مجاراه للاديب عبدالله بن دهيمش بن عبار

[الشميلاني موسى]

من موقع الاديب عبدالله بن دهيمش بن عبار مجاراه ورد :

الشاعر موسى بن عيسى الجذيان الجذع الشميلاني اهدى لي هذه الأبيات الجزله وهو رجل
جزل قالها مجاراة لأحد قصائدي القديمه التي نشر منها مقطع في التويتر والذي منها قولي :

أوصيـك لا تـزرع جـمايلك بغـلـيس *** ينكرك لو كثّر على خشمك البوس
وهذه أبيات الأخ موسى :
تبـقى يا أبـن عـبـار فـوق المقاييس *** وتبقى مع الشعّار معجـم وقامـوس
ولك هاجس ما صار بين الهواجيس *** ما يعتلي فـوقه ولا جنس هاجوس
لا صار يبرك لك على ركـبـه إبليس *** ماهمّك الـلي من ورا الجن ملبوس
من سبّت اشعارك تهيج الأحاسيس *** ومن النعاره والسّطر تنطح الروس
وتحـطـم حصون وتـفـك المحابيس *** ومن الخـيـال تخـلي الشي ملمـوس
وش آخـر الـلي مدونه بالقراطيس *** نـبي انتعـلم مـنكـم اعـلـوم وادروس

جواب عبدالله بن دهيمش بن عبار رداً على الشاعر موسى بن عيسى الجذيان الجذع الشميلاني :
حـي الـبـيـوت الـلي تـزيـل الـتـعـامـيـس *** من موسى بن عيسى مناديب وعسوس
اشـكـر جـنـابـك يا نـسـل مـرذي العـيس *** حـيثـك نبـيـل من اهـل الطـيـب مـنعـوس
وأن كـان تنشـد وش كتـب بالـكـراريـس *** حصدت شوك وصـار بالضفـر داحـوس
كـلام مـحـدى يـوم يـسنـد عـلى حـلـيـس *** معـناه شفـتـه وانـكـشـف كـل مـدسوس
شـتـلـت بالصبـخـى شـتـيـل المـغـاريـس *** وذبـل سـعــفـهـا وانـحـنـا كـنّـه الـقـوس
والغـرسـه الـلي بالصبـخ صابهـا خـيس *** يـبس ورقـهـا وعـاث بغصونها السوس
رشيـد يشهـد لـي وأبـو نـايــف هـديـس *** والحـق مـاهـو عـنـد الأجـواد مطـمـوس

وقال أبو أنور الشمري هذه الأبيات عبر توتر مجاراة للمقاطع المنشوره أعلاه يقول :

ربـعي طـنـايا وافـتخـر بالسنـاعـيـس *** وسـلام لـلـويـلان مـن راس سنـعـوس
أنـت الأديـب ابـن الأدب والـكـراريـس *** واللي جهل مـن عـلمكـم يـأخـذ دروس
تبقى الجبل راسي وصعب التضاريس *** تبـطي عـظم ما غيرت شامخ الروس
تبـقى عـلـم شـامـخ شمـوخ القرانيس *** واكـبـر ظـلام اخـفاه نـور الفـوانيس

وقول الشاعر محدى الهبداني الذي اشرت له هو :

يا حليس نظرات الجفا تطـرف العيـن *** شوف البغيض بنونها تقل مشهاب
يا حليس وأن ما شفت أنا شايف شين *** اشـوف نـاس قوم بهدوم الأصحاب
ناس تشيـل البغـض ماهـم خـفييـن *** القـلـب فـيـه الـريـب لـو يضحك الناب
عـنهـم تـنحـوا يا قـلـوب البعـاريـن *** عـن ديـرة الأقـراب روحـوا للأجـنـاب

أما الرجلين الذين اشرت لهم فهم هديس بن صبر بن دخين العريفي من الكرماء المشهورين ومن الحكماء المعروفين في قبيلة السبعة خاصه وفي قبائل عنزة عامة ويعرفون كرمه وعفته وشهامته الكثير من الأجناب أما رشيد فهو رشيد بن مطر الممرح أبن موينع من حمايل السبعة وهو رجل حكيم وبعيد نظر ويرى بعين الحقيقة ولا تاخذه بالحق لومة لائم

</i>