سلام عليكم
كل شخص تعجيه قصيده او بيت شعر يحب يردده دايم
انا بكتب لكم القصيده اللى احبها وياليت انتو تحطوا القصايد اللى تحبوها وعجبتكم او بيت الشعر اللى يعجبكم
بوقت من البطـــا ، وبليــل تتراقص شيــاطينــه ... بعد شفت الضيا ينزع من ثياب المسا ثلثين
تحـــايلت المنـــام الــلى مثل بيتك تمــرينــــــه ... وانا اللى من تفارقنا وأناماغمضت لى عين
غــريبـــة!! كــل حلـم يمر بـرقــادي تــزورينـــه ... والاغرب .كيف أحلم الحلم ،وارجع واحلمه بعدين
قبــل يومين شفتك بالمنــام وقمت من حيــنــه ... ونمت امس ورجع نفس المنام اللى قبل يومين
أنا الــلى قبل اسـافر شلت قلبي من شرايينــه ... تركته في يدك مثل الامانه ، واحفظيها زين
تــرى حفظ الامــانه دين ،، مجبــورة تــردينــــه ... أجل ،مافيه احد قد قال لك حفظ الامانة دين
مــرد المقفي بيلفـــي ،، ويستوفي ، وتـــوفينه ... بعد ليله ، ثلاثه ، أربعه ، عشره ، شهر ، شهرين
اذا انتي مـانتي بقد الكـــلام الــــلى تقولينــــــه ... حرام ، استامنك حاجه واذا جيت اطلبك تنسين
تخـــونيني ، وتبين أرضى واحد يــرضى تخونينه ... انا لاجيت اخونك مع حبيبه ثانيه ترضين
من اول مـارجعت من السفــر ماشفت لـــك بينه ... وانا اللى كنت احسبك قبل ادوس ارض المطار تجين
تكــونين انتي اول شخص عيني تحتضن عينـــه ... وكنت اتخيلك من زود فرحة رجعتي تبكين
واشــوف بدمعتك حكيك واعرفه قبل تحكـــــينه ... واجيب احلى من اللى بتحكينه واتركك تحكين
تقــوليـن الــوطن نــور واقـــول بنـــور مضوينـــه ... تقولى لى غديت احلى واقول اعيونك الحلوين
كـــلام نـــام بشفاهك وخفتي لاتصحينـــــــــــه ... ذخرتيه لغرام اللى ينام ويتركك تصحين
تغــــانمتي غيـــابي لين رجحتي مـــــــــوازينه ... تعلم من يدك لمس الكفوف وعلمك تجفين
وليتـــك لاقيـــه به شي فيني ماتـــــــــــلاقينه ... مهو بغرور لكن خابرك مالك امل تلقين
تغـــافلك بغـــلا .. ولا الحـــــــــــلا مهوبمن زينه ... تزينه الصور .. بس الصحيح ابن الحلال زوين
وانــــا مــــاني بناقص عنه يــــــــوم انك تبدينه ... نصيبي هو نصيبي لو يسددها من الصوبين
قنـــوع بمظهري والســـم مــــايـذبح ثعـــــابينه ... على قول المثل ماني حلو لكن ماني شين
اذا اهـــداك الزهر مـره فـانا اهديتك بساتينــــه ... واذا الهاك بفرح ليله فانا تهت لبكاك اسنين
واذا إستضعفتك امــــلاكه ،،، وشتتك مـــلايينه ... انا حتى فتات الخبزة اقسمها معك نصين
طموحي بس اجي واظفر بشي تستحقينـــــه ... تدينته ، تسلفته ، سرقته ، مو مهم منين
كـــاني من كثـــر ما ارضى بكل الـــــلى تمنينه ... لوانك تطلبين الله يعنيني بقول امين
انا مــــالعب على الحبلين وقت الطيش وسنينه ... تبين الحين يوم اني كبرت العب على الحبلين
ترى عند البــــــــــــدو بالذات عيب اللى تسوينه ... حلاتك لاعشقتيني تعشقيني ليوم الدين
غـــرام نسكن ضلــــــوعه حشيمه من مجانينه ... جفا يجمع معزتنا ولا عشق يذل اثنين
كثـــار الــلى تحدوني وقـــالوا لى تحبينـــــــه ... أمانه لاتخليني صغير بعينهم تكفين
لاني كــــــــل ماقــــالوا تخون اقـول مسكينــه ... عليك الله وامانه علميهم منهو المسكين
انـــا خـــايف ليا طــــــاح الجمل تكثر سكـاكينه ... وانا ماعاد بضلوعي مكان لطعنة السكين
مثل مـــاقـــالوا المكتـــوب واضــح من عناوينه ... لوارحل منك للغربة باسافر من ظلامك وين
كفــــايه كل حلـــم يمــــر برقـــــــادي تزورينه ... كفايه من تفارقنا وانا ماغمضت لى عين
قبل يومين شفتك بالمنـــــــام وقمت من حينه ... ونمت امس ورجع نفس المنام اللى قبل يومين
heart2
المواضيع المتشابهه
العرض العادي
