصة شي .


من هالافكار...

فكرة المربعات البسطه المتداخلة الشفافه


وهي درسنا لهذا اليوم

وهو بسيط جدا جدا

ويصنف من دروس المبتدئين


وهذا الدرس ،، واتمنى التوفيق للجميع





وهذا تطبيقي

وضعت فيه كم مربع حتى ابين لكم الفكره




بانتظار مشاركاتكم او استفساراتكم

[جرنـJRN2Sـاس]

ns

وتقدر تعملها على طبقة شفافه وتعملها فرشاه تصير جنان


وتسلم على درس

تطبيق طبعا بيتاخر

لان انا بالكوفي


ان شاء الله اول مارجع البيت اطبقه


متي دروس دسمه ياخوي بدر .؟

تحيتي

[badr]

القادم ان شاء الله اخوي جرناس

بدري على الدسم خلينا بالمقبلات اول


مثلك عارف كثير من الاعضاء هنا مبتدئين ولابد نمد لهم يد المساعده

ومع الوقت راح يتطور مستواهم ونبدا بالشغل الدسم


واعتبرها مراجعه لي ولك حتى نتذكر بعض الافكار القديمة


بانتظار تطبيقك اخوي الغالي

تحيتي لك ..

[جرنـJRN2Sـاس]

اي بدري ياخوي بدر

اصلا بالعكس ويمكن يكون رايك هو افضل

بس انا اشوف نتعلم اسياسيات مختلفه .. ونستخدم ادوات tools وكل درس مثال + وظائف اداة بيصير احلا

يترقون باسرع وقت


<<<<<<<<<<< لاتذكرني بدروس سابقه شفت الويل لما كنت مبتدئ .. كنت كل يوم ادور دروس حتي اقدر اطبقها .. دروس محترفين يطبقونها تلقيني حاشر انفي فيها هع

صحيح كنت افشل بعض المرات بس احاول استفيد شي من درس كم اقدر .. حتي لو ماقدرت اطبق درس

تحيتي

[badr]

شوف يالغالي

انا بدايتي من اكثر من سنتين ونص كنت شاري سيديات وكتب


ولا اخذت منها الا بربرة مصري وكثر كلام ماله داعي


شريت سيدي فيه قرابة الثلاثين درس منوعه ومشروحه


كل اللي سويته اني طبقة هالثلاثين درس


وحصلت على خبره في كل اداة اطبقها بالدرس وكل فلتر استخدمة بدرس

بعد هالثلاثين بديت في المحاكاة ( التقليد )

صرت اقلد التصاميم الجميلة البطاقات الحلوه التواقيع المميزة

احاول افككها بالنظر افهم خطوات تصمميها وش الفلاتر اللي استخدمها

طرق التقطيع التجزأه كل شي عن التصميم احاول اعرفه لين اصمم مثله او قريب منه

وبكذا استزدت خبره ومعرفه وثقافه وافكار


لاني بالتقليد اكون اضفت عقول غيري وافكارهم الذكية الى عقلية

وتعلمت من خباراتهم


وهذا اللي انا ابيه من التصاميم .. ابي المبتدئ يطبق كل درس

يعني الدرس الاول المربعات عرفوو كيف يستخدمون الامر Stoke


وفي هالدرس راح يتعلمون عدة شغلات بدون مايحسون ...

مثل رسم رمبع ، تلوينه كامل ، رسم حواف المربع ويكون مجوف ، التحكم بالشفافية

اضف الى ذلك يعرفون انه فيه اشياء صغيره بسيطه تكون شفافه تجمل التصميم


هذا كله من تطبيق درس فقط


لذلك لاتستعجل ، وتطبيق الدروس ممتع اما مسالة تعريف الاداة

وكتابة سطرين عن عملها وبعدين صورتها وشكلها

هذا كله ممل في نظري

عموما شاكر لك مساعيك الطيبه اخوي جرناس


بس برضه لاتصرف


ويــــــــــــــــــــــــــــــــــــن التطبيق ....... ؟؟


<<--- بدى يحس انه قرناس طالب كسول :(


تحيتي ...

[جرنـJRN2Sـاس]

هههههههههههههه


وربي انا بالكوفي

خلني ارجع

يعني الان بروح مدرسه وبرجع 1 ونص ظهر بتوقيت الامارات

<<<<< مشكلة عيال مدارس وبعد مسجل علمي


مممم اخوي بدر انت من سنتين .!!!!!!!!!!!!!

مشاء الله عليك

انا استخدمة شهر ونص اول مره وبعدها تركته سبب دروس العربيه اغلبها قبل 9 شهور متكرره رجعت للفوتوشوب لما جيت للرائدية اذا تدري !!!
المرستان الله يذكره بالخير قالي تعال هنا علم شباب فيه

من بعدها رحت مواقع .. اجنبيه .. وقعت اهيص في فوتوشوب الين ماوصلت لهذي مستوي .. وحاليا بترك الفوتوشوب .. وايمج ردي لان استخدم رسم خط يد واصلح برنامج الفلاش .. لرسم دقة .. وفيه مرونه .. ان شاء الله اول اعمالي انزلها اليوم


سمحلي قلبنا موضوع ذكريات الماضي


تحيتي

[ابتسـ ألم ـامة]

[glint]هـــلا وغـــلا [/glint]
أخوي badr


هذا درس ولا سوالف


هههههههههههاااااااااي



حتى من السوالف هذه نستفيد ونتعلم


<<< خافت من مدرسها


المهم درس حلو


وإن شاء الله التطبيق يكون سهل



لي عودة إن شاء الله مع تطبيقي




وفقك الله وسدد خطاك لما يرضاه ويحبه

دمت بود


كلمــات مــن ذهــب

اللهم ارحمنا
فوق الأرض وتحت الأرض ويوم العرض عليك
يا أرحم الراحمين

[ديما]

[align=center]عساك على القوه بدر

وتسلم على الدروس

هذا تطبيق على السريع



دمت بخير[/align]

[عبدالحكيم]

<<<<<<< الطالب النجيب عنده محاظرات اليوم

بيتأخر شوي بالتطبيق

يعطيك العافيه استاذ بدر


وانتظرر تطبيقي

احترامي وتقديري

[badr]

اهلا بالجميع


وخذو راحتكم بالوقت اهم شي نشوف شغل وتطبيقات


اما ديمـــا


مشاء الله تبارك الله


والله ابداع التصميم ولاهي مجاملة


الايجابيات:

لون الخط مطابق للون الخلفية وقريب من لون الاطار ومقارب للون المربعات

( تنسيق وتناغم جميل بين الالوان )



فكرت تنويع الوان المربعات جميلة وكلها في اطار تدرج الوان التصميم

يعني ماطلعتي عن الونين بالتصميم وهذا تنسيق جميل




الكلمة ماخذه الحيز الاكبر بالتصميم وهذا ممتاز والسبب انه التصميم عبارة عن تهنئة

لذلك اول مايشد انتباه المشاهد للتصميم هو الكلمة وهو اللي مطلوب لانها تهنئة وهي

الاهم في التصميم ومايرتكز التصميم الا عليها وهي عنوانه كمان لذلك يجب انت كون الابرز في التصميم




التفنن في رسم الخط جميل جدا ، وعلى فكرة ممكن نعمله بالفوتوشوب

يعني مثل كلمة " عام " ممكن نكتبها بهالشكل ثم نقص الميم و نسحبها الى فوق

العين فتعطي تداخل جميل



السلبيات :

مو سلبيات لكن يعني اشياء اضافيه ممكن تفيد وهي /

عبارة "كل عام وانتم بخير " كـُــتبت فقط ولم يضاف عليه ا لا فلتر و لا ظل ولا تدرجات



المربعات كانت بارزه وانا اعتقد لو كانت شوي شفافه ممكن تكون احلى وتعطي نعومه اكثر للتصميم

طبعا وجهة نضر وتختلف من شخص لشخص وممكن ديما تكون مقتنعه بانها افضل كذا اما انا العكس




عبارة " منتديات الرائدية " هذي اشبه ماتكون كتوقيع

والمعلوم انه كل رسام او فنان او مصمم لما يخلص شغله يكتب اسمه حتى ماينسب العمل لغيره

والتوقيع عادتا يكون :: صـــغــير :: ، :: وفي الزاااوية وغالبا اسفل::


لكن وضعك لها بهالشكل جعل عبارة "منتديات الرائدية " جزء من التصميم

وهي ماهي جزء وانما توقيع او احتكار او مرجع او دعاية لذلك انا اشوف لو هي

بالزاويه اسفل كان انسب



يعطيك العافية ديما شغلك عال العال

والى المزيد من التقدم اختي

وحاولي تنزلين بطاقات ومشاركات من عندك


تحيتي لك ..


بانتظار البقية ..