هذا انا لك مثل منت تبي شفني
اشد كفة وصالك وارخي غيابك
،
احاول اقطف غلا من كان ينصفني
والظاهر اني قطفتك انت واحبابك
،
يامن تغني على حزني وتعزفني
هو ليه من جابني للوصل ماجابك
،
تراك مثل البحر يوم احتضن سفني
بس انت أأمن لأني اعشق ترابك
،
وش يعني الجرح لو ماكان ينزفني
وش يعني البعد لو ماكان باسبابك
،
ضفني بوصل زهابك يالغلا ضفني
الوصل غيرك زهابه وانت يزهابك
،
الخيل والليل والبيداء تعرفني
الا انت مدري علامك تجهل اصحابك!! ،
بعثرت فيني غلاك وقلتلي عفني
وانا لك الله اعوف الناس وارضى بك
,
عطني يدينك رضا بس لاتوقفني
دخيل هاك المكان اللي تغنابك
,
ابيك ترجع مثل ماكنت تذرفني
من عين عفوك واضمك عذر وارقابك
,
المشكلة فيك لو كذبت تكشفني
والمشكلة فيني اني اصدق احبابك
,
جيت اتمال وخوفي منـك تقطفني
من وسط قلبك وتزرعني على بابك
,
يرضيك لو قلتلك انك تشرفني ؟؟؟
ابك انت كل الشرف
/
\
/
\
بس أترك غيــــابك !!!!
الشــاعر / عوّض نفــاع
المواضيع المتشابهه
العرض العادي
