أنا هواي و بس بنت الجزيرة ـ طلال الرشيد

[قلم]

أنا هواي و بس بنت الجزيرة

كتب أحد الشعراء هذه القصيدة بعد عودته من المغرب، فقال:



ياللي تنشد عن علوم الذي طاف
كل البحور وكل دوله وديره
خذ من علومي علم اوصافه اوصاف
جزل سمين يشتعل له سعيده
الزين عقب المغربيات ينعاف
غيد لهن بالزين ذكره و سيره
فيهن حلا طاغي ولين و تعطاف
وفيهن حنان يشعل القلب غيره
حلوات وصف وفاهمات بالاعراف
زيننات منطق صافيات السريره
بنات قوم طيبهم غصب ينشاف
اولاد مغرب بالليالي العسيره
ياللي تنشد عن علومي بالانصاف
هرجي يكفي صامله عن كثيره
الزين في لميا وتغريد و الطاف
ماهوب في حصه وكشرة منيره


؛
؛
؛







فرد عليه طلال الرشيد - رحمه الله - بهذه القصيدة:




يابن الحلال ان طعتني خل الاسراف
واترك جمال الغيد لاهل البصيره
الزين موبس في الملامح والاوصاف
الزين روح وعفه وطيب سيره
مانيب من يهوى سريا وانصاف
انا هواي وبس بنت الجزيره
بنت الخليج اللي تماري بالاعراف
وحنا نماري باسمها كل ديره
مالي غرام بقول وخا وبالزاف
اذبحتني عند الطرحه المستديره
احب قولة ياهلا وعل وماخلاف
من بنت ثوبي بنت الارض النضيره
اللي تحلاها الظبي حلو الاطراف
جمال في عفه ورقه وغيره
واللي بها سحر مهو سحر عراف
ياعل عين ماتراها ضريره
عطف وحنان وذوق في لين الاعطاف
والى كشفت لثامها شفت أميره
صعب على اللي بالردي شاف ماعاف
وحلوه علىاللي سنه الله ضميره
شمس الى من اشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس أنت دورلك على قدك لحاف
وان طعتني دور بدلنا عشيره

[‏ЯЄĻǻχ]

الزين في لميا وتغريد و الطاف
ماهوب في حصه وكشرة منيره

قمة التحطيم صرآحة

مانيب من يهوى سريا وانصاف
انا هواي وبس بنت الجزيره

الله يرحمه وموتى المسلمين اجمعين

يعطيك العافيه على هالموضوع

[قلم]

[align=justify]

حقيقة ما كتبه الشاعر المجهول فيه الكثير من المصداقية والتحطيم في وقت واحد لكن المبدع طلال الرشيد رحمة الله عليه باذن الله كان دائما يتصدى لأي متطاول على بنات ديرته،وهذا ينبع من غيرته ،والأمثلة عديدة حينما ألجم الألسنة التي اتهمت بنات الخليج باتهامات صريحة ودنيئة.

لي عودة

وشكرا ريلاكس على المشاركة التي اضأت بها متصحفي

[/align]

[بشاش]

سلمت على الموضوع..!!


دمت بحفظ الرحمن