قصيدة ابكت شاعرها قبل قارئها

[البــــــــــدر]

قصيدة قصتها حقيقية ... وشاعرها حي يرزق .. كتبت بمداد الدموع

[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="none,4,gray" type=0 line=1 align=center use=ex num="0,black"]
غابت ثمان سنيـن حـلٍ وترحـال= غابـت ثمـان كلـهـا مدلهـمـه
قضيتها بالحـب والشـوق رحـال= شوقٍ تحـدى كـل يائسـه وهمـه
سألت عنها اسنين وشهـور وليـال= ولا فيه فـجٍ غيـر وجهـت يمـه
وعقب الثمان اللي تعبها برى الحال= جاب الزمـان الكارثـه والمطمـه
جاني ولدها مبتسم بيـن الاطفـال= و من بسمته ذكرت انا بسمة امـه
شفته وصاحت داخلي كـل الأمـال=بصوتٍ عجزت بكتم الأنفاس المـة
وركضت له دمعي على الخد منهال= ومن كثر شوقي قمت بالحيل اضمه
ولحظة حضنته والطفل في يدي مال= شميت ريحتها على اطـراف كمـه
واستلهمت نفسي مقاديـم الاهـوال= وتم الضيـاع واكـدت لـي متمـه
ليت الغياب اللي شغل غربتي طـال= ولا دور العاشق على حـرق دمـه
اليوم بنت الناس في بيـت رجـال= حبٍ على غير الشرف لـي مذمـه
مجبور اعود واشتكي لكل الأميـال= بنفسٍ .. حزينة .. كائبة .. مستهمة
برجع غريبٍ سكنـه بـر وارمـال= يموت .. يحيى .. يندفـن مايهمـه[/poem]