السلام عليكم ورحمة الله وبركاته
واعــــود اليكم اليوم بأجمل ماقرات وكلي أمل ان ينال طرحي البسيط اعجابكم
هذي القصيده لها قصه حزينه جدا .....
ان امراه كانت متزوجه وعندها سبع اولاد.
وتزوج عليها زوجها من وراها وجاها بالبيت وقاله ابيك
تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت ..
قالها زوجها وين الاغراض اللى شريتيها
قالت له ليش قال الاغراض مو لك .. للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وثاني شي كنت ابيك تختارين الشريكتك بذمــــــــــّه..
الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك طبعا هي انصدمت انه معقوله لا اولادها ولا احد زارها ...
وقالت القصيده
هذى هى القصيده ......
تكفين يا طيـور الحـرار افزعيلـى
ابى عن ديار الاهـل منـك اخبـار
تكفين حومـى فوقهـم وارجعيلـى
وإلا ان حصل لك حومه داخل الـدار
تكفيـن حـول بيوتهـم دوريـلـى
سبعة فروخ يـوم اخليهـم صغـار
شوفى ضناى وعودى وانكفـى لـى
واشلونهم يا علهـم صـارو كبـار
نسوا دفاي ونومهـم فـى شليلـى
وش علمهم يا علهم بطول الاعمار
قولي لهـم ان امكـم لـه عويلـي
خمسه سنيـن دمعهـا دوم مـدرار
وقولي لهم إني علي طـول ليلـي
أنوح وليـا قـرب الصبـح أنهـار
وقولي عيوني دايمـا لـه هميلـي
تبكي ليا شافت مـن النـاس زوار
كل يوم اقول غدى حديهـم يجينـي
راحت سنيني مابهم واحـد(ن) زار
وانا اللي من سبت سوات الحليلـي
حالـي تـردة كـل مالـه وتنهـار
وفرقا ضناي اللـي تـردت بحيلـي
كني على شوفتهم اصلى على نـار
ياويلـي كـان الله عجـل رحيلـي
وانا لي سنين ابـي لوهـي اخبـار
ياعونة الله من يبـي يرتكـي لـي
جارت علي بأمـر الله كـل الأقـدار
تنكـروا مـن يدخلـون الدخيلـي
واللي بوسط ديارهم يامـن الجـار
قولي لهم ياطيـور قلبـي عليلـي
الله يكافي قلوبهم صـارت احجـار
وانا اللي لبراق الخيـال استحيلـي
وقـول ياعـل ديرتهـم للأمـطـار
تكفيـن وسـط ديارهـم صوتيلـي
شوفي عسى لأسمي مع الناس تذكار
وقولي لمـن نسيانهـم يستحيلـي
ياللي نسيتوها تـرى الوقـت دوار
ياهيه ياللي بالسمـا لـك هديلـي
ردي خبـر تكفيـن يكفـي امـرار
شوفي هاك اللي نومهم في شليلـي
من اذان المغرب لوقـت الأسحـار
شوفي هاك اللي ماتهنى في مقيلـي
إلا مقيـل معهـم كبـار وصـغـار
وقولي لهم ان كان حملـي ثقيلـي
مره يجون وعقبهـا شـي ماصـار
وانـا يتولانـي كريـم(ن) جليلـي
ياعلني فـي جنّـة وسـط الأبـرار
الله يصبّرهــــــــــا ويرحمهاااااااا برحمته الواسعــــــــه ،،
تحياتي محمد العنزي 
المواضيع المتشابهه
العرض العادي
