ماهي الفائده التي تجنيها؟

[دانة الكون]

بسم الله الرحمن الرحيم
السلام عليكم ورحمة الله وبركاته
عندي سؤال اتمنى اعرف إجابته
حاولت اعرف واحلل الموضوع واقلبه يمين ويسار بس ما وصلت للسبب الحقيقي او انه مجموعه اسباب.
المهم ما أطول عليكم سؤالي موجه للشباب هو:
وش تستفيد من ملاحق بنات خلق الله وش تستفيد من المغازل وايش المتعه الي تحسها تحققها؟؟
بس ما لقيت إجابات
يعني وش قصدك (شوفوني انا عندي حبيبة وصديقات وانتم لا) "طيب وبعدين" وش الانتصار الي حققته.
ولما لاحقت واذيت بنات المسلمين وشعورك؟ وايش شعورك وموقفك لما تصدك؟
اما بتحس بصغرك وتفاهتك وتحترمها وتستحي من نفسك ومن فعلك،،،
او انك لما تصدك وتتفل بوجهك"تكرمون" تستمر بالمحاوله؟ليش تستمر هل هو حب انتقام ام رد اعتبارك وهيبتك امام اصحابك وضياع برستيجك(ما فكرتوا بضياع هيبتكم امام الله وانتم بهذا المنظر) (هل تعتبره صديق الي يحثك على فعل المنكر؟)
وش تحس فيه وانت طول يومك تفر بالشوارع وتلحق بنات خلق الله وتجي اخر الليل"عفواً قصدي الفجر" تحط راسك على المخده وبتنام وتسلم روحك"الموته الصغرى" وانت ما سويت شيء تقابل فيه الله.
طيب انت تشبع عواطفك لما تلحق البنات وتكلم هل عندك نقص حنان مثلاً (يعني حسب ما تقولون"الرجل يتحكم فيه عقله والمرأة عاطفتها"بس الي يصير العكس"تناقضون اقوالكم بافعالكم")
انا ما اعتقد انك تستفيد غير المخاسير اولها بانزين سيارتك الي خلص وانت تفر بالشوارع وترجع تعبي ويخلص راحت فلوسك ،، غير التعب الجسدي بقعدتك بالسياره بالساعات وبعدها المكالمات تخسر رصيدك ولا تجيك الفاتوره ضربه ،، وتتعب اذونك من الجوال الي معلقه فيها ،،وتخسر هدايا وبطاقات و غيرها.....
وقبل كل هذا تخسر ربك لانك اغضبته(العين تزني وزناها النظر،والاذن تزني وزناها السمع) وممكن تتطور الامور وتكون فيه مقابلات(خلوه غير شرعيه)لقوله صلى الله عليه وسلم(لا يخلون رجلا بامرأةً الا كان ثالثهما الشيطان).
سمعتك بين الناس ما تهمك لما يقولون فلان ولد فلان اعوذ بالله منه ومن سيرته ،، خساره انه ولد فلان .

من سمح لك بممارسة هذي الافعال هل هو المجتمع الذي يقول:
الرجل ناقل عيبه ـــ بكرى يكبر ويعقل ـــ الرجال ما يعيبه الا جيبه ــ بكرى يتوب والناس تنسى خطاه.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل سينعكس على اهله ويتاثروا من سمعته؟
هل ستشاوره الشكوك باهله ويخاف ان تدور عليه الدائرة؟؟

الكلام كثير ولكن اترك لكم المجال لطرح وجهه نظركم.

[لحن الحزن]

وعليكم السلام ورحمة الله وبركاته


هلا فيك اختي الكريمة وشاكر لك طرح هذا الموضوع وعمرك اطول من عمري اليوم بالتحديد كنت راح اكتب هذا الموضوع ولكن بسبب الانشغالات ما استطعت فسبحان الله كفيتي ووفيتي وماقصرتي بالطرح

ولكن لي عتاب عليك وهو عتاب واحد فقط انا ترا نظري الله بالخير يعني ياليت مره ثانيه لا هنتي تكبرين الخط لاني اجد صعوبه في القراءه للكتابة الصغيره ...


اما بالنسبة للموضوع

فبصراحة سوف اذكر لك حادثه ربما تكفيني عن الكثير من الحديث

كان لي صديق يلهث خلف النساء في الشوارع يعني مغازلجي زي مايقولون 100% مايترك بنت ملتزمه غير ملتزمه يطاردها

نصحته ونصحه الكثير ولكن لا فائده تبقى ثورة الغريزه لديه جامحه تسيطر عليه للاسف

ولكن بعد سنوات من الزمن تزوج وانجب لثلاث بنات

وبعد فتره وانا بالاساس نسيت ماضية وباركنا له في كل مولود

ولكن بعد سنوات شاهدت صديقي غير مرتاح مع ان وظيفته ممتازه ومريحه والحمدلله ميسور بأحسن حال

ولكن كانت حالته كلها هموم ...

بعد فتره طبعا احب اوضح اني قبل ما اقول هذه الحادثه استأذنته قبل فتره طويله وقال لي مدام فيها خير خذ راحتك يعني من حفظ الحقوق والستر انك تستأذن وهذه القصة ماهي للضحك ولا غيره ولكن للعبره والحمدلله على كل حال

المهم بعد فتره طويله ألتقيت فيه وقال لي تصدق اني شايل هم البنات من اول مولوده رزقني الله فيها ...!!

قلت ليش ...!!

قال اخاف هذا انتقام من الله عني اللي سويته في ماضيي ببنات الناس ..!!

قلت له انت نادم على اللي سويته ...!!

قال اي والله نادم وخايف ..!!

ضحكت له وقلت مدام انك نادم وخايف فهذه بشارة خير تراك عبد لرب عفور رحيم يعني ربك اللي تعبده ونعبده يقول

فذكرت له هذا الحديث :

عن أنس بن مالك - رضي الله عنه - قال: قال رسول الله : قال الله -تعالى-:
يا ابن آدم إنك ما دعوتني ورجوتني، غفرت لك على ما كان منك ولا أبالي، يا ابن آدم لو بلغت ذنوبك عنان السماء، ثم استغفرتني غفرت لك، يا ابن آدم لو أتيتني بقراب الأرض خطايا، ثم لقيتني لا تشرك بي شيئا، لأتيتك بقرابها مغفرة
رواه الترمذي، وقال: حديث حسن، والله أعلم وصلى الله على محمد

ومن ثم قلت له لا تشيل هم مدامك اعلنت التوبه وندمت على مافاتك فلك ربً رحيماً غفور

وبعد هذا وجدت منه الطمئنينه والراحة

ولكن رجعت اقول له اذا رجعت لما اقدمت عليه فلا تنتظر شئ اخر ولكن ان الله لا يأخذ بذنب عبد بعبد اخر

تمت ..


ولكن مشكلتنا اليوم بمن لم يتب هنا المشكلة

للاسف هؤلاء بحاجة الى نصح

وتذكر بهذا الحديث


[SIZE=2.5] يقول عليه الصلاة والسلام: [/SIZE]
[SIZE=2.5] (يا معشر من آمن بلسانه ولم يدخل الإيمان قلبه! لا تغتابوا المسلمين، ولا تتبعوا عوراتهم، فإنه من يتتبع عورات المسلمين يتتبع الله عورته حتى يفضحه في بيته)[/SIZE]


[SIZE=2.5]ولهذا ومن خلال موضوعك اتمنى من الجميع ليس باللزوم ان يكون ملتزم ولكن يجب ان يحمل القيم الاسلامية وان ينصح وربي النصح ليس بحاجة الى معادلة فيزيائية ولكن بحاجة الى قلب يخاف من الله [/SIZE]

[SIZE=2.5]اعتذر عن الاطاله ولك مني كل التحايا والتقدير [/SIZE]

[دانة الكون]

هلا فيك اخوي لحن
مو مهم انا ولا انت كتبنا الموضوع المهم يستفاد منه
و إن شاء الله اني طرحته بالصورة الصحيحة واتمنى ان فكرتي وصلت.
ولا تنسى انك انت الي طلبت مني اكتب عاد تحمل إذا لطشت قبلك كم موضوع.
ومن ناحيه الخط ابشر ولا يهمك ما طلبت شيء ومن حقك تستفيد من الموضوع بحيث ما تضر نفسك وتجهد عيونك.
ان شاء الله كذا مناسب الخط.

[لحن الحزن]

اقتباس المشاركة الأصلية كتبت بواسطة دانه الكون هلا فيك اخوي لحن مو مهم انا ولا انت كتبنا الموضوع المهم يستفاد منه و إن شاء الله اني طرحته بالصورة الصحيحة واتمنى ان فكرتي وصلت. ولا تنسى انك انت الي طلبت مني اكتب عاد تحمل إذا لطشت قبلك كم موضوع. ومن ناحيه الخط ابشر ولا يهمك ما طلبت شيء ومن حقك تستفيد من الموضوع بحيث ما تضر نفسك وتجهد عيونك. ان شاء الله كذا مناسب الخط.

هلا فيك اختي الكريمة وشاكر لك هذا الرد الطيب

بالعكس هذا شئ افرحني وجود موضوع كنت افكر فيه وهذا من الامور التي اسعدتني كثيراً

وهذا ان دل فيدل على اني صاحب نظره ولله الحمد ماقد خابت في من اتحدث عنهم وهذه نعمة من الله والحمدلله

وجودك ووجود امثالك من الخيرين كافي على نشر الفكر الطيب والقيم الاسلامية واحياء الضمير

ما اقولها مبالغ او مجامل لك وعمري ماجاملت احد الود ودي وكما يقال وما مطلب الاماني بالتمني

ان يكون هناك من هم مثلك مليون ومن هم مثل فلان مليون وفلان مليون وفلانه مليون

محد يكره الناس الطيبه

والحمدلله هذا المنتدي فيه من اهل الخير الكثير وهذه ايضا ايجابيه تحسب لهم

سنوات طويله قضيتها في الكتابة وربما لا استطيع احصاء ماكتبته من مواضيع وردود كان فيها الصح وكان فيها الخطأ لا معصوم اليوم

اكرر شكري والخط تمام التمام

والله يوفقك والجميع دنيا واخره

ولك التحية

[~ افوق الوصف ~]

&
موضوع اكثر من ممتاز

الله يهدي شباب المسلمين يارب

[نايف عايد]

موضوع متميز ورائع والله يعطيك العافيه على ماطرحتي..

السبب ضعف الوازغ الديني و كثرةأنتشارها في المجتمع و بين الأصدقاء والشيطان حثه على الغزل.

وأرى ان سبب دعم هذه الظاهرة وزيادتها هن النساء..

الفائدة كسب الحرام.

تحياتي لك واشواقي..

[زهورالخريف]

>انتباه >

كلنا ذا خطاء وخير الخطاون التوابون

شباب وفتيات كلهن نهجن ع نفس الطريق

نسال الله للشبابنا وفتياتنا الثبات ع الحق

وللشيطان نصيب كبير جد1 من هذا

شكرا ع الطرح جدا رائع

[دانة الكون]

اقتباس المشاركة الأصلية كتبت بواسطة لحن الحزن [center] المهم بعد فتره طويله ألتقيت فيه وقال لي تصدق اني شايل هم البنات من اول مولوده رزقني الله فيها ...!! قلت ليش ...!! قال اخاف هذا انتقام من الله عني اللي سويته في ماضيي ببنات الناس ..!! قلت له انت نادم على اللي سويته ...!! قال اي والله نادم وخايف ..!! [/u][/size][/font][/color][/font]

الي فهمته ان صديقك ما ندم الا يوم يوم جاه بنات يعني لو الله رازقه عيال كان استمر بطريقه؟

[دانة الكون]

اقتباس المشاركة الأصلية كتبت بواسطة لحن الحزن هلا فيك اختي الكريمة وشاكر لك هذا الرد الطيب بالعكس هذا شئ افرحني وجود موضوع كنت افكر فيه وهذا من الامور التي اسعدتني كثيراً وهذا ان دل فيدل على اني صاحب نظره ولله الحمد ماقد خابت في من اتحدث عنهم وهذه نعمة من الله والحمدلله وجودك ووجود امثالك من الخيرين كافي على نشر الفكر الطيب والقيم الاسلامية واحياء الضمير ما اقولها مبالغ او مجامل لك وعمري ماجاملت احد الود ودي وكما يقال وما مطلب الاماني بالتمني ان يكون هناك من هم مثلك مليون ومن هم مثل فلان مليون وفلان مليون وفلانه مليون محد يكره الناس الطيبه والحمدلله هذا المنتدي فيه من اهل الخير الكثير وهذه ايضا ايجابيه تحسب لهم سنوات طويله قضيتها في الكتابة وربما لا استطيع احصاء ماكتبته من مواضيع وردود كان فيها الصح وكان فيها الخطأ لا معصوم اليوم اكرر شكري والخط تمام التمام والله يوفقك والجميع دنيا واخره ولك التحية

الحمدلله الي ما خيبت ظنك وهذا من فضل الله ثم من تشجيعك لي بالكتابه والله يكثر من امثالك من ينفع بهم خلقه.

[دانة الكون]

اقتباس المشاركة الأصلية كتبت بواسطة ~ افوق الوصف ~ & موضوع اكثر من ممتاز الله يهدي شباب المسلمين يارب

اشكرك على تقييمك
والله يهديهم يارب