هذه القصيده قلتها عندما نقل احد زملائي العزيزين على قلبي
من عندنا بالعمل الى منطقه اخرى وبصراحه كان نقله غير متوقع
ونحن لم نرضى على ذلك نظرا لتقديره ومعزته الكبيره في نفوسنا كزملاء عمل
وهذا الشخص يدعى / محمد مبارك العجمي
[COLOR="Blue"]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سهرت البارحه والدمع ساهر فوق رمـش العيـن = وألا يا طـول ليـل الدمـع .. دام العيـن سهرانـه
تقالبنـي .. هواجيـس الفـراق اللـى قبـل يوميـن = فراقِِ .. منه نفسي يا رجـال الطيـب .. مرضانـه
فراقِِ كان صدمة .. ما إحتريناها تجـي هالحيـن = ولكن جات .. وآآمنّا .. بـحكم الـرب .. سبحانـه
فراق .. الوافي اللى فـي وفـاه. يخجّـل الوافيـن = ماهو فرقا الهنوف اللـى لهـا عاميـن .. زعلانـه
هذاك اللـى علشانـه .. عيونـي دمعهـا . زافيـن = هـذاك اللـى خفوقـي يدبـل الونّـة .. علشـانـه
هذاك العجمـي محمـد مبـارك .. طيـب الجديـن = أبو كلمة هـلا يـا مرحبـا .. لا شـاف ضيفانـه
هذاك محمد مبارك .. وريـث السيـف أبـو حديـن = هذاك اللـى لقينـا فيـه .. جـود وطيـب جدانـه
هذاك اللى بنى له سور عز أشبه لـسور الصين = فخر لـعيون أبوه .. ورفع راس لـجملـة اخوانـه
هذاك اللى يجي ذكره .. مـع الادنيـن والأقصيـن = ولا بـه غيـر كلمـة والنعـم .. والنعـم ميـدانـه
هذاك اللى لـصدقانه .. ولد عـم .. وقرابـة ديـن = وهذا مـا جعـل اغلـب رجـال الطيـب صدقانـه
محمد سيفِِ .. مجرّب .. بـوقت العسر قبـل الليـن = ونفسـه مـن عـدود المرجلـة والطيـب رويانـه
أبـو وجـهِِ كريـم .. ونيّتـه مـا تقبـل الوجهيــن = على وضح النقـا .. والـراس مـا يختـلّ ميزانـه
ثقيل ليا .. حكي .. ماهو بـحكي الخايب المسكين = ولا أذكر يوم واحد .. مـرّت العيبـه علـى لسانـه
كريم ليا عطـى .. واصابعـه مـا تلمـس الكفيـن = خلقـه الله يمـد .. ومدّتـه .. جـزلـة ومليـانـه
على مثله يكون الحـزن حاضـر .. والتوجّـد ديـن = على رقاب الرجـال اللـى علـى شوفتـه شفقانـه
تنحّـر راس تنـوره .. شمالـي مغـرب البحريـن = بعد ما ودّع .. بـروضة تناجيب .. أقـرب إخوانـه
توكّل بالسلامة .. جعل فاله .. وين ما اقبـل زيـن = وعسـى ربـي يصبرنـا علـى بعـده وفقـدانـه
على الله يـا محمـد والرجـا فـي شوفتـك بعديـن = مصيـر الحـي يتلاقـي .. وتفـرح فيـه حيّانـه [/poem]
وسلالالامتكم
المواضيع المتشابهه
العرض العادي
