[poem=font="Simplified Arabic,5,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
((استار اكا ديمي وسود الكوابيس =فريسةٍ تبحث لها عن فريسه))
0
0
0
يالله دخيلك عن حياة المطاريس=والغرسه العوجا تعدل غريسه
شيئٍ لمحته بين خمٍ وتلميس=تقول بنتٍ نايمه مع عريسه
زلطٍ وملط وبايناتٍ كلاليس= وصدور بانت منهن اثمار ديسه
وبنات ترقص فوق دق المراويس=والعود يرجف والجماعه عفيسه
متمصلخاتٍ كنهن وسط باريس=والجسم يتمايل بقده وميسه
وناس تضاحك وايضا هناك تعبيس=وناسٍ بها العفه تشوفه حبيسه
وكلاً يصيح بصوته يقول انا قيس=العامريه وينها وين اليسه
وزاد الصراخ وزاد ضحك المناحيس=وهذا يصب وذاك يملا كويسه
مثل الذبيحه قام يرفس ترافيس=يضحك ويبكي منعمس في عميسه
والبنت قامت تنتله بالهراديس= تقول عنز تجرجر قرون تيسه
خوش الدراسه خوش درسٍ وتدريس= علاقةٍ ما بين هيسٍ وهيسه
0
0
0
((استار اكا ديمي وسود الكوابيس =فريسةٍ تبحث لها عن فريسه))
0
0
0
ذولا الذي طاعوشياطين وابليس= واغواهم المغوي بخيله وعيسه
مشو مع الشيطان طاعو الوساويس=ولاعاد يفرق جمعته من خميسه
والشر ما يالع بليا مقابيس=وعند المقرد له عصاة وقبيسه
والكل يرشح صوته لأم عتريس= أم العيون الفاتنات النعيسه
ياناس هذا السم مخلوط بدبيس=واصحو تروها يالجماعه دسيسه
0
0
0
((استار اكا ديمي وسود الكوابيس =فريسةٍ تبحث لها عن فريسه))
0
0
0
والبعض مايبغى تعرف وتجنيس=يعرف يتقليد الوجيه العبيسه
والغرب بابه سكره بالمتاريس=عنا وعلمه ودعه بالكنيسه
يقول يالله غيّر البدي والفيس=وخل الشوارب والعوارض حليسة
جونا مع بيبان كله دحاويس=مثل الحبال اليا غدت لك حويسة
والبال ضاق وتيلتة الهواجيس=وقامت تلوفه لوف بنت لهريسة
0
0
((استار اكا ديمي وسود الكوابيس =فريسةٍ تبحث لها عن فريسه))
0
0
0
صحيح فينا خير واقول لابيس=لاباس ياوقت حمسنا حميسة
وراجعت انا الماضي والف القراطيس=واتذكر الماضي وحامي وطيسه
وعارضني رجالٍ شباه القرانيس=اللي صبرو على الحبال ومسيسه
ماخلفو درهم ولا خلفو كيس=خلو لنا ديارٍ ويسمع حسيسه
حنا الحرار اهل اليمان المفاريس=وايماننا مانمدها للفطيسة
ولا يوم للقمه رجعنا مناكيس=عـّز النفوس ولا حياة تعيسة
حنا عيون الليل حناالمداميس=نمشي علىالرمضاءولوهي حميسه
ولياكرمناماذبحناالدنافيس=ولياعطيناماعطيناالطفيسة
انقلط الدله ومعها الدلاقيس=حلوة تفرق طعمها من دبيسة
ويامرسل الهدهدعلى عرش بلقيس=ترسل لهم جندك تخفسه خفيسة[/poem]
معاني الكلمات وليست جميعها لتحفظي على بعضها
الهراديس=الملابس الباليه وتأتي بمعنى المكدسه
العيس= الجمال
مقابيس= الشيئ القليل من النار
المتاريس=وهي ما يحتمى به أو الحواجز
البدي= الجسم وهي كلمه أنجليزيه
الفيس= الوجه وهي كلمه انجليزيه
الدنافيس=الصغير من كل شيئ والمقصود هنا الذبيحه الصغيره
الدلاقيس=وهو ما يجمع بالكف من التمر المتماسك ومفرده دلقوس
المواضيع المتشابهه
العرض المتطور
