( اليتمـــــــــان ) ـ اهداء للشيخ حاكم العلي

[فيصل اللويش]

السلام عليكم ورحمه الله وبركاته

قصيده اليتمان اهداء للشيخ حاكم العلي
وهي آخر ما كتبت

[rams]http://www.alraidiah.com/rid8/sound/allwesh/faisal04.mp3[/rams]

للتحميل هنا

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القصايد بنـــــــات الفكر فـوق الرفوف=والسوالــــــف تنخ ان ثارت أفعـــــالها
الكتـــوف تمايل يـــــوم عرض السيوف=والقصايد تشــــــوش ان مر خيـــــالها
فرعن الغــــداف وهيــــــبن الوقــــوف=ساعــــــة ٍ دق طنبه مســت حبــالها
يذري الموت عجـــل ٍ بين قرع الدفـوف=وانعقـــل كل قـــرم بذبــــــة عقـالها
جمرها مايمل وولعـــــت كـــل جوف=والثقيــــله تطيــــح ولحــــد ٍ شـالها
كل صــــدر ٍ تفتــــق يوم راعتـه خوف=شـــــدة ٍ كنـــها تختــــار رجــــالها
به رجــــال ٍ تحط نقاط فــوق الحروف=وبه بعضهم تغـــــرك هيبــــة أزوالها
الكلام أن بدر من صدر رجل ٍ عــروف=كل كلمه توضـــح قصــــد قـــــوالها
النفــــوس القويه والنفـــــوس الضعوف=والرجاجيــــــل به ثلثيـــــن لاخوالها
للشدايد رجال وللمواقـــــف ظـــــروف=والله اللي عليــــــم بكل أحـــــــوالها
موقف ٍ به بكار الطيــــب هُمَّل تطـوف=والقصيـــــده تذب عن النحر شــــالها
وانتخى له من اليتمــــان بين الصفوف=حاكــــــم ٍ يوم غيره عاجـــــز ٍ طالها
أنصلق مثل ذيب ٍٍ للمراجـــــل شغوف=قبـــــــل يرمش هدبها حـــول وشالها
كنه الموت من بين الخلايــــق يحوف=مجَـــــوخ ٍ مهرته ما وَلفَـــــت جلالها
للهقاوي زحول وللثقايـــــل كتــــوف=و كل عقـــــــده وتظهر كـــف حلالها
يوم ضاقت وكل الخلق عنـــها نكــــوف=للثقيـــــله تركى وشـــــــف فنجــالها
حاكم اللي يمد الطيب مثـــل القنــــوف=روس غيــــم ٍ تمـــد وترهي أسبــــالها
جده اللي عن الدنيا شجـــــــاع ٍ عزوف=فارس من ثمــــان ان عِــــدت ابطالها
قالوا انّا خذيــــنا الخيل رغم الانــــوف=به معا سربـــــة اليتمان يجتـــــــالها
وأخو وضحى ذعار ٍ ماحسب للحتـــوف=يكسر الصعـــــب لاشدت به أغــلالها
والعلي لابتـــــه بالفعل فعله ينــــــوف=والله اللي يثبــــــــت أرض بجبـــالها
مكسر العنبر وسمـــن العرابي .. وُصُـوف=وأخـــــوة الحرب خنساء والنصر فالها
المعارك تفل القرن مثـــــــل الهنــــوف=والضيــــاغم تحنى وحنــــــت رمالها
مقضب سيوفهـــــم تجمد عليه الكفوف=أشهد أن الشدايـــــــد تعرف رجــالها
يلمع السيـــــف قبل ومن بعد مانشـوف=غيــــر عج الخيـــــول وصكة جمـــالها
أنهدم سد مأرب والزمـــــــان معـــروف=والضواري تنفــــــس غيم منــــــــزالها
دارٍ أنهد ســـــــده ماعليها حســـــوف=دام ربك هدمــــــها وغيـــــض ظلالها
أشهد أن السبـــــاع تعاف سلم الكهوف=كن حايــــل تنخى وتشتـــــكي حالها
حدروا من عليها يوم ضرب السيــــوف=للسناعيــــــس طابت واهتــــنى بالها
وانبنى سد ضيغم مدهـــــل ٍ للضيـوف=والقصايـــــــد تنومس فعـــــل رجالها[/poem]