قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة ... و هذي الأبيات قالها للي يواسونه
[align=center]يواسينـي وانـا الميـت وحـالـي يجـبـر الدمـعـات
تسيـل مــن الــذي فيـنـي ويبـكـي وهــو يواسيـنـي
وانــا ابـكـي واتنـهـد وارســم بالـحـزن لـوحـات
يجبرونـي عـشـان امـشـي ورجـلـي مــا تمشيـنـي
قتلـت رعايتـي بيـدي قتلـت الحـب والرحـمـات
حرمـت النفـس مـن حقهـا وانــا ابكيـهـا وتبكيـنـي
وكـنـه حـلـم قـدامـي يقيـدنـي مــن الـصـرخـات
ابـي اصحـى ولكنـي عجـزت القـى ال يصحيـنـي
فـداك القلـب يايـمـه ومهـمـا قـلـت مــن كلـمـات
صغيـره فـي كـبـر حـقـك بــس اتمـنـى تعذريـنـي
نهبت الفرح من بيتي صحيح اني خسيس الذات
صحيـح انـي ولـد طايـش وكـل مـا أسمعـه فيـنـي
تـجـول عيونـهـم فيـنـي تفـصـل مـنـي قيـاسـات
وتشـيـح وجوهـهـم عـنـي وكـنـي غـيـرت ديـنــي
يظنـوا حزنهـم اكبـر وهـم اصـحـاب هالمـأسـاة
وانــا اتـحـدى اذا فيـهـم ربــع مــا يحـتـرق فيـنـي
نقص قـدري بعـد موتـك وغابـت نشـوة اللـذات
وصــــار الــهــم عــكــازي ابـاكـيــه ويـبـاكـيـنـي
عطيتيني بدون حساب ولا سمعتك تقولي هـات
وانـا اشـرب حيـل مـن دمـك ودمـك مــا يكفيـنـي
يايمه ارجعـي كافـي ابجلـس معـك لـو لحظـات
واقبـل ايـدك ورجلـك وافـرش لـك رمـش عيـنـي
يايمـه مـا تحملهـم يقـولـوا فــات مــا قــد مــات
تعالـي غـيـري هالـقـول واطيـعـك بـاقـي سنيـنـي
واتـرك عـادة التدخيـن وانفـذ مـا تـبـي بسـكـات
واصلي الفجر فـي المسجـد قبـل منتـي تصحينـي
يايمـه ارجعـي تكفـيـن وطـفـي شمـعـة الآهــات
ابـيـك انـتـي ولا غـيـرك عـلـى مـوتــك تعـزيـنـي
وضمينـي وداوينـي مـثـل مــا كـانـت الهـقـوات
مـا ابــي احــدن يواسيـنـي ابـيـك انـتـي تواسيـنـي
دخيلـك بـس لا تبكـي اذا شفـتـي بــي الدمـعـات
انـــــا مــقـــوى ابــكــيــك اذا انـــتـــي تـبـكـيـنــي [/align]
صراحه قصيدة مبكيه وحزينة ...
ولعلها نصيحه لك شاب بعدم السرعه .. كيف واذا كانت امك بجنبك !!
المواضيع المتشابهه
العرض العادي
