علموني ياجماعه .. جيت أبسأل واستشيــــر...

[ألكسندر]

بسم الله الرحمن الرحيم
السلام عليكم ورحمة الله وبركاته
مســــائكــمـ صبــــبااحكــمـ خيــــــر


علموني ياجماعه .. جيت أبسأل واستشير
........................ مبتدا والراي منكم .. يعتبر عندي خبر


ماكتبت الشعر والله لجل اباقف بالاخير
...................... يااحضر بالصف الاول ياعساني ماحضر


ماترجيت المدايح من كبير ومن صغـير
.................. ويش ابي بمدحٍ يجيني من ورى كتابة شعر


ماهو اكبر هم عندي لجل احدد له مصير
.................. ينتشر والا عسى انه طول عمره ماانتشر



وماكتبته لجل ابغوي ريم واغريبه عبير
................. ماورى طرد العذارى .. مجد قوم ولافخر


ماشهر صيت المهلهل قولة انه كان زير
................ لين مات كليب واعلن حرب ثاره واشتهـر


ولاكتبته لجل اخاوي شيخ واشحذ من امير
............... ينهدر دمي واموت .. ودم وجهــي ماانهدر


نمدح اللي يتسحق المدح مانرجي نظير
..................... أو بمامعنى الحديث بلا ضرار ولاضرر


لو يجور الوقت فينا .. مانفكر نستجير
..................... شيمةٍ منا .. وفينا طبع .. طبعاً تعتبـر


مصدر العز / اتجاه البوصله / طيب الفقير
.............. طيبة القلب / اتساع الصدر / مالٍ ماانذخر



عزة النفس / احترام الذات / تقديرالقصير
................ خفة الروح / اختصار الهرج / مجمل ماانذكر



تعني انا غير طبعا لازم اكتب شي غير
.................... شي ماجابه مظفرلاولاأحمد مطـر



يصعب الموقف ويسهل في نظرعين الكبير
......................جابو الدر الثمين وجبت في كفي بحر


كان ماني عن رياض العز وربوعي سفير
.................. جعل شعري للذهاب .. بلا إياب من السفر


وكان ماني في سفارة دار ابومتعب جدير
............... جعلني ماقوم واقف ، من على الكرسي الحمر



وكان ماني للخليج لسان باليوم العسير
.................. جعل مالي يوم أسند لا حزام .. ولاظهـر


الوطن مجلس تعاون به قوافلنا تسير
........................ والحقود يموت غل وتنفطر كبده فطر


السعودي مع هل البحرين لاصاح النذير
................... والاماراتي عماني .. والكويتي مع قطر


إيه ياكثر القوافي .. لوبسريها كـــثير
................... مار ابفهقها .. واجيكم بالكلام المختـصر


ياأولي الألباب ياهل العرف يالجمع الغفير
....................... ارشدوني جعل ربي .. مايوريكم كدر


علموني كيف ابحيا واشهق بليا زفير
................. علموني كيف أبطمر سطر واكتب في سطر


هو يصير الكل يامر .. ؟ علموني هو يصير ؟
..................... أو يصير ان شيخ ربعه .. ياجماعه .. ينومر ؟


هو يصير الطير يكفخ بس يكفخ مايطير
..................... أو يصير ان كل طيرٍ بالسما يلفح صقر


هو يصير ان كل منهو قال راي يقول خير
................ أو يصير ان كل مهدي يكون مهدي منتظر


هو يصير الفيل يلعب باتجاهات الوزير
.................. أو يصير الشاه يمشي خطوتين ابلا خطـر



علموني كيف ياكل قلعتي جندي خفير
................... ولعبة الشطرنج تقهر .. من لعبها يابشـر


علموني قبل ماصل لآخر الشطر الأخير
.................. ضاميٍ .. والراي منكم .. ياهل الحكمه مطـر


علموني عن خطايه لجل اعاود واستخير
................... واشرحولي كيف مخطي لجل أدنق واعتذر

[آلجآذبيه..!]

علموني كيف ياكل قلعتي جندي خفير
................... ولعبة الشطرنج تقهر .. من لعبها يابشـر

يسلموووووووو روووعه

يعطيك العافيه "

[صانع الإبداع]

سلمت
انتقاء راااااااااائع
الله يعطيك العافية

[عاشق القمم]

رووووووووووعة

لك الشكر ..~

[لبى جنوني]

قصيدة رآآآئعة
لك الشكر والتقدير .

[حلم]

••


وعليكم السلام ورحمة الله وبركاته


آنتقآء رآئع لـ نص مميز ..

الف شكر ~

[مجنونة .com]

ألف شكر لك

قصيدة رااااائعة جدا

دمت بحفظ الله

[أبو رائد]

جميله هذه القصيدة

صح لسان الشاعر الكبير خلف المشعان


وسلمت على هذا الاختيار الرائع

والله يعطيك العافية

[كورن فلكس]

الف شكر لك .

ويعطيك العافية

[عبدالله سالم]

تسلم ..

والله يعطيك العافية